மிளகாய் கிள்ளி சாம்பார்.. இந்த டேஸ்டுக்கு நிகர் இருக்குமா?

Milagai killi sambar recipe, milagai killi sambar in tamil : மிளகாய் கிள்ளி போட்ட சாம்பார் இப்படி சுவையா செஞ்சு அசத்துங்க.

துவரம்பருப்பு 1 கப், பெரிய வெங்காயம்3, தக்காளி 3, புளி ஒரு எலுமிச்சை அளவு, மிளகாய் தூள் 3 ஸ்பூன், மஞ்சள் தூள் ஒரு சிட்டிகை, காய்கறிகள் உங்கள் விருப்பம்போல், தாளிக்க 3 ஸ்பூன் எண்ணெய், சிறிது கடுகு, 4 காய்ந்த மிளகாய், கருவேப்பிலை, ஒரு சிட்டிகை பெருங்காயம், உப்பு தேவையான அளவு.

செய்முறை: துவரப்பருப்பை குக்கரில் 4 விசில் வரும்வரை வேகவைத்து, நன்றாக மசித்துக் கொள்ளவும். இதில் புளியைக் கரைத்து சேர்த்து உப்பு போட்டு கலக்கி தனியே வைக்கவும். ஒரு பாத்திரத்தில் எண்ணெய் விட்டு கடுகு, காய்ந்த மிளகாய், கருவேப்பிலை, பெருங்காயம் போட்டு வதக்கி, கடுகு வெடித்தவுடன், நீளமாக நறுக்கிய வெங்காயத்தை சேர்த்து வதக்கவும். பின்னர் நறுக்கிய காய்கறிகளை சேர்த்து, இதனுடன் மிளகாய் தூள்,மஞ்சள் தூள், நான்காக நறுக்கிய தக்காளி சேர்த்து இரண்டு கப் தண்ணீர் ஊற்றி சிம்மில் கொதிக்க விடவும். காய்கறிகள் நன்கு வெந்தவுடன் புளி-பருப்பு கரைசலை இதனுடன் கலக்கி கொதிக்க விடவும். சாம்பார் ரெடி!! ஹோட்டல் சுவை வேண்டுவோர், ஒரு ஸ்பூன் மிளகாய் தூளை குறைத்துக் கொண்டு அதற்கு பதில் ஒரு ஸ்பூன் சாம்பார் பொடி சேர்த்துக் கொள்ளலாம்.