தினமும் 2 நிமிடங்கள் மலாசனா: பெண்களுக்கு நிறைய நன்மைகள் இருக்கு- யோகா நிபுணர் வீடியோ

ஸ்குவாட்டிங் ஒரு எளிய பயிற்சியாக தோன்றினாலும், அதை தினமும் உங்கள் வழக்கத்தில் சேர்த்துக்கொள்வது பலவிதமான நேர்மறையான விளைவுகளைக் கொண்டு வரும் என்று யோகா பயிற்சியாளர்கள் வலியுறுத்துகின்றனர்.

சமீபத்தில், யோகா நிபுணர் சோனி சிங், குறிப்பாக பெண்களுக்கு மலாசனாவின் நன்மைகளைஎடுத்துரைத்தார்.

இது பெண்களுக்கு மந்திரமாக வேலை செய்யும். தினமும் 2நிமிடங்களுக்கு மலாசனாவை முயற்சிக்கவும். ஆரோக்கியமான கருப்பை. வலி இல்லாத பீரியட்ஸ், முதுகு வலி, மன அழுத்தத்திலிருந்து விடுபட இது உதவும் என்று அவர் குறிப்பிட்டார்.

ஆனால் இது உண்மையில் வேலை செய்கிறதா என்பதைக் கண்டறிய நாங்கள் நிபுணரை அணுகினோம்.

யோகா பயிற்றுவிப்பாளரான மனுஷ்ரேயா ஷர்மாவின் கூற்றுப்படி, மலாசனா குவாட்ரைசெப்ஸ், தொடை எலும்புகள், கீழ் முதுகு மற்றும் மைய தசைகள் உட்பட பல்வேறு தசைகளை ஈடுபடுத்தி பலப்படுத்துகிறது.

நீண்ட நேரம் உட்கார்ந்திருக்கும் பெண்களிடையே இடுப்பு விறைப்பு (Tight hips) ஒரு பொதுவான புகாராகும், மேலும் மலாசனா பயிற்சியின் மூலம் பயனடையலாம்.

இந்த விறைப்பு முதுகுவலி, மாதவிடாயின் போது அசௌகரியம் மற்றும் கட்டுப்படுத்தப்பட்ட இயக்கத்திற்கு வழிவகுக்கும் அதே வேளையில், மலாசனா இடுப்பு மற்றும் சுற்றியுள்ள தசைகளை மெதுவாக ஸ்ட்ரெட்ச் செய்து, அதிக நெகிழ்வுத்தன்மை மற்றும் இயக்கத்தின் வரம்பை ஊக்குவிக்கிறது.

கூடுதலாக, இந்த போஸ் இடுப்பு மாடி தசைகளையும்(pelvic floor muscles) குறிவைக்கிறது. இந்த தசைகளை வலுப்படுத்துவது சிறுநீர்ப்பை கட்டுப்பாட்டை மேம்படுத்தலாம், பெல்விக்  உறுப்பு வீழ்ச்சியின் அபாயத்தை குறைக்கலாம் மற்றும் பாலியல் ஆரோக்கியத்தை மேம்படுத்தலாம், என்று சர்மா கூறினார்.

இது மட்டுமின்றி, மலாசனா செரிமானத்திற்கும் உதவும். யோகா தத்துவத்தில், இந்த போஸ் அபான வாயுவின் ஓட்டத்தைத் தூண்டுவதாக நம்பப்படுகிறது.

வயிற்றுப் பகுதியின் சுருக்கமானது நச்சுத்தன்மையை நீக்குவதற்கு உதவுகிறது, உடல் கழிவுகள் மற்றும் நச்சுகளை அகற்ற உதவுகிறது, இதன் மூலம் செரிமான பிரச்சனைகளை குறைக்கிறது, சர்மா விளக்கினார்.

இருப்பினும், உங்களுக்கு கீழ் முதுகு, இடுப்பு, முழங்கால், கால் அல்லது கணுக்கால் காயங்கள் இருந்தால், மலாசனா செய்வதைத் தவிர்க்கவும், என்று சர்மா மேலும் கூறினார்.

எப்படி செய்வது?

View this post on Instagram

A post shared by Yog_with_Soni (@yog_with_soni)

நீங்கள் யோகாவுக்கு புதியவராக இருந்தால், தகுதியான பயிற்றுவிப்பாளரிடமிருந்து வழிகாட்டுதலைப் பெறுமாறு சர்மா பரிந்துரைக்கிறார். உங்கள் உடலைக் கேட்பது முக்கியம். உங்களுக்கு ஏதேனும் வலி அல்லது அசௌகரியம் ஏற்பட்டால், நிறுத்திவிட்டு சுகாதார நிபுணரை அணுகவும்.

Read in English: Women, add this yoga asana to your daily routine (even if you do it for just 2 minutes)

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“