நெய் மணக்கும் மிளகு குழம்பு : இப்படி செய்யுங்க

மிளகு குழம்பை மிகவும் எளிமையாக செய்ய முடியும். இரு முறை டிரை பண்ணுங்க

தேவையான பொருட்கள்

 சின்ன வெங்காயம் – 50 கிராம்,

 பூண்டு – 15 பற்கள்,

 புளி – 1 எலுமிச்சை அளவு,

 உப்பு – தேவையான அளவு

 வறுத்து அரைப்பதற்கு

 மல்லி (தனியா)- 3 டேபிள் ஸ்பூன்,

 உளுந்தம் பருப்பு – 1 டேபிள் ஸ்பூன்,

 கடலைப் பருப்பு – 1 டேபிள் ஸ்பூன்,

 மிளகு – 2 டேபிள் ஸ்பூன்,

 பச்சரிசி – 1 டீஸ்பூன்

 தாளிப்பதற்கு

 நல்லெண்ணெய் – 6 டேபிள் ஸ்பூன்,

 கடுகு – 1 டீ ஸ்பூன்,

 சீரகம் – 1 டீ ஸ்பூன்,

 வெந்தயம் – 1/4 டீ ஸ்பூன்,

 கருவேப்பிலை – சிறிதளவு

 செய்முறை : முதலில் குழம்பு செய்யத் தேவையான அளவு புளியை தண்ணீர் கரைத்துக் கொள்ளவும். பிறகு சின்ன வெங்காயத்தை தோல் நீக்கி பொடியாக நறுக்கி கொள்ளவும். இப்போது, ஒரு பாத்திரம் எடுத்து அதில் 1 டேபிள் ஸ்பூன் எண்ணெய் ஊற்றி வறுத்து அரைப்பதற்கு என கொடுத்துள்ள பொருட்கள் அனைத்தையும் சேர்த்து மிதமான தீயில் பொன்னறிமாக வறுக்கவும். பிறகு அவை நன்கு ஆறியதும் மிக்ஸியில் போட்டு சிறிது தண்ணீர் ஊற்றி பேஸ்ட் போல அரைத்துக்கொள்ளவும்.

 பின்னர், அதே பாத்திரத்தில் 3 டேபிள் ஸ்பூன் எண்ணெய் ஊற்றி காய்ந்ததும், சின்ன வெங்காயம், பூண்டு சேர்த்து வதக்கவும். அதன்பிறகு அரைத்து வைத்துள்ள மசாலாவை சேர்த்து கிளறவும். தொடர்ந்து முன்னர் கரைத்து வைத்துள்ள புளிக் கரைசலை ஊற்றி, தேவையான அளவு தண்ணீரையும் ஊற்றி உப்பு சேர்த்து 20 நிமிடங்களுக்கு மிதமான தீயில் நன்கு கொதிக்க விடவும். இதற்கிடையில், மற்றொரு அடுப்பில் ஒரு சிறிய பாத்திரம் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளிக்கவும்.

 இப்போது அவற்றை கொதித்துக் கொண்டிருக்கும் குழம்புடன் சேர்த்து கிளறி இறக்கினால், நீங்கள் ஆவலோடு எதிர்பார்த்த மிளகு குழம்பு தயாராக இருக்கும்.