வருமான வரி தாக்கல் செய்யத் தயாரா? படிவங்களை எளிதாக நிரப்ப இதோ வழிமுறை

Income Tax Returns: மத்திய நேரடி வரிகள் வாரியம் (Central Board of Direct Taxes -CBDT) கடந்த மே 29, 2020 ஆம் தேதி மதிப்பீட்டு ஆண்டு 2020-21 க்கு உரிய வருமான வரி தாக்கலுக்கான 7 படிவங்களையும் அறிவித்துள்ளது (notified). மேலும் நிதியாண்டு 2019-20 ல் சம்பாதித்த வருமானத்தின் அடிப்படையில் மதிப்பீடு செய்யப்பட்ட தனிநபர்கள், தங்கள் வருமானத்தை தாக்கல் செய்ய அனுமதிக்க வேண்டியும் வருமான வரி தாக்கல் படிவங்களை வெளியிட்டுள்ளனர்.

மத்திய நேரடி வரிகள் வாரியத்தால் அறிவிக்கப்பட்ட (notified) வருமான வரி தாக்கலுக்கான படிவங்கள்

ITR-1 (Sahaj): சம்பளம் மூலம் வருமானம் பெறும் தனிநபர்கள், ஒரு வீட்டு சொத்து, மற்ற இனங்கள் (வட்டி போன்றவை) மற்றும் மொத்த வருமானம் ரூபாய் 50 லட்சம் வரை உள்ளவர்கள் பயன்படுத்த வேண்டியது.

ITR-2: தனிநபர்கள் மற்றும் எந்தவொரு தனி உரிமையின் கீழும் வணிகம் அல்லது தொழில் மேற்கொள்ளாத பிரிக்கப்படாத இந்து குடும்பங்களால் (Hindu Undivided Families) பயன்படுத்தப்பட வேண்டியது.

ITR-3: வணிகம் அல்லது தனியுரிமை தொழில் மூலம் வருமானம் பெறும் தனிநபர்கள் மற்றும் பிரிக்கப்படாத இந்து குடும்பங்களால் பயன்படுத்தப்பட வேண்டியது.

ITR-4 (Sugam): ஊகத்தை அடிப்படையாக கொண்ட வணிகம் அல்லது தொழில் செய்பவர்களால் பயன்படுத்தப்பட வேண்டியது.

ITR-5: (i) தனிநபர்கள், (ii) பிரிக்கப்படாத இந்து குடும்பங்கள், (iii) நிறுவனங்கள் மற்றும் (iv) Form ITR-7 தாக்கல் செய்யும் நபர்கள் தவிர மற்றவர்களால் பயன்படுத்தப்பட வேண்டியது.

ITR-6: பிரிவு 11 இன் கீழ் விலக்கு கோரும் நிறுவனங்களைத் தவிர வேறு நிறுவனங்களால் பயன்படுத்தப்பட வேண்டியது.

ITR-7: sections 139(4A) or 139(4B) or 139(4C) or 139(4D) or 139(4E) or 139(4F) பிரிவுகளின் கீழ் வருமானத்தை தாக்கல் செய்ய வேண்டிய நபர்களால் (நிறுவனங்கள் உட்பட) பயன்படுத்தப்பட வேண்டியது.

மதிப்பீட்டு ஆண்டு 2020-21 க்கான வருமானத்தை ஆன்லைன் மூலமாக தாக்கல் செய்வதற்காக குறிப்பிடப்பட்ட 7 படிவங்களில் Forms – ITR-1, ITR-2 மற்றும் ITR-4 ஆகிய மூன்று படிவங்கள் மட்டும் தான் அப்லோட் செய்யப்பட்டுள்ளன. மீதம் உள்ள படிவங்கள் ஆப்லைன் மூலமாக மட்டும் தான் கிடைக்கிறது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil