இளநரை ஒரே வாரத்தில் கறுப்பாகும்... இந்த 5 பொருள் போதும்; டாக்டர் ராஜலெட்சுமி

இளநரை என்பது இன்றைய காலகட்டத்தில் வயது வித்தியாசமின்றி பலரையும் பாதிக்கும் பொதுவான பிரச்னையாகிவிட்டது. ஒரு காலத்தில் 20-30 வயதினரிடையே காணப்பட்ட இந்நிலை, இப்போது 18 வயதிலேயே தலைதூக்குகிறது என சித்த மருத்துவர் ராஜலெட்சுமி சுட்டிக்காட்டுகிறார். தலைமுடியின் நிறத்திற்கு காரணமான கெராட்டின் பிக்மென்ட் குறைவதே நரைமுடிக்கு அடிப்படைக்காரணம் என்கிறார் டாக்டர் ராஜலெட்சுமி.

இளநரைக்கான காரணங்கள் என்னென்ன?

நரைமுடி ஏற்படுவதற்குப் பல காரணங்கள் இருக்கின்றன: வைட்டமின் பி12, காப்பர் (செம்புச்சத்து), மற்றும் ஃபோலேட் குறைபாடுகள் முக்கிய காரணங்கள். குறிப்பாக, தலைமுடிக்கு நிறமூட்டும் கெராட்டின் பிக்மென்ட் உற்பத்திக்கு காப்பர் சத்து மிக அவசியம். வைட்டமின் பி12 முடியின் வேர்க்கால்களுக்கு இரத்த ஓட்டத்தைத் தூண்டுகிறது. பரம்பரையாகவும் இளநரை வரலாம். இவை நரைமுடிக்கு வழிவகுக்கும். இது முடியின் வேர்க்கால்களுக்குச் சத்துக்கள் கிடைப்பதைத் தடுக்கிறது. மன அழுத்தம் கெராட்டின் பிக்மென்டைப் பாதித்து, நரைமுடிக்கு வழிவகுக்கும். இளநரையை நிரந்தரமாகக் குணப்படுத்தக்கூடிய சிறப்பான வெளிப்புறப் பூச்சுக்கான கலவையை டாக்டர் ராஜலட்சுமி பரிந்துரைக்கிறார்.

தேவையான மூலிகைகள் (சம அளவில்):

வெள்ளை மிளகு, நெல்லி வற்றல், கஸ்தூரி மஞ்சள், வேப்பம் பட்டை, கடுக்காய் பொடி,

செய்முறை: 5 மூலிகைகளையும் சம அளவில் எடுத்து நன்கு பொடி செய்து கொள்ளவும். ஒரு பங்கு மூலிகைப்பொடிக்கு, ஒரு பங்கு வெள்ளை கரிசலாங்கண்ணி இலைச் சாற்றை சேர்க்கவும். (முடியைக் கருமையாக்க வெள்ளை கரிசலாங்கண்ணி சிறந்தது; மஞ்சள் கரிசலாங்கண்ணி உள் உபயோகத்திற்கு நல்லது). வெள்ளை கரிசலாங்கண்ணி இலைகளைக் குறைந்த நீர் சேர்த்து அரைத்துச் சாறு பிழிந்து வடிகட்டவும். மூலிகைப்பொடியுடன் இந்தச் சாற்றை நன்கு கலக்கவும். இக்கலவையை அகன்ற வாய் கொண்ட ஒரு மண்பானையில் ஊற்றவும். பானையை பகலில் வெயிலில் வைத்து, இரவில் பனி அல்லது மழையில் இருந்து பாதுகாக்க வீட்டிற்குள் எடுத்து வைக்கவும். கலவை முழுமையாக உலர்ந்து, வெடிப்பு ஏற்படும் வரை இந்தப் போக்கை தொடரவும். உலர்ந்த பிறகு, மிக்சியில் போட்டு மென்மையாக அரைத்து, ஒரு மெல்லிய துணியால் சலித்து சிறந்த பொடியைப் பெறவும்.

பயன்படுத்தும் முறை: தேவையான அளவு இந்தப் பொடியை எடுத்துக்கொள்ளவும். ஒரு கைப்பிடி அரைத்த மருதாணி இலைச் சாற்றைச் சேர்த்து பசை போல் கலக்கவும். இந்த பசையை நரைத்த முடியின் மீது தடவவும். (தலைக்கு முந்தைய நாளே தலைக்கு குளித்துக் கொள்ளவும்). பசையைத் தடவிய பிறகு ஒரு ஹேர்கேப் அணிந்து 2 மணி நேரம் ஊறவிடவும். 2 மணி நேரம் கழித்து தலையை நன்கு அலசவும். பசையைப் பயன்படுத்திய அன்று இரவு, தலைக்கு ஒரு சிறப்பு எண்ணெய் தடவ வேண்டும்.

எண்ணெய் தயாரிக்கும் முறை:

அரை லிட்டர் எண்ணெய் (தேங்காய் எண்ணெய் அல்லது நல்லெண்ணெய்): 3 கைப்பிடி கரிசலாங்கண்ணி இலைகள், 1 கைப்பிடி மருதாணி இலைகள், 4 துருவிய நெல்லிக்காய்கள், 1 டீஸ்பூன் ஊறவைத்த வெந்தயம், 1 டீஸ்பூன் கருஞ்சீரகம், 1 கைப்பிடி கறிவேப்பிலை இந்த அனைத்துப் பொருட்களையும் எண்ணெயுடன் சேர்த்து, இலைகள் கருகி மொறுமொறுப்பாகும் வரை சூடாக்கவும். எண்ணெய் தயார் என்பதைச் சோதிக்க, ஒரு சிறிய அளவு தண்ணீரை எண்ணெயில் விடவும்; சத்தம் நின்றுவிட்டால் எண்ணெய் தயாராகிவிட்டது. எண்ணெயை வடிகட்டி சேமித்து வைக்கவும். இந்த எண்ணெயை இரவில் தடவி, மறுநாள் காலையில் தலைமுடியைக் கழுவவும்.

ஊட்டச்சத்து குறைபாடுகளைச் சரிசெய்ய, உணவு முறையிலும் சில மாற்றங்களைச் செய்ய வேண்டும். 75% மேல் கோகோ அடங்கிய டார்க் சாக்லேட்டை தினமும் சாப்பிடலாம். மருத்துவர் ஆலோசனைப்படி வைட்டமின் பி12 மாத்திரைகளை எடுத்துக் கொள்ளலாம். தினமும் ஒரு முட்டை (அசைவம் சாப்பிடுபவர்கள்) சாப்பிடலாம். வாரத்திற்கு ஒருமுறை ஆட்டு ஈரல் உட்கொள்ளலாம் என்கிறார் டாக்டர் ராஜலெட்சுமி.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.