பிரிட்ஜ்க்குள் தேங்காய் சிரட்டை வச்சு பாருங்க... இப்படி காசு மிச்சம் பண்ணலாம்!

அடிக்கடி ஏற்படும் மின்தடையால் ஃபிரிட்ஜில் வைக்கப்படும் உணவுப்பொருட்கள் வீணாவது கவலையளிக்கும் விஷயமாகும். ஃபிரிட்ஜ் கதவைத் திறக்கும் ஒவ்வொரு முறையும், குளிர்ந்த காற்று வெளியேறி கம்ப்ரசர் (compressor) கடினமாக உழைக்க வேண்டியுள்ளது. இதனால் மின் நுகர்வு அதிகரிக்கிறது. தேங்காய் சிரட்டையை ஃபிரிட்ஜுக்குள் வைப்பதால் உணவுப்பொருட்கள் கெடாமலும், மின் நுகர்வு சிக்கனப்படுத்துவது எப்படி? என்று இந்தப் பதிவில் காணலாம்.

சுத்தம் செய்யப்பட்ட தேங்காய் சிரட்டையை, மூடியுடன் கூடிய ஒரு பிளாஸ்டிக் டப்பாவில் (பயன்படுத்தப்பட்ட ஐஸ்கிரீம் டப்பா போன்றவை) வைக்கவும். சிரட்டை முழுவதுமாக மூழ்கும் வரை டப்பாவில் தண்ணீரை நிரப்பவும். மூடியை இறுக்கமாக மூடி, freezer பகுதியில் 6-8 மணி நேரம் திடமான பனிக்கட்டியாக மாறும் வரை வைக்கவும். உறைந்தவுடன், அந்த முழு டப்பாவையும் (பனிக்கட்டி மற்றும் சிரட்டையுடன்) எடுத்து உங்கள் ஃபிரிட்ஜின் பால், மாவு மற்றும் பிற பொருட்களுக்கு இடையே வைக்கவும். இது வெறும் பனிக்கட்டி மட்டுமல்ல. தேங்காய் சிரட்டையின் இயற்கையான பண்புகள், சுற்றியுள்ள பனிக்கட்டியைத் தானாக உருகுவதை விட மிக மெதுவாக உருகச் செய்கிறது.

மெதுவாக உருகும் இந்த பனிக்கட்டி, உங்கள் ஃபிரிட்ஜின் உள்ளே பல மணிநேரங்களுக்குத் தொடர்ந்து குளிர்ச்சியை அளிக்கிறது. இது உங்கள் உணவைப் பாழாகாமல் பாதுகாத்து, மளிகைப் பொருட்களை வீணாக்குவதிலிருந்து பாதுகாக்கிறது. தொடர்ந்து கூடுதல் குளிர்ச்சியை வழங்குவதன் மூலம், ஃபிரிட்ஜின் கம்ப்ரசர் மீதான அழுத்தம் குறைக்கிறது. கம்ப்ரசர் அடிக்கடி இயங்க வேண்டிய அவசியம் இல்லாததால், உங்கள் மின்சாரப் பயன்பாடு கணிசமாகக் குறைந்து, மாத இறுதியில் குறைந்த கட்டணமே வரும்.