இப்போதெல்லாம் நம் வாழ்க்கை முறையில் கீழ் முதுகு வலி சர்வ சாதாரணமாகிவிட்டது. தொடர்ந்து ஒரே இடத்தில் உட்கார்ந்து வேலை செய்வது, தவறான உடல் அசைவுகள், போதுமான உடற்பயிற்சியின்மை என பல காரணங்களால் இந்த வலி நம்மை பாடாய்படுத்துகிறது. ஆனால், இந்த வலியில் இருந்து விடுபட ஒரு எளிய வழி இருக்கிறது என்றால் நம்புவீர்களா?
மசாஜ் தெரபிஸ்ட் ஜேம்ஸ் மூர் பரிந்துரைக்கும் ஒரு அற்புதமான க்ளூட் ஸ்ட்ரெச் (glute stretch) தான் இந்த ரகசியம்! உங்கள் அன்றாட வேலைகளுக்கிடையில் ஒரு சிறிய ஓய்வு கிடைக்கும்போது, வெறும் 10 வினாடிகள் ஒதுக்கி, 3 சுற்றுகள் இந்த ஸ்ட்ரெட்சை செய்தால் போதும், உங்கள் உடல் புத்துணர்ச்சி பெறுவதை உணர்வீர்கள்.
க்ளூட் தசைகளின் முக்கியத்துவம் என்ன?
உங்கள் உடலில் உள்ள மிக வலிமையான மற்றும் நீளமான தசை குழுக்களில் ஒன்றுதான் குளுட்ஸ் (Glutes). இடுப்பு அல்லது பிட்டம் என்று பொதுவாக குறிப்பிடப்படும் இந்த தசைகள், உங்கள் இடுப்பு மூட்டை சீராக இயங்க உதவுவதோடு, உடலை நிலைப்படுத்துவதிலும் முக்கிய பங்காற்றுகின்றன. க்ளூட்டஸ் மேக்சிமஸ் (gluteus maximus), க்ளூட்டஸ் மீடியஸ் (gluteus medius), மற்றும் க்ளூட்டஸ் மினிமஸ் (gluteus minimus) என்ற மூன்று தசைகள் இணைந்து செயல்பட்டு, உங்கள் கால்களை தூக்குதல், சுழற்றுதல், மற்றும் நீட்டுதல் போன்ற அசைவுகளைச் செய்ய உதவுகின்றன. கீழ் முதுகு வலிக்கு இந்த க்ளூட் தசைகள் ஒரு முக்கிய காரணமாக இருக்கலாம்.
இந்த ஸ்ட்ரெட்ச் உண்மையிலேயே பலன் தருமா?
தசைப்பிடிப்பு மற்றும் பலவீனமான தசைகள் காரணமாக ஏற்படும் முதுகு வலிக்கு இந்த ஸ்ட்ரெட்ச் நிச்சயமாக உதவும். ஆனால், எல்லா வகையான முதுகு வலிகளுக்கும் இது தீர்வாகாது.
வைட்டமின் டி குறைபாடு அல்லது ஆஸ்டியோபோரோசிஸ் (osteoporosis) போன்ற அடிப்படை காரணங்களால் ஏற்படும் முதுகு வலிக்கு, அந்த குறைபாடுகளை சரிசெய்யாமல் இந்த ஸ்ட்ரெட்ச் மட்டும் நிரந்தர தீர்வை அளிக்காது.
எனவே, நீங்கள் கீழ் முதுகு வலியால் அவதிப்பட்டால், முதலில் ஒரு நரம்பியல் நிபுணர் அல்லது பிசியோதெரபிஸ்ட்டை அணுகி, உங்கள் வலிக்கு என்ன காரணம் என்பதை கண்டறிவது மிக அவசியம். சரியான காரணத்தை கண்டறிந்த பிறகு, அதற்கேற்ற குறிப்பிட்ட பயிற்சிகள் மற்றும் மருத்துவ சிகிச்சைகளை மேற்கொள்வதே சிறந்த வழி.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/Q2orn9cIXT8opXCYQicE.jpg)