சுத்தமான தேங்காய் எண்ணெய்: வீட்டிலேயே ஈஸியா செய்யலாம்… இப்படி செய்து பாருங்க!

அதை ஒரு கரண்டியின் உதவியால் மெதுவாக வழித்து வேறொரு ஜாடியில் சேகரிக்க வேண்டும். இந்த ஜாடியை மைக்ரோ வேவ் ஓவனிலோ அல்லது கேஸ் அடுப்பிலோ வைத்து மிதமான சூட்டில் தேங்காய் பாலை சூடுபடுத்துங்கள். சுண்டி வரும் வரை கிளறி கொண்டே இருப்பது அவசியம். இது நீண்ட நேரம் எடுக்கும். எனவே பொறுமை தேவை. பாலை சுண்டக் காய்ச்சி பால்கோவா செய்வது போல தேங்காய் பால் சுண்டக் காய்ச்சுங்கள். தேங்காய் பால் நன்கு சுண்டக் காய்ச்சிய பிறகு எண்ணெய் பிரிந்து வர ஆரம்பிக்கும். அதுவரை அடி பிடிக்காமல் கிளறி கொண்டே இருங்கள். எண்ணெய் பிரியும் போது கொப்பளிக்கும். கொஞ்சம் கவனமாக இருங்கள். சூடுபடுத்துவதை நிறுத்தி அரை மணி நேரத்திற்கு ஆற விடுங்கள். எண்ணெய் உடன் பக்கோடா தூள் கலந்தது போல இருக்கும். முதலில் எண்ணெய்யை கரண்டியில் எடுத்து வடிகட்டியில் வடுகட்டவும். தூள் போல் இருப்பதை வெள்ளை துணியில் போட்டு பிழிந்து வடிகட்டுங்கள். அதிலிருந்தும் எண்ணெய் வரும். இது மிகவும் சுத்தமான எண்ணெய் ஆகும். இப்போது எண்ணெய்யை பாட்டிலுக்கு மாற்றி கொள்ளலாம். இந்த தேங்காய் எண்ணெய்யை நீங்கள் சமையலுக்கும் பயன்படுத்தலாம். அதே போல தலைக்கும் தேய்க்கலாம். இப்படி வீட்டில் தயாரிக்கையில் அதன் அளவு குறைவாகத்தான் இருக்கும். ஆனாலும் இந்த எண்ணெயையும் நாம் சமையலுக்குப் பயன்படுத்தலாம்.