ரயில் டிக்கெட் முன்பதிவு: பயணத்திற்கு முன் தெரிந்து கொள்ள வேண்டிய ரயில்வேயின் போர்டிங் ஸ்டேஷன் மாற்றும் விதிகள்

Indian Railways Ticket Booking: அடுத்த மாதம் பண்டிகைக் காலம் தொடங்கவிருப்பதால், ரயில் பயணிகள் ஆன்லைனில் டிக்கெட் முன்பதிவு செய்யும்போது, புறப்படும் இடம் மற்றும் சேருமிடம் போன்ற விவரங்களை கவனமாக உள்ளிடுமாறு அறிவுறுத்தப்படுகிறார்கள். பயணத்தின் முதல் படியே டிக்கெட் முன்பதிவுதான். இருந்தபோதிலும், பல பயணிகள் தவறான ரயில் நிலையத்திலிருந்து டிக்கெட்டை முன்பதிவு செய்திருந்தால், அவர்கள் போர்டிங் பாயிண்டை மாற்ற வேண்டிய அவசியம் ஏற்படுகிறது.

ஆங்கிலத்தில் படிக்க:

உதாரணமாக, டெல்லியிலிருந்து ஹவுராவுக்கு நேதாஜி எக்ஸ்பிரஸில் செல்ல திட்டமிட்டிருக்கும் ஒரு பயணி, தவறுதலாக டெல்லிக்குப் பதிலாக சப்ஜி மண்டி அல்லது காஜியாபாத் நிலையத்திலிருந்து பயணத்திற்கு முன்பதிவு செய்திருக்கலாம். இது போன்ற சமயங்களில், பயணத்தின் தொடக்க இடமான போர்டிங் பாயிண்டை விரைவில் மாற்றுவது அவசியமாகிறது. இல்லையெனில், டெல்லியிலிருந்து ரயிலில் ஏற அந்தப் பயணி அனுமதிக்கப்பட மாட்டார்.

இந்திய ரயில்வேயின் போர்டிங் ஸ்டேஷன் மாற்றும் விதிகள்

இந்திய ரயில்வேயின்படி, பயணிகள் எந்த மாற்றங்களைச் செய்வதற்கு முன்பும், போர்டிங் ஸ்டேஷனை மாற்றுவது தொடர்பான விதிகளைத் தெரிந்து கொள்ள வேண்டும்.

ரயில் புறப்படுவதற்கு 24 மணி நேரத்திற்குள் போர்டிங் ஸ்டேஷன் மாற்றப்பட்டால், சாதாரண சூழ்நிலைகளில் பணம் திரும்பப் பெற அனுமதி இல்லை. எனினும், ரயில் ரத்து, பெட்டி இணைக்கப்படாமல் இருப்பது, ரயில் மூன்று மணி நேரத்திற்கு மேல் தாமதமாக ஓடுவது போன்ற அசாதாரண சூழ்நிலைகளில், வழக்கமான திரும்பப் பெறும் விதிகள் பொருந்தும்.

ஒரு பயணி போர்டிங் ஸ்டேஷனை மாற்றியிருந்தால், அசல் போர்டிங் ஸ்டேஷனில் ரயிலில் ஏறுவதற்கான அனைத்து உரிமைகளையும் இழந்துவிடுவார். சரியான அனுமதி இல்லாமல் பயணம் செய்வது கண்டறியப்பட்டால், அசல் போர்டிங் ஸ்டேஷனுக்கும் மாற்றப்பட்ட போர்டிங் ஸ்டேஷனுக்கும் இடையிலான கட்டணத்தையும் அபராதத்தையும் பயணி செலுத்த வேண்டும்.

டிக்கெட் பறிமுதல் செய்யப்பட்டால், போர்டிங் ஸ்டேஷனை மாற்ற அனுமதி இல்லை.

விகல்ப் (VIKALP) விருப்பத்துடன் கூடிய பி.என்.ஆர் (PNR)-களுக்கு போர்டிங் ஸ்டேஷனை மாற்ற அனுமதி இல்லை.

ஐ டிக்கெட் (I-Ticket)-களுக்கு ஆன்லைனில் போர்டிங் ஸ்டேஷனை மாற்ற அனுமதி இல்லை.

உடனடி முன்பதிவு டிக்கெட்டுக்கு (current booking ticket) போர்டிங் ஸ்டேஷனை மாற்ற அனுமதி இல்லை.

முன்பதிவு செய்யும் நேரத்தில் போர்டிங் ஸ்டேஷன் மாற்றப்பட்டிருந்தால், பயணிகள் ‘புக்டு டிக்கெட் ஹிஸ்டரி’ (Booked Ticket History) பிரிவிலிருந்து ஒரு முறை மட்டுமே போர்டிங் ஸ்டேஷனை மாற்ற முடியும்.

ஐ.ஆர்.சி.டி.சி (IRCTC)-யில் போர்டிங் ஸ்டேஷனை மாற்றுவது எப்படி?

டிக்கெட் முன்பதிவு செய்த பிறகு, போர்டிங் பாயிண்டை மாற்றுவதற்கான வழிமுறைகள் இங்கே கொடுக்கப்பட்டுள்ளன:

உங்கள் பயனர் பெயர் மற்றும் கடவுச்சொல்லை உள்ளிட்டு உள்நுழையவும்.

மை அக்கவுண்ட் >> மை டிரான்சக்ஷன்ஸ் >> புக்டு டிக்கெட் ஹிஸ்டரி (MY ACCOUNT >> My Transactions >> Booked Ticket History) என்பதற்குச் செல்லவும்.

நீங்கள் போர்டிங் ஸ்டேஷனை மாற்ற விரும்பும் டிக்கெட்டைத் தேர்ந்தெடுத்து, சேஞ்ச் போர்டிங்ஸ் பாயிண்ட் (Change Boarding Point) பட்டனைக் கிளிக் செய்யவும்.

ஒரு பாப் அப் விண்டோ தோன்றும். அதில், நீங்கள் தேர்ந்தெடுத்த ரயில் வழித்தடத்தில் உள்ள ரயில் நிலையங்களின் பட்டியல் இருக்கும். அதில் உங்களுக்குத் தேவையான போர்டிங் பாயிண்டை தேர்ந்தெடுக்கவும்.

ரயில் நிலையத்தைத் தேர்ந்தெடுத்தவுடன், உறுதிப்படுத்தலுக்காக சிஸ்டம் கேட்கும், உங்கள் டிக்கெட்டின் போர்டிங் பாயிண்டை மாற்ற “OK” என்பதைக் கிளிக் செய்யவும்.

போர்டிங் ஸ்டேஷன் வெற்றிகரமாக மாற்றப்பட்டால், வெற்றிகரமான செய்தியுடன் கூடிய அலர்ட் மெசேஜ் தோன்றும்.

போர்டிங் பாயிண்ட் புதுப்பிக்கப்பட்டது தொடர்பான செய்தி, முன்பதிவின்போது வழங்கப்பட்ட மொபைல் எண்ணுக்கு அனுப்பப்படும்.