சுற்றுலாப் பயணிகளுக்கு சூப்பர் செய்தி... சென்னை டூ பாங்காக் பறக்க மீண்டும் நேரடி விமான சேவை வந்தாச்சு!

Indigo Airlines | chennai | Bangkok: இந்தியாவின் விமான நிறுவனமான இண்டிகோ, வருகிற மே 16 முதல் சென்னை - துர்காபூர் இடையே நேரடி விமானங்களை இயக்க இருப்பதாக அறிவித்துள்ளது. மேலும், மே 15 முதல் சென்னை - பாங்காக் இடையேயான நேரடி விமான சேவையை மீண்டும் தொடங்குகிறது. 

இந்த நேரடி வழிகள் தமிழ்நாட்டின் தலைநகரிலிருந்து உள்நாட்டு மற்றும் சர்வதேச இணைப்பை அதிகரிக்கும். சென்னையில் இருந்து பாங்காக் மற்றும் துர்காபூருக்கான இணைப்பு வணிக மற்றும் சுற்றுலாப் பயணிகளுக்கு அதிக விமான விருப்பங்களை வழங்குவதோடு மாநிலத்தின் பொருளாதார வளர்ச்சியை அதிகரிக்கும்.

சென்னையுடன் சேர்த்து, இண்டிகோ இப்போது துர்காபூரில் இருந்து டெல்லி, மும்பை, பெங்களூரு மற்றும் ஐதராபாத் உள்ளிட்ட பெரு நகரங்களுக்கு 28 வாராந்திர விமானங்களை இயக்குகிறது. இந்த புதிய இணைப்பு துர்காபூரிலிருந்து வரும் பயணிகளுக்கு சென்னை வழியாக பிற உள்நாட்டு மற்றும் சர்வதேச இடங்களுக்கு இணைக்க கூடுதல் விருப்பங்களை வழங்கும். 

இது தொடர்பாக இண்டிகோவின் குளோபல் விற்பனைத் தலைவர் வினய் மல்ஹோத்ரா கூறுகையில், “சென்னை மற்றும் துர்காபூர் இடையே நேரடி விமான சேவை தொடங்கப்படுவதையும், சென்னை மற்றும் பாங்காக் இடையே நேரடி விமான சேவையை மீண்டும் தொடங்குவதையும் அறிவிப்பதில் மகிழ்ச்சி அடைகிறோம். இந்த விமானங்கள் வழங்கும் மேம்பட்ட அணுகல் மற்றும் இணைப்பு, மாநில மற்றும் சர்வதேச இணைப்பை வலுப்படுத்துவது மட்டுமல்லாமல், புதிய வர்த்தக மற்றும் சுற்றுலா வாய்ப்புகளையும் உருவாக்கும். 

இந்த விமானங்கள் மூலம் இண்டிகோ இந்தியாவில் உள்ள 7 நகரங்களில் இருந்து தாய்லாந்திற்கு 69 நேரடி விமானங்களை இயக்குகிறது. இந்தியாவின் முன்னணி கேரியர் என்ற வகையில், இணையற்ற நெட்வொர்க்கில் மலிவு விலை, சரியான நேரத்தில், மரியாதையான மற்றும் தொந்தரவு இல்லாத பயண அனுபவத்தை நாங்கள் தொடர்ந்து வழங்குகிறோம்." என்று கூறியுள்ளார். 

மேற்கு வங்கத்தின் பர்தமான் மாவட்டத்தில் அமைந்துள்ள துர்காபூர் தொழில்துறை நகரமாகும். மேலும், இங்கு மிக அதிகமாக கனிமங்கள் நிறைந்து காணப்படுகிறது. இரண்டு அமெரிக்க கட்டிடக் கலைஞர்களால் திட்டமிடப்பட்ட இப்பகுதியில், 1957 இல் திறக்கப்பட்ட துர்காபூர் எஃகு ஆலைக்கு சொந்தமானது. தாமோதர் ஆற்றின் கரையில் அமைந்துள்ள இந்த நகரம் பல புகழ்பெற்ற கல்லூரிகள் மற்றும் பல்கலைக்கழகங்களுடன் கல்வி மற்றும் கண்டுபிடிப்புகளின் மையமாகவும் உள்ளது.

பாங்காக், நன்கு அறியப்பட்ட சுற்றுலாப் பகுதியாகும். தாய்லாந்தின் தலைநகரான இங்கு செழுமையான கலாச்சார பாரம்பரியம், சுவையான உணவு வகைகள் மற்றும் உற்சாகமான இரவு வாழ்க்கை ஆகியவற்றைக் கொண்ட துடிப்பான நகரமாகும். அதன் கண்கவர் அரண்மனைகள், வானளாவிய கட்டிடங்கள், அருங்காட்சியகங்கள் மற்றும் சந்தைகளுக்காகவும் இது பிரபலமானது. ஃப்ளோட்டிங் மார்க்கெட், சஃபாரி வேர்ல்ட், சியாம் ஓஷன் வேர்ல்ட், சாவோ ஃபிரேயா டின்னர் க்ரூஸ் மற்றும் சியாம் பார்க் சிட்டி ஆகியவை பாங்காக்கில் உள்ள சில சுற்றுலா அம்சங்களாகும்.

தங்கள் பயணத்தைத் திட்டமிட விரும்பும் வாடிக்கையாளர்கள் இண்டிகோவின் (IndiGo) அதிகாரப்பூர்வ இணையதளம் அல்லது மொபைல் செயலி மூலம் டிக்கெட்டுகளை முன்பதிவு செய்யலாம் என்று தெரிவிக்கப்பட்டுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“