உலகின் மிக உயர்ந்த பதவிக்கு போட்டியிடும் கமலா ஹாரிஸ்: இவங்க தாத்தா, பாட்டி யார் தெரியுமா?

அமெரிக்காவின் முதல் பெண் துணைஅதிபர் கமலா ஹாரிஸ், அவரது மாறுபட்ட கலச்சார பின்னணிக்காக அடிக்கடி கொண்டாடப்படுகிறார்.

அரசியல்வாதியாக அவரது சாதனைகள் நன்கு ஆவணப்படுத்தப்பட்டிருந்தாலும், அவரது அடையாளத்தின் குறிப்பிடத்தக்க அம்சம் அவரது தாய்வழி பரம்பரை மூலம் வரும் இந்திய பாரம்பரியம் ஆகும். அவரது தாயார் ஷியாமளா கோபாலன் ஹாரிஸ், கமலாவின் இந்திய வேர்களுடன் தொடர்பை உருவாக்குவதில் முக்கிய பங்கு வகித்தார்.

உலகின் மிக உயர்ந்த பதவிக்கு போட்டியிடும் கமலாவின் இந்தியக் குடும்பத்தின் செல்வாக்கு மற்றும் அவரது தாய்வழி மூதாதையர்களின் பாரம்பரியத்தை இங்கே நாம் பார்க்கலாம்.

கமலா ஹாரிஸின் தாய் ஷியாமளா கோபாலன் ஹாரிஸ் யார்?

கமலாவின் தாயார் ஷியாமளா கோபாலன் ஹாரிஸ் ஒரு குறிப்பிடத்தக்க பெண்மணி.

இந்தியாவின் சென்னையில் பிறந்த ஷியாமளா, 1960-களின் முற்பகுதியில் உயர்கல்விக்காக அமெரிக்கா வந்தார். பெர்க்லி, கலிபோர்னியா பல்கலைக்கழகத்தில் உட்சுரப்பியல் துறையில் பிஎச்.டி படித்த அவர், ஜமைக்காவைச் சேர்ந்த சக மாணவரான டொனால்ட் ஹாரிஸை திருமணம் செய்து கொண்டார். இவர்களது மகள் கமலா 1964 இல் பிறந்தார்.

ஷியாமளா ஒரு அர்ப்பணிப்புள்ள விஞ்ஞானி மட்டுமல்ல, சிவில் உரிமைகள் மற்றும் சமூக நீதிக்காக வாதிடும் ஆர்வலராகவும் இருந்தார். மார்பக புற்றுநோய் ஆராய்ச்சியில் அவரது பணி ஆழமான தாக்கத்தை ஏற்படுத்தியது. தொழிலுக்கான தனது தாயின் அர்ப்பணிப்பு, தன் உலகக் கண்ணோட்டம் மற்றும் தொழிலை கணிசமாக வடிவமைத்ததாக, கமலா ஹாரிஸ் அடிக்கடி பேட்டிகளில் கூறியிருக்கிறார்.  

கமலாவின் தாத்தா பாட்டி யார்?       

கமலாவின் தாய்வழி தாத்தா பாட்டி பி.வி.கோபாலன் மற்றும் ராஜம் கோபாலன் ஆகியோர் இந்திய சமுதாயத்தில் குறிப்பிடத்தக்க நபர்களாக இருந்தனர்.

 P. V. கோபாலன் ஒரு அரசு ஊழியர் மற்றும் சமூக நீதிக்காக வாதிடுபவர். இல்லத்தரசியான ராஜம் கமலாவின் அம்மா, ஷியாமளா மற்றும் அவரது உடன்பிறப்புகளை வளர்ப்பதில் முக்கிய பங்கு வகித்தார்.

அமெரிக்காவில் வசித்தாலும், தனக்கும் அவரது சகோதரி மாயாவுக்கும் அவர்களின் இந்திய பாரம்பரியத்துடன் வலுவான தொடர்பு இருப்பதை அவரது அம்மா உறுதி செய்ததாக ஹாரிஸ் கூறியுள்ளார். அவரது குடும்பம் தீபாவளி உட்பட பல்வேறு இந்திய பண்டிகைகளைக் கொண்டாடியது, மேலும் அவர் இந்திய உணவுகள் மற்றும் பழக்கவழக்கங்களுடன் வளர்ந்தார், அது அவரது அடையாளத்தின் குறிப்பிடத்தக்க பகுதியாகும்.

Read in English: Know all about Kamala Harris’ Indian side of the family

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“