சூப், ரொட்டிக்கு கூடுதல் சுவை சேர்க்க பூண்டு தோல் பொடி: இன்ஸ்டா வீடியோ

உங்கள் கொண்டாட்டங்களுக்கு மேலும் சுவை சேர்க்க இதோ ஒரு சுவையான யோசனை.

சோஷியல் மீடியா இன்ஃப்ளூயன்ஸர் ஜோஸ் கார்டன் தன் இன்ஸ்டாகிராம் பக்கத்தில் தூக்கி எறியப்பட்ட பூண்டு தோலைப் பயன்படுத்தி சுவையான பூண்டு பொடியை எப்படி தயாரிப்பது என்று செய்து காட்டினார்.

’இந்த பூண்டு தோல் பொடி எனக்கு கிடைத்த எளிதான வீட்டு மசாலாப் பொருட்களில் ஒன்றாகும்.

பூண்டுத் தோலைக் கொண்டு வீட்டில் பூண்டு பொடி தயாரிப்பது சமையலறைக் கழிவுகளைப் பயன்படுத்த ஒரு நிலையான வழியாகும்.

இதைச் செய்ய, பூண்டு தோல்களை சேகரித்து நன்கு உலர வைக்கவும், பின்னர் அவற்றை தூளாக அரைக்கவும். இது உணவு கழிவுகளை குறைப்பது மட்டுமல்லாமல், கடையில் வாங்கும் பூண்டு பொடிக்கு செலவு குறைந்த மாற்றையும் வழங்குகிறது’ என்று ஜோஸ் கார்டன் அந்த வீடியோவில் கூறினார்.

வீட்டில் பூண்டு பொடி செய்வதால் கிடைக்கும் நன்மைகள்

பூண்டு அதன் சாத்தியமான ஆரோக்கிய நன்மைகளுக்கு பெயர் பெற்றது. பூண்டு பொடியை வீட்டிலேயே செய்வது இந்த இயற்கையான பண்புகளை பாதுகாக்க உதவுகிறது, மேலும் பதப்படுத்தப்பட்ட வணிக மாற்றுகளுடன் ஒப்பிடும்போது சாத்தியமான ஆரோக்கிய நன்மைகளை வழங்குகிறது, என்று உணவியல் நிபுணர் கரிமா கோயல் கூறினார்.

வீட்டில் பூண்டு பொடியை தயாரிப்பதற்கான வழிமுறைகள்

View this post on Instagram

A post shared by JoesGarden (@joesgarden.official)

புதிய பூண்டு பற்களிலிருந்து தோல்களை சேமிக்கவும். அவை சுத்தமாகவும் அழுக்கு இல்லாமல் இருப்பதையும் உறுதிப்படுத்திக் கொள்ளுங்கள்.

ஒரு தட்டில் பூண்டு தோல்களை பரப்பி, பல நாட்களுக்கு உலர வைக்கவும். உலர்த்தும் செயல்முறையை விரைவுபடுத்த, நீங்கள் ஒரு டீஹைட்ரேட்டர் அல்லது அடுப்பில் மிதமான தீயில் பயன்படுத்தலாம்.

பூண்டு தோல்கள் நன்கு காய்ந்து, மிருதுவாக மாறியதும், மிக்சி கிரைண்டர், அல்லது சின்ன உரலை பயன்படுத்தி பொடியாக அரைக்கவும்.

எந்த பெரிய துகள்களையும் அகற்ற, ஒரு மெல்லிய சல்லடை மூலம் அரைத்த பூண்டை சலிக்கலாம்.

வீட்டில் பூண்டு பொடியை காற்று புகாத கொள்கலனில் மாற்றவும், நேரடி சூரிய ஒளியில் இருந்து குளிர்ந்த, உலர்ந்த இடத்தில் சேமிக்கவும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“