வெள்ளை சட்டையில் கறையை நீக்கும் மேஜிக்; லாண்டரி கடை டெக்னிக் இதுதான்!

வெள்ளைச் சட்டையில் படிந்துவிட்ட கறையை எப்படி சலவை செய்து நீக்குவது என்று தெரியாமல் யோசித்துக் கொண்டிருக்கிறீர்களா, கவலையை விடுங்கள். வெள்ளை சட்டையில் கறையை நீக்கும் மேஜிக் உங்களுக்காக தருகிறோம். லாண்டரி கடை டெகினிக் இதுதான்.

வெள்ளைச் சட்டையில் கறை படிந்தால் அதை எப்படி சலவை செய்து நீக்க வேண்டும், அதற்கு என்ன பொருள் பயன்படுத்த வேண்டும் என்பதை ரோஸிஸ் விளாக்ஸ் (ROSY's Vlogs) என்ற யூடியூப் சேனலில் சூப்பரான டிப்ஸ் கூறியுள்ளனர். அதை அப்படியே இங்கே தருகிறோம்.

பலரும் வெள்ளைத் துணிகளைத் துவைக்க சிரமப்படுகின்றனர். குறிப்பாக வெள்ளை சட்டைகளை நாம் வீட்டில் என்னதான் துவைத்தாலும் லாண்டரி கடையில் சலவை செய்வது போல பளிச்னு வெள்ளையாக இருப்பதில்லை. இதற்கு காரணம் லாண்டரி கடையில் வெள்ளைத் துணிகளைத் துவைக்க 2 பொருட்களை பயன்படுத்துகிறார்கள். அது என்ன 2 பொருட்கள் என்றால், ஒன்று சலவை சோடா, இரண்டு பிளீச்சிங் பவுடர். இதை எப்படி பயன்படுத்த வேண்டும் என்பதைப் பார்ப்போம் வாருங்கள்.

முதலில் உங்களுடைய வெள்ளைச் சட்டையை நீங்கள் வழக்கமாக துவைக்கிறபடி, துணி பவுடர் போட்டு ஊறவைத்து துவையுங்கள். அடுத்து, ஒரு வாளியில் தண்ணீர் எடுத்துக்கொள்ளுக்கள். ஒரு காட்டன் துணியில் பிளீச்சிங் பவுடர் போட்டு மூடி தண்ணீரில் கரையுங்கள். இப்படி செய்வதன் மூலம் பிளீச்சிங் பவுடரில் உள்ள சின்ன துகள்கள் துணியிலேயே நின்றுவிடும். அடுத்து, சலைவை சோடாவை போட்டு கலக்குக்கள். நன்றாகக் கலக்கிய பின், அந்த வெள்ளை சட்டையையைப் போட்டு 12 மணி நேரம் ஊற வையுங்கள். பிறகு எடுத்து பாருங்கள். வெள்ளைச் சட்டையில் ஒரு துளி கறைகூட இருக்காது, வெண்மையாக இருக்கும். பிறகு, வெள்ளைச் சட்டைக்கு கஞ்சி போட்டு, அயர்ன் செய்தால் உங்கள் வெள்ளைச் சட்டை பளபளக்கும் வெண்மையுடன் சூப்பராக இருக்கும். 

குறிப்பு: சலவை சோடா மற்றும் பிளீச்சிங் பவுடர் என்ன அளவில் பயன்படுத்த வேண்டும் என்றால், 10 வெள்ளைச் சட்டைக்கு 100 கிராம் பிளீச்சிங் பவுடர், 200 கிராம் சலவை சோடா பயன்படுத்த வேண்டும். இந்த அளவில் பயன்படுத்தினால்தான் கறை நீங்கும், துணியும் பாதிக்காமல் இருக்கும். இதை பயன்படுத்தும்போது, கண்களில் படாமல் பாதுகாப்பாக பயன்படுத்த வேண்டும்.