உருளைக்கிழங்கை வேகவைக்க 4 சிம்பிள் டிப்ஸ்.. எப்படினு பாருங்க!

உருளைக் கிழங்கு எப்படி சமைத்து சாப்பிட்டாலும் சுவையாக இருக்கும். வேகவைத்த உருளைக்கிழங்கு, பல விதமான சமையலுக்கு பயன்படுத்தப்படுகிறது.

உருளைக்கிழங்கை வேகவைக்க, ​​​​பல தந்திரங்கள் உள்ளன. நீங்கள் இன்னும் உருளைக்கிழங்கை ஒரு பாலிதீன் பையில்’ மைக்ரோவேவில் வேகவைத்துக் கொண்டிருந்தால், அந்த பழக்கத்தை கைவிட வேண்டிய நேரம் இது.

நுண்ணலையின் அதிக வெப்பத்திற்கு வெளிப்படும் பாலித்தீன்’ தீங்கு விளைவிக்கும் நச்சுக்களை வெளியிடும். இது உருளைக்கிழங்கால் உறிஞ்சப்பட்டு உங்கள் ஆரோக்கியத்திற்கு தீங்கு விளைவிக்கும்.  வீட்டில் உருளைக்கிழங்கை வேகவைக்க சில பாதுகாப்பான மற்றும் எளிதான வழிகள் இங்கே.

பிரஷர் குக்கர்

உருளைக்கிழங்கை சரியாகக் கழுவி, பிரஷர் குக்கரில் வைக்கவும். இப்போது குக்கரில் தண்ணீர் சேர்க்கவும். உருளைக்கிழங்கை மூடும் அளவுக்கு தண்ணீர் போதுமானதாக இருக்க வேண்டும். அதிகமாகவோ அல்லது குறைவாகவோ தண்ணீர் சேர்க்க வேண்டாம்.

அதிக தீயில் வைத்து குக்கரை மூடி வைக்கவும்.

ஒரு விசில் வந்த பிறகு, அடுப்பை மிதமான தீயில் வைக்கவும்.

மேலும் 6 நிமிடங்கள் சமைத்து தீயை அணைக்கவும்.

குக்கரில் பிரஷர் தானே அடங்கட்டும்.

இப்போது வேகவைத்த உருளைக்கிழங்கை எடுத்து, தோலை நீக்கி, உங்கள் தேவைக்கேற்ப பயன்படுத்தவும்.

மைக்ரோவேவ் (தண்ணீர் இல்லாமல்)

உருளைக்கிழங்கை கழுவவும்.

ஒரு முட்கரண்டி (fork) எடுத்து ஒவ்வொரு உருளைக்கிழங்கையும் குறைந்தது 6-7 முறை குத்தவும்.

அனைத்து ப்ரிக் செய்யப்பட்ட உருளைக்கிழங்குகளையும் ஒரு தட்டில் வைக்கவும்.

2 நிமிடங்கள் மற்றும் 30 வினாடிகளுக்கு மைக்ரோவேவில் பிளேட்டை வைக்கவும்.

நீங்கள் மென்மையான உருளைக்கிழங்கை விரும்பினால், கூடுதலாக 30 விநாடிகள் மைக்ரோவேவ் செய்யவும்.

மைக்ரோவேவில் இருந்து உருளைக்கிழங்கை எடுத்து குளிர விடவும்.

இப்போது உருளைக்கிழங்கை தோலுரித்து உங்கள் விருப்பப்படி பயன்படுத்தவும்.

மைக்ரோவேவ் (நீருடன்)

4 உருளைக்கிழங்குகளை எடுத்து ஓடும் நீரின் கீழ் சுத்தம் செய்யவும்.

இப்போது ஒரு முட்கரண்டியை சரியாகப் பயன்படுத்தி குத்தவும்.

பாதுகாப்பான கிண்ணத்தை எடுத்து அதில் 1.5 கப் தண்ணீர் சேர்க்கவும்.

கிண்ணத்தில் உருளைக்கிழங்கு வைக்கவும், மைக்ரோவேவ் உள்ளே கிண்ணத்தை ஸ்லைடு செய்யவும்.

டைமரை 8 நிமிடங்களுக்கு அமைக்கவும்.

8 நிமிடங்களுக்குப் பிறகு, மைக்ரோவேவில் இருந்து கிண்ணத்தை எடுக்கவும்.

உருளைக்கிழங்கு சிறிது குளிர்ந்தவுடன், தோலை அகற்றவும், அவை பயன்படுத்த தயாராக உள்ளன.

கடாய்

ஒரு கடாயில் பாதியளவு தண்ணீர் நிரப்பி அதிக தீயில் வைக்கவும்.

தண்ணீர் கொதி நிலைக்கு வந்தபிறகு, அடுப்பை மிதமாக குறைக்கவும்.

இப்போது இரண்டு உருளைக்கிழங்கை எடுத்து தோலுரிக்கவும். தோலுரித்த உருளைக்கிழங்கைக் கழுவி கொதிக்கும் நீரில் போடவும்.

கடாயை மூட வேண்டாம், உருளைக்கிழங்கை சுமார் 15-20 நிமிடங்கள் கொதிக்க விடவும்.

உருளைக்கிழங்கு நன்றாகச் சமைத்திருக்கிறதா இல்லையா என்பதைச் சரிபார்க்க உருளைக்கிழங்கை ஒரு முட்கரண்டி கொண்டு குத்தவும்.

கடாயிலிருந்து வேகவைத்த உருளைக்கிழங்கை எடுத்து, நீங்கள் விரும்பும் முறையில் அவற்றை சமைக்கலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“