எளிய சமையல் ஹேக்ஸ், இப்போது சமைக்கத் தொடங்கியவர்களுக்கு நிச்சயமாக பயனுள்ளதாக இருக்கும், அத்துடன் சமையல் கலையில் தேர்ச்சி பெற்றவர்களுக்கும் கூட.
பல இந்திய சமையலறைகளில் பெரும்பாலும் பயன்படுத்தப்படும் ஒரு மூலப்பொருள் இஞ்சி பூண்டு விழுது ஆகும். இருப்பினும், நீங்கள் கடையில் வாங்கும் இஞ்சி பூண்டு பேஸ்ட்டின் ரசிகராக இல்லாவிட்டால், ஒவ்வொரு முறையும் அதைச் செய்வது கூடுதல் வேலையாக இருக்கலாம். ஆனால் கவலைப்பட வேண்டாம், இந்த எளிய ரெசிபி ஹேக் மூலம் நாங்கள் உங்களுக்கு உதவுகிறோம், இது எளிதானது மட்டுமல்ல, ஐந்து முதல் ஆறு மாதங்கள் வரை பயன்படுத்தக்கூடிய அளவுக்கு பேஸ்ட்டை புதியதாக வைத்திருக்கும்.
தேவையான பொருட்கள்
150 கிராம் – இஞ்சி
250 கிராம் – பூண்டு
உப்பு
2-3 டீஸ்பூன் – எண்ணெய்
செய்முறை
* இஞ்சியை சுத்தம் செய்து உரிக்கவும்
* பூண்டை சுத்தம் செய்து தோலை உரிக்கவும்
* இஞ்சியை மெல்லிய துண்டுகளாக நறுக்கவும்
* சிறிது நேரம் ஆகும் என்பதால் முதலில் இஞ்சியை அரைக்கவும்.
*இப்போது பூண்டை அரைக்கவும்.
* உப்பு, எண்ணெய் சேர்க்கவும்.
மனதில் கொள்ள வேண்டியவை
* இஞ்சி வலுவான சுவையைக் கொண்டிருப்பதால், அளவு குறைவாக இருக்க வேண்டும்.
* இஞ்சியை மெல்லிய துண்டுகளாக வெட்டுவதை உறுதிப்படுத்திக் கொள்ளுங்கள், இதனால் அரைக்க எளிதாக இருக்கும். ஈரப்பதம் இல்லை என்பதை உறுதிப்படுத்தவும்.
* தண்ணீர் பயன்படுத்தவே கூடாது.
எப்படி சேமிப்பது?
* நன்கு கழுவி உலர்த்திய கண்ணாடி பாட்டிலில் பேஸ்டை சேமித்து வைக்கவும். இது ஃப்ரிட்ஜில் ஐந்து மாதங்கள் வரை நீடிக்கும், மேலும் ஃப்ரீசரில் ஆறு மாதங்கள் வரை கெடாமல் புதிது போல இருக்கும்,
* ஜாடியின் மூடி காற்று புகாதது என்பதை உறுதிப்படுத்தவும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil “
