டெய்லி ஆஃபிஸ், காலேஜ் குர்தா போட்டு போற பெண்ணா நீங்க: ஃபேஷனா தெரிய இந்த 4 மிஸ்டேக்ஸ் மட்டும் பண்ணாதீங்க

பெண்கள் எல்லாருக்கும் பிடித்தமான உடை என்றால் அது குர்தா தான். ஆனால், நம்மில் பலர் சில பொதுவான தவறுகளைச் செய்து, அதன் அழகைக் கெடுத்து விடுகிறோம். அந்தத் தவறுகளைத் தவிர்த்து, குர்தாக்களை இன்னும் அழகாகவும், ஃபேஷனாகவும் அணிவதற்கான சில சிம்பிள் டிப்ஸ். 

கருப்பு லெக்கிங்ஸ்க்கு ஒரு பெரிய 'நோ'!

கிட்டத்தட்ட எல்லா குர்தாக்களுக்கும் கருப்பு லெக்கிங்ஸ் அணிவதைப் பார்த்திருப்போம். தயவுசெய்து இந்த பழக்கத்தை உடனே நிறுத்துங்கள்! இது உங்கள் தோற்றத்தை மிகவும் சாதாரணமாகவும், சலிப்பாகவும் காட்டும். அதற்குப் பதிலாக, வேறு நிற லெக்கிங்ஸையோ அல்லது குர்தாவிற்கு ஏற்ற வேறு பேன்ட்டுகளையோ தேர்வு செய்யலாம்.

கலர் மேட்சிங்கில் கவனம்!

ஒரு பர்பிள் நிற டாப்பில் பிங்க் நிற டிசைன் இருக்கிறது என்பதற்காக, பிங்க் நிற பேன்ட் அணிவது மிகவும் போரிங்காக இருக்கும். இது ஒரு 'மிஸ்மேட்ச்' மட்டுமல்ல, உங்கள் ஸ்டைல் உணர்வையே கேள்விக்குறியாக்கிவிடும். அதற்குப் பதிலாக, மோனோடோன் (ஒரே நிறத்தில்) ஆடைகளை அணிய முயற்சி செய்யுங்கள் அல்லது டாப்பிற்கு ஏற்ற நீல நிற ஜீன்ஸை அணியலாம். ஆமாம், நீல நிற ஜீன்ஸ்தான், கருப்பு நிற ஜீன்ஸ் அல்ல!

ஜீன்ஸ் அணியும் போது...

ஜீன்ஸ் அணியும் போது, பிரகாசமான நிற டாப்ஸ்களைத் தவிர்த்து, சட்டில் (subtle) நிறங்களில் உள்ள டாப்ஸ்களைத் தேர்வு செய்யுங்கள். இது உங்கள் தோற்றத்தை மேலும் அழகாக (aesthetic) காட்டும்.

குர்தாவின் ஃபிட் மற்றும் ஸ்லிட் 

உங்கள் குர்தாவின் ஸ்லிட் (பக்கவாட்டில் உள்ள வெட்டு) மற்றும் ஃபிட் ஆகியவை மிகவும் முக்கியம். உங்கள் உடல்வாகுக்கு ஏற்றவாறு ஸ்லிட் உயரமாக இருக்க வேண்டுமா அல்லது குறைவாக இருக்க வேண்டுமா என்பதை தீர்மானித்து, அதற்கேற்ப தைத்துக் கொள்ளுங்கள். ரெடிமேட் குர்தாக்களில் பொதுவாக இருக்கும் ஒரு பெரிய பிரச்சனை, இடுப்புப் பகுதியில் இறுக்கமாக இருப்பதுதான். இந்த பிரச்சனைகளைத் தவிர்க்க, உங்கள் குர்தாவை ஒரு நல்ல டெய்லர் மூலம் சரியாகத் தைத்து அணிவது அவசியம்.

இந்த ஸ்டைல் டிப்ஸ்கள் உங்கள் அன்றாட உடை அலங்காரத்தில் ஒரு பெரிய மாற்றத்தை ஏற்படுத்தும்