உங்க வீட்டு கிச்சனை புதுமையாக்கும் உபயோக பொருள்கள்... ரேட் ரொம்ப கம்மி; இங்க செக் செஞ்சு பாருங்க!

நம் வீட்டில் அன்றாடம் ஒரு சில பொருட்களை பயன்படுத்துவதற்கு யாரையாவது தேடிக் கொண்டே இருப்போம். உதாரணத்திற்கு கேஸ் சிலிண்டர் மாட்டுவதற்கு, கத்தியை தீட்டுவதற்கு என ஒரு சில வேளைகளுக்கு யாராவது ஒருவர் நமக்கு உதவிக்கு வேண்டும். ஆனால், இனிமேல் அந்த கவலை வேண்டாம். குறைந்த விலையில் இந்த வேலைகளை செய்யக் கூடிய பொருட்களை எப்படி வாங்கலாம் என பார்க்கலாம்.

கேஸ் சிலிண்டரை வீட்டு வாசலில் இருந்து, வீட்டின் சமையல் அறை வரை தூக்கி செல்வது சுலபமாக இருக்காது. ஒவ்வொரு முறையும் இந்த வேலையை செய்வதற்கு யாராவது ஒருத்தரை எதிர்பார்த்து கொண்டே இருக்க வேண்டும். ஆனால், இனி அப்படி எதிர்பார்க்க வேண்டாம். அதற்கு ஏற்ற பொருள் தான் கேஸ் டிராலி. வட்ட வடியில் இருக்கும் இந்த டிராலியில் கேஸ் சிலிண்டரை வைத்துவிட்டால் நாம் தேவைக்கேற்ப அதனை தள்ளிக் கொண்டு செல்லலாம். பாரத்தை குறைக்கும் இந்த ட்ராலியின் விலை வெறும் 99 ரூபாய் தான்.

இந்த டாய்லட் கிளினிங் பிரஷ் &வைப்பரின் சிறப்பம்சம் என்னவென்றால் இதை டாய்லெட் டைல்சை சுத்தம் செய்யும் பிரஷ்ஷாகவும் , தண்ணீரை வெளியேற்றும் வைப்பராகவும் உபயோகப்படுத்திக் கொள்ளலாம். இதில் V வடிவத்தில் பிரஷ் அமைக்கப்பட்டுள்ளது. ஒரு புறம் வைப்பரும் பொருத்தப்பட்டுள்ளது. இதனுடன் 120 டிகிரி சுற்றும் நீண்ட கைப்பிடியும் கொடுக்கப்பட்டுள்ளது. இதன் விலை 175 ரூபாய் தான்.

அடுத்ததாக நம் வீட்டில் மின்விசிறிகளை துடைப்பது மிகவும் கடினமான வேலையாக இருக்கும். உயரமான ஒருவர் இருந்தால் மட்டுமே அந்த வேலையை செய்ய முடியும். இப்படி சிரமப்படாமல் மின் விசிறியை சுத்தம் செய்வதற்காக தான் மின்விசிறி கிளீனிங் மாப் வந்துள்ளது. இதன் மூலம் தரையில் நின்றவாரே மின் விசிறியினை சுத்தம் செய்யலாம். இதன் விலை 179 ரூபாய் தான். 

சமையல் செய்யும் பாத்திரங்களை கழுவுவதற்கு என்று ஒரு தனி சக்தி வேண்டும். சில பேருக்கு பாத்திரம் கழுவும் சோப்புகளை பயன்படுத்தினால் கையில் அலர்ச்சி ஏற்படும். இந்த பிரச்சனைகளை தீர்க்கும் விதமாக ஒரு அற்புதமான கண்டுபிடிப்பு வந்துள்ளது. அதுதான் கையுறை. இந்த கையுறைகளை இரண்டு கைகளிலும் மாட்டிக் கொண்டு எந்த பொருட்களையும் எளிதில் கழுவி விடலாம். சிலிகானில் செய்யப்பட்ட இந்த கையுறை ஆன்லைனில் 289 ரூபாய்க்கு கிடைக்கிறது. 

சிறுவர்கள் மற்றும் பெரியவர்கள் படிப்பதற்காகவும் , எழுதுவதற்காகவும், லேப்டாப் உபயோகப்படுத்தவும் மடக்கும் சிறிய மேஜை உபயோகமாக இருக்கும். தரையில் அமர்ந்தவாரே இந்த மேஜையை உபயோகப்படுத்தலாம். இதை தேவைப்படாத நேரத்தில் மடக்கி ஓரமாக வைக்கலாம். பல உபயோகங்கள் கொண்ட இதன் விலை வெறும் 200 ரூபாய் தான். 

நம் சமையல் அறையில் கத்தி என்பது பெரும் பங்கு வகிக்கிறது. ஆனால், இந்த கத்தியை அடிக்கடி கூர்மை செய்வது என்பது பெரும் பாடாக இருக்கும். அப்படி சிரமப்படாமல் கத்தியை கூர்மை செய்வதற்கென்று கத்தி தீட்டும் பொருள் உள்ளது. இதை வைத்துக் கொண்டால் கத்தி கூர்மை இழந்துவிட்டது என்று தூக்கிப்போடாமல் அதே கத்தியை கூர்மையாக்கி பயன்படுத்தலாம். இதில் உள்ள ஷார்பனரில் கத்தியை சிலமுறை வைத்து இழுத்தால் கத்தி கூர்மையாகிவிடும். காய்கறி அல்லது பழங்களை வெட்டுவதும் எளிதாக இருக்கும். இதன் விலை 199 ரூபாய் தான்.