பாதத்திற்கு நெய்... கால் முட்டிக்கு நல்லெண்ணெய்... எவ்வளவு நன்மை இருக்குன்னு பாருங்க!

குளிர்காலம் வெப்பத்திலிருந்து ஓய்வு தருகிறது, ஆனால் குளிர்ந்த பருவம், தோல் வறட்சி மற்றும் வெடிப்பு, அரிப்பு,உச்சந்தலையில் செதில்கள், கை மற்றும் கால் வறட்சி போன்ற  பல தோல் பிரச்சனைகளை கொண்டு வருவதாக அறியப்படுகிறது. எனவே, உங்கள் சுய-கவனிப்பு விளையாட்டை மேம்படுத்தவும், உங்கள் சருமம் எல்லா நேரங்களிலும் ஆழமாக ஊட்டமளித்து நீரேற்றமாக இருப்பதை உறு திசெய்யவும் குளிர்காலமே சரியான நேரம்.

எனவே, இன்ஸ்டாகிராம் கதைகளில் தனது இரவு நேர சுய பராமரிப்பு வழக்கத்தைப் பகிர்ந்து கொண்ட மீரா கபூரிடமிருந்து ஆலோசனைகளை பெறுங்கள். இங்கே பாருங்கள்:

அவர் குறிப்பிட்டுள்ள விஷயங்களின் பட்டியல் மற்றும் அவற்றின் நன்மைகள் இங்கே:

ஃபேஸ் பேக்

ஈரப்பதமூட்டும் ஃபேஸ் பேக் குளிர்காலத்தில் ஒரு ஆசீர்வாதம். அவை ஊட்டமளிப்பது மட்டுமல்லாமல், சருமத்தை புத்துணர்ச்சியுடன் உணரவைக்கும். ஃபேஸ் பேக்கைப் பயன்படுத்துவது, குறிப்பாக வீட்டில் தயாரிக்கப்பட்டது, உங்கள் சருமம் வறண்டு போகாமல் இருப்பதை உறுதிசெய்வதுடன், சருமத்தில் ஆழமாக ஊடுருவ அனுமதிப்பதன் மூலம் சீரம், எண்ணெய்கள் மற்றும் மாய்ஸ்சரைசர்களுக்கு சரியான தளத்தை உருவாக்குகிறது. ஆனால் உங்கள் சரும வகைக்கு ஏற்ற பேக்குகளை எப்போதும் தேர்வு செய்யவும்.

பாடி ஸ்க்ரப்

குளிர்கால குளியலுக்கு பாடி ஸ்க்ரப் ஒரு சிறந்த யோசனையாகும், ஏனெனில் இது இரத்த ஓட்டம் மற்றும் புதிய தோல் செல் உருவாக்கத்தை ஊக்குவிக்கிறது. உங்கள் இரவு நேர குளியல் வழக்கத்தில் பாடி ஸ்க்ரப் சேர்ப்பது சிறந்த பலனை அளிக்கும். ஏனெனில் இது உங்கள் உடலில் அமைதியான மற்றும் நிதானமான விளைவை ஏற்படுத்தும்.

டிரை ஹெட் மசாஜ்

ஆயுர்வேதத்தின் படி, டிரை ஹெட் மசாஜ் (dry head massage) இரத்த ஓட்டத்தை உறுதிப்படுத்தவும் பித்த தோஷத்தைத் தவிர்க்கவும் ஒரு சிறந்த வழியாகும். ஆனால் உங்கள் தலையை மசாஜ் செய்யும் போது உங்கள் மயிர்க்கால்களை சேதப்படுத்தாமல் கவனமாக இருங்கள். உங்கள் தலையின் மேற்பரப்பு முழுவதும் உங்கள் விரல் நுனியின் மூலம் லேசாக மசாஜ் செய்யவும் அல்லது அதே முடிவுகளைப் பெற சாஃப்ட் பிரஷ்களை பயன்படுத்தவும்.

கிளேஸ்டு டோனட் தோல் பராமரிப்பு (Glazed donut skincare)

பிரபலமான பியூட்டி டிரெண்ட், 'கிளேஸ்டு டோனட் ஸ்கின்கேர்' என்பது அதிகபட்ச தோல் பராமரிப்புக்கான ஒரு வழி. இந்த முறையில், ஒருவர் டோனர், எமல்சன் ( emulsions), சீரம்கள், மாய்ஸ்சரைசர்கள், ஃபேஸ் ஆயில் போன்றவற்றைப் பயன்படுத்த வேண்டும், இது பளபளப்பான டோனட் போல சருமத்தை பிரகாசமாக்கும்.

லிப் பாம் (Lip balm)

உதடு, தோல் பராமரிப்பு வழக்கத்தின் மிகவும் புறக்கணிக்கப்பட்ட பகுதி. காற்றில் உள்ள நச்சுகள், மாசுபாடு மற்றும் சூரியனால் ஏற்படும் சேதங்களுக்கு’ உதடுகள் வெளிப்படுவதால், லிப் பாம் பயன்படுத்துவது மிகவும் முக்கியத்துவம் வாய்ந்தது. ஈரப்பதமூட்டுவது மட்டுமல்லாமல், தீங்கு விளைவிக்கும் கூறுகளிலிருந்து பாதுகாக்கும் லிப் பாம் ஒன்றைத் தேர்ந்தெடுக்கவும். லிப் பாமில் SPF குறி இருப்பது கூடுதல் போனஸ்!

நெய் மற்றும் எள் எண்ணெய்

நெய் அல்லது கிளரிஃபய்டு வெண்ணெய் மற்றும் எள் எண்ணெய் ஆகியவற்றைப் பயன்படுத்துவது ஆயுர்வேதத்தில் ஊக்குவிக்கப்படுகிறது. மீரா தனது பாதங்களை ஈரப்பதமாக்க நெய்யையும், முழங்கால்கள் மற்றும் முழங்கைகளை மிருதுவாகவும் மென்மையாகவும் வைத்திருக்க எள் எண்ணெயை பயன்படுத்துகிறார்.

ஹேண்ட் கீரிம் (Hand cream)

குளிர்காலத்தில் உங்கள் கைகளில் கூடுதல் கவனம் செலுத்த வேண்டும், ஏனெனில் அவற்றின் தோல் உடலின் மற்ற பகுதிகளை விட வித்தியாசமாக வறட்சியை அனுபவிக்கிறது. செராமைடு போன்ற செல்களை உருவாக்கும் பொருட்களால் உங்கள் கைகளை மாய்ஸ்சரைஸாக வைத்திருங்கள். உங்கள் நகங்களை ஆரோக்கியமாகவும் பளபளப்பாகவும் வைத்திருக்க க்யூட்டிகல் ஆயிலையும் பயன்படுத்தலாம்.

புதிய பைஜாமாக்கள்/புதிய ஆடைகள்

படுக்கைக்கு செல்வதற்கு முன் சுத்தமான ஆடைகளை அணிவது உங்களை நன்றாகவும் வசதியாகவும் தூங்க வைக்கும். நீங்கள் காலையில் எழும்போது புத்துணர்ச்சியுடனும், அன்றைய நாளை எதிர்கொள்ளத் தயாராகவும் இருக்கும்!

மீராவின் இரவு நேர தோல் பராமரிப்பு வழக்கத்தைப் பற்றி நீங்கள் என்ன நினைக்கிறீர்கள்? எங்களுக்கு தெரியப்படுத்துங்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“