பெருகி வரும் மேக்கப் டிரெண்ட்; குழந்தைகள் மீது கவனம் இருக்கட்டும்; டாக்டர் ஸ்வேதா எச்சரிக்கை

ஒரு காலத்தில் குழந்தைகளை ஷாப்பிங் மாலுக்கு அழைத்துச் சென்றால், பொம்மைகள், விளையாட்டுப் பொருட்கள், பீட்சா அல்லது சாக்லேட் போன்றவற்றைத்தான் கேட்பார்கள். ஆனால் இன்றைய நிலைமையோ முற்றிலும் தலைகீழாக இருக்கிறது. "எனக்கு ஸ்கின் கேர் பொருட்கள் வேண்டும்" என்று கேட்கும் நிலைக்கு நம் குழந்தைகள் வந்துவிட்டார்கள்.

வெளிநாடுகள்ல, குறிப்பாக அமெரிக்காவில், செபோரா (Sephora) அப்படின்னு ஒரு பெரிய காஸ்மெட்டிக்ஸ் கடை இருக்கு. அங்க, நிறைய சின்னக் குழந்தைகளே ஸ்கின் கேர் பொருட்களை வாங்குறதுக்காக வர்றதைப் பார்த்துட்டு, அந்தக் கடையே **செபோரா கிட்ஸ் (Sephora Kids)**ன்னு ஒரு தனிப் பகுதியையே ஆரம்பிச்சிருக்காங்க.

இங்கே, சின்னச் சின்ன டீனேஜர்ஸ் மட்டுமில்லாம, எட்டு, பத்து வயசு குழந்தைகளும் கூட கூட்டம் கூட்டமாப் போய் விதவிதமான ஸ்கின் கேர் பொருட்களை வாங்கிக் குவிக்கிறாங்க. இது வெறும் சாதாரண கிரீம்கள் மட்டும் இல்லை. பீல்ஸ் (Peels), எக்ஸ்போலியண்ட்ஸ் (Exfoliants), ஏன் ரெட்டினால் (Retinol) போன்ற சக்திவாய்ந்த பொருட்களையும் பயன்படுத்துறாங்க.

இன்னொரு அதிர்ச்சியான ட்ரெண்ட் என்னன்னா, ஸ்கின் கேர் ஸ்மூதி (Skin Care Smoothie). எப்படி நாம பழங்களை ஜூஸ் ஆக்கி ஸ்மூதி செய்வோமோ, அதே மாதிரி இந்த குழந்தைகள் ரெட்டினால், வைட்டமின் சி, சீரம், எக்ஸ்போலியண்ட்ஸ் எல்லாத்தையும் கலந்து ஒரு ஸ்மூதி மாதிரி செஞ்சு, அதை முகத்துல பூசிக்குவாங்க. இதெல்லாம் பார்க்கவே வேதனையா இருக்கு. இது சின்ன விஷயமா தெரியலாம், ஆனா இது ஒரு பெரிய ஆபத்தின் ஆரம்பம்!

ஏன் இந்த மோகம் ஆபத்தானது?

இந்த மாதிரி சக்திவாய்ந்த ஸ்கின் கேர் பொருட்களைப் பயன்படுத்துறது குழந்தைகளுக்குத் தேவையே இல்லாத ஒன்று. இவற்றில் இருக்கும் சில வேதிப்பொருட்கள், அவர்களுடைய ஹார்மோன் வளர்ச்சியையும், உடலின் ஒட்டுமொத்த வளர்ச்சியையும் பாதிக்கக்கூடியவை.

இந்த ட்ரெண்ட் நம்ம நாட்டுல பரவுறதுக்கு முன்னாடி, உங்க குழந்தைகளைப் பாதுகாக்க வேண்டியது அவசியம்.

சமூக ஊடகங்களைக் கவனியுங்கள்: உங்கள் குழந்தைகள் சமூக ஊடகங்களில் என்ன மாதிரியான வீடியோக்களைப் பார்க்கிறார்கள் என்பதைத் தொடர்ந்து கவனியுங்கள். "Get Ready With Me", "Skin Care Routine" போன்ற வீடியோக்களைப் பார்க்கிறார்களானால், அதைக் கட்டுப்படுத்துங்கள்.

மேக்கப்பைத் தவிர்த்திடுங்கள்: நீங்க மாலுக்குப் போய் உங்களுக்கு மேக்கப் பொருட்கள் வாங்கும் போது, உங்க குழந்தைக்கும் சேர்த்து வாங்கிக் கொடுப்பது தேவையற்ற பழக்கம். 16, 17 வயது வரை குழந்தைகளுக்கு மேக்கப் பொருட்களைப் பயன்படுத்த அனுமதிக்காதீங்க.

தேவையற்ற பொருட்களைப் பயன்படுத்தாதீங்க: ஒரு குழந்தைக்கான ஸ்கின் கேரில் மாய்ஸ்சரைசர் (Moisturizer) மற்றும் சன்ஸ்கிரீன் (Sunscreen) மட்டுமே போதுமானது. சன்ஸ்கிரீனை கூட தினமும் பயன்படுத்தத் தேவையில்லை. வெயில் அதிகமாக இருக்கும் போது வெளியே போகும்போது அல்லது விளையாடும்போது மட்டும் பயன்படுத்தினால் போதும்.

சின்ன வயதில் முகத்தைப் பராமரிக்கிறேன் என்று சொல்லி, தேவையற்ற பொருட்களைப் போட்டு, எதிர்காலத்தில் அதைச் சரிசெய்ய வேண்டிய நிலைமை வரக்கூடாது. உங்கள் குழந்தைகளைப் பாதுகாப்பது உங்கள் கையில் உள்ளது, என்கிறார் டாக்டர் ஸ்வேதா.