உலகின் அசுரத்தனமான உடல் அமைப்புள்ள பாடி பில்டர் என அழைக்கப்படும் 154 கிலோ எடை கொண்ட பெலாரஸ் நாட்டைச் சேர்ந்த இலியா யெஃபிம்சிக், தனது 36 வயதில் மாரடைப்பால் உயிரிழந்தார். இவர் தினந்தோறும் 16,500 கலோரிகள் என்ற அளவிற்கு ஒரு நாளைக்கு 7 முறை சாப்பிட்டு வந்ததாகவும், 108 சுஷி துண்டுகள், 2.5 கிலோ இறைச்சி எடுத்துக் கொண்டதாகக் கூறப்படுகிறது.
6 அடி 1 அங்குல உயரத்தில், 61 இன்ஞ் செஸ்ட் மற்றும் 25 இன்ஞ் பைசெப்ஸூடன், அவர் ’340 பவுண்டு பீஸ்ட்’ என்று அறியப்பட்டார்.
தொழில்ரீதியாக போட்டியிடாவிட்டாலும், 600-பவுண்டு பெஞ்ச் பிரஸ் மற்றும் 700-பவுண்டு டெட்லிஃப்ட் போன்ற அவரது சாதனைகள், இன்ஸ்டாகிராமில் 300,000 க்கும் மேற்பட்ட ரசிகர்களைப் பெற்று தந்தது.
ஒருமுறை கூட புஷ்-அப் செய்ய முடியாத 70 கிலோ எடையுள்ள இளைஞனாக இருந்து, கடுமையான பயிற்சி, ஒழுக்கம் மற்றும் உடற்பயிற்சி உடலியல் மற்றும் ஊட்டச்சத்து பற்றிய ஆழமான புரிதல் காரணமாக அவர் மாறினார்.
துரதிர்ஷ்டவசமாக, செப்டம்பர் 6 ஆம் தேதி யெஃபிம்ச்சிக் மாரடைப்பால் பாதிக்கப்பட்டார். அவரது மனைவி அண்ணா அவசர சேவைகளுக்காக காத்திருந்தபோது அவருக்கு CPR முதலுதவி செய்தார். விமானம் மூலம் மருத்துவமனைக்கு கொண்டு சென்றபோதிலும், அவரை காப்பாற்ற முடியவில்லை.
அவரது இதயம் சிறிது நேரத்தில் மீண்டும் துடிக்க ஆரம்பித்தாலும், அவரது மூளை இறந்துவிட்டதாக டாக்டர்கள் அண்ணாவுக்குத் தெரிவித்தனர். யெஃபிம்ச்சிக்கின் மரணம் செப்டம்பர் 11 அன்று ரஷ்ய செய்தித்தாளில் அதிகாரப்பூர்வமாக உறுதிப்படுத்தப்பட்டது, இது அவரது குடும்பத்தினரையும் ரசிகர்களையும் துக்கத்தில் ஆழ்த்தியது.
’இலியா குணமடைவார் என்ற நம்பினேன். பிரார்த்தனை செய்தேன், ஒவ்வொரு நாளும் அவருடைய அருகில், நம்பிக்கையுடன் கழித்தேன். அவரது இதயம் இரண்டு நாட்களுக்கு மீண்டும் துடிக்கத் தொடங்கியது, ஆனால் அவரது மூளை இறந்துவிட்டதாக மருத்துவர் பயங்கரமான செய்தியை தெரிவித்தார்’, என்று அவரது மனைவி அன்னா பெலாரஷ்ய செய்தி நிறுவனமான Onliner உடன் பகிர்ந்து கொண்டார்.
பிரேசிலைச் சேர்ந்த 26 வயதான அன்டோனியன் சோசா மற்றும் 34 வயதில் இங்கிலாந்தின் நீல் குரே போன்ற அகால மரணமடைந்த இளம் பாடி பில்டர்களின் பட்டியலில் அவர் இணைந்தது, தீவிர உடற்கட்டமைப்புடன் தொடர்புடைய உடல்நல அபாயங்களைப் பற்றிய கவலைகளை எழுப்புகிறது.
இதுபோன்ற உணவு முறைகள் உடலை கடுமையான மன அழுத்தத்திற்குத் தள்ளும், இதனால் கடுமையான உடல்நல பாதிப்புகளுக்கு வழிவகுக்கும், என்கிறார் உணவியல் நிபுணர் பாரதி குமார் (Dietician, Fortis Hospital, Nagarbhavi, Bangalore)
அதிகப்படியான கலோரி உட்கொள்ளல் விரைவான எடை அதிகரிப்புக்கு காரணமாகிறது, இது உடல் பருமன், இன்சுலின் எதிர்ப்பு மற்றும் டைப் 2 நீரிழிவு நோய்க்கு வழிவகுக்கும்.
செரிமான அமைப்பு அதிக வேலை செய்வதால், இது வீக்கம், அசௌகரியம் மற்றும் இரைப்பை சிதைவு போன்ற உயிருக்கு ஆபத்தான நிலைமைகளுக்கு வழிவகுக்கிறது.
கல்லீரல் மற்றும் சிறுநீரகங்கள் சிரமப்பட்டு, உறுப்பு சேதம் மற்றும் நோய் அபாயத்தை அதிகரிக்கும்.
இதயம் கடினமாக உழைக்க வேண்டிய கட்டாயத்தில் உள்ளது, இது இருதய நோய், உயர் ரத்த அழுத்தம் மற்றும் பக்கவாதத்திற்கு வழிவகுக்கும்
ஊட்டச்சத்து ஏற்றத்தாழ்வுகள் மற்றும் குறைபாடுகள் ஏற்படலாம், இது சோர்வு மற்றும் பலவீனம் முதல் நரம்பியல் பாதிப்பு வரை பல அறிகுறிகளை ஏற்படுத்தும்.
மேலும், இவ்வளவு பெரிய அளவிலான உணவை உட்கொள்வது உண்ணும் கோளாறுகள், மனநல பிரச்சினைகள் மற்றும் சமூக தனிமைப்படுத்தலுக்கு வழிவகுக்கும்.
இந்த உணவு முறை தொடர்ந்தால், அது நபரின் ஆயுளைக் கணிசமாகக் குறைத்து, அவர்களின் வாழ்க்கைத் தரத்தை கடுமையாகப் பாதிக்கும். மருத்துவ உதவியை நாடுவது மற்றும் சீரான உணவு மற்றும் ஆரோக்கியமான வாழ்க்கை முறை பழக்கங்களை கடைப்பிடிப்பது அவசியம், என்று டாக்டர் குமார் கூறுகிறார்.
Read in English: Illia Yefimchyk, the bodybuilder who passed away, used to eat seven meals a day: ‘108 pieces of sushi and 2.5 kg steak’
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/BQfkDyaJDfx7bsBXyeEA.jpg)