முல்தானிமெட்டி உடன் இதை சேர்த்து தடவுங்க… முகப்பரு மறையும்; டாக்டர் மைதிலி

முல்தானிமெட்டியில் இருக்கக் கூடிய முக்கியமான ஊட்டச்சத்து மெக்னீசியம் குளோரைடு, கால்சியம் பென்டோனேட். இது இரண்டும் சேர்ந்து சருமத்தில் இருக்கக்கூடிய முகப்பரு, கருப்பு நிறப் புள்ளிகளை மறையச் செய்து முகத்தை பொலிவாக்குகிறது.

முல்தானிமெட்டியை எப்படி பயன்படுத்தலாம்?

ஒரு டீஸ்பூன் அளவு முல்தானிமெட்டி பொடியுடன் சமஅளவில் சந்தன பொடி, இதனுடன் கால் டீஸ்பூன் அளவு கஸ்தூரி மஞ்சள் சேர்த்து ரோஸ் வாட்டருடன் கலந்து நன்றாக குழைத்து முகத்தில் பேஸ் பேக் மாதிரி அப்ளை செய்ய வேண்டும். வாரத்துக்கு 2 முறை என 3 மாதத்திற்கு இப்படி செய்வதால், முகப்பருக்கள் மறைவதுடன் கருப்புநிற புள்ளிகள் காணாமல்போய்விடும் என்கிறார் மருத்துவர் மைதிலி.

முகப்பொழிவுக்காக பயன்படுத்தலாமா?

முகப்பொழிவுக்காக பயன்படுத்துபவர்கள் ஒரு டீஸ்பூன் அளவு முல்தானிமெட்டி பொடியுடன் சிறிதளவு தயிர் சேர்த்து நன்றாக குழைத்து முகம், கழுத்து பகுதியில் தடவ வேண்டும். இதனால், சருமத்தில் இருக்கக்கூடிய அழுக்குகளை அனைத்தையும் நீங்கி ஒரே அளவில் சருமம் காட்சியளிக்கும். இறந்து போன செல்கள் அனைத்தையும் அகற்ற முல்தானிமெட்டி பயன் உள்ளதாக இருக்கும். இதனை வாரத்துக்கு ஒரு முறை பயன்படுத்தினாலே போதுமானது என்கிறார் மருத்துவர் மைதிலி.

கிருமி நாசினியாக பயன்படும் முல்தானிமெட்டி!

சருமத்துல சுருக்கங்கள், உள்ளவர்கள் வாரத்துக்கு ஒரு முறை ரோஸ் வாட்டர் அல்லது தயிர் கலந்து குழைத்து சருமத்துல போட்டுட்டே வரலாம். சீக்கிரமே வரக்கூடிய சரும சுருக்கங்களை தாமதப்படுத்தக்கூடிய தன்மையும் முல்தானிமெட்டில் அதிக அளவில் உள்ளது. கிருமி நாசினியாவும் செயல்பட்டு, காயங்களை குணப்படுத்தும் தன்மையும் இதில் உள்ளது என்கிறார் மருத்துவர் மைதிலி.