குடும்ப பிரச்னைகளே தற்கொலைகளுக்கு முக்கிய காரணம் - என்.சி.ஆர்.பி. ரிப்போர்ட்; மனநல உதவிகள் பரிந்துரை

தேசிய குற்றப்பதிவு ஆவணக் காப்பகம் (என்.சி.ஆர்.பி) சமீபத்தில் வெளியிட்டுள்ள அறிக்கையின்படி, டெல்லி 2,369 தற்கொலைகளுடன் முதலிடத்தில் உள்ளது. அதற்கு அடுத்து சென்னை 2,102 தற்கொலைகளுடன் இரண்டாவது...

இந்தியாவில் கடந்த 2018-ம் ஆண்டு நடந்த மொத்த தற்கொலைகளில் இந்தியாவில் உள்ள 4 மெட்ரோ பாலிட்டன் நகரங்களிலும் 53 பெரு நகரங்களிலும் 36.1% தற்கொலைகள் நடந்துள்ளன. தேசிய குற்றப்பதிவு ஆவணக் காப்பகம் (என்.சி.ஆர்.பி) சமீபத்தில் வெளியிட்டுள்ள அறிக்கையின்படி, டெல்லி 2,369 தற்கொலைகளுடன் முதலிடத்தில் உள்ளது. அதற்கு அடுத்து சென்னை 2,102 தற்கொலைகளுடன் இரண்டாவது இடத்திலும், பெங்களூரு 2,082 தற்கொலகளுடன் மூன்றாவது இடத்திலும் மும்பை 1,174 தற்கொலைகளுடன் நான்காவது இடத்திலும் உள்ளன. உண்மையில், என்.சி.ஆர்.பி அறிக்கையின்படி, அகில இந்திய தற்கொலை விகிதமான 10.2% ஒப்பிடும்போது நகரங்களில் தற்கொலை விகிதம் 13.3% அதிகமாக உள்ளது. டெல்லி 2017-இல் 2,189 தற்கொலைகளிலிருந்து 8.2 சதவீதம் அதிகரித்து 2018-இல் 2,369 தற்கொலைகளாக அதிகரித்துள்ளது.

ஆய்வின்படி, அதிக மக்கள் தொகை கொண்ட யூனியன் பிரதேசமாக விளங்கும் டெல்லி, யூனியன் பிரதேசங்களிலேயே அதிக எண்ணிக்கையில் 2,526 தற்கொலைகள் நடந்துள்ளதாக தெரியவந்துள்ளது. அதனைத் தொடர்ந்து புதுச்சேரி யூனியன் பிரதேசத்தில் 500 தற்கொலைகள் நடந்துள்ளது. நாட்டின் மொத்த தற்கொலைகளில் ஏழு யூனியன் பிரதேசங்களில் 2.6 சதவீதம் தற்கொலைகள் நடந்துள்ளன.

என்.சி.ஆர்.பி அறிக்கையின்படி, டெல்லி டெல்லி யூனியன் பிரதேசங்களிலேயே அதிக எண்ணிக்கையில் 2,526 தற்கொலைகள் நடப்பதாக தெரிவித்துள்ளது. ஏ.எஸ்.டி.ஐ அறிக்கையின் படி, திருமணப் பிரச்னைகளைவிட மற்ற குடும்ப பிரச்னைகள் அதிக அளவிலான தற்கொலைகளுக்கு காரணமாக அமைந்துள்ளது என்று தெரிவித்துள்ளது. அதன்படி, 2018-இல் 37.7சதவீதம் அதாவது 8,069 தற்கொலைகளுக்கு குடும்ப பிரச்னைகள் காரணமாக அமைந்துள்ளன.

2018-இல் இந்தியாவில் விபத்து மரணம் மற்றும் தற்கொலைகள் அறிக்கைப்படி, தற்கொலைக்கு இரண்டாவது காரணம் நோய் என்று ஏ.எஸ்.டி.ஐ கண்டுபிடித்துள்ளது. நோய் மூலம், 17.7% அதாவது 3,788 தற்கொலைகள் நடந்துள்ளன.

2018 ஆம் ஆண்டில் நாட்டில் பதிவான மொத்த தற்கொலைகளின் எண்ணிக்கை 1,34,516 ஆகும். இதன் மூலம், தற்கொலைகளின் விகிதம் 2017-ம் ஆண்டை விட 2018-ம் ஆண்டில் 0.3% அதிகரித்துள்ளது தெரியவந்துள்ளது.

தி லான்செட் வெளியிட்ட 2018-தி குளோபல் பார்டன் ஆஃப் டிசிஸ் ஸ்டடி உள்ளிட்ட பல ஆய்வுகள், பெண்கள் மத்தியில் உலகளாவிய தற்கொலை இறப்புகளில் 37 சதவீதமும், 2016 ல் ஆண்களில் 24 சதவீதமும் இந்தியாவில்தான் என்று கூறியுள்ளது.

இந்தியாவில் இந்த ஆபத்தான தற்கொலைகளின் எண்ணிக்கை, வளர்ந்து வரும் மனநல நெருக்கடி மற்றும் சரியான நேரத்தில் உதவி அளிக்க வேண்டிய அவசியம் குறித்து நிபுணர்கள் அவசர கவனம் செலுத்த வேண்டும் என்பதை எச்சரிக்கிறது.

தற்கொலைகளின் எண்ணிக்கை ஏன் உயர்கின்றன? “என்.சி.ஆர்.பி-யின் சமீபத்திய தகவல்கள் மனித வாழ்க்கையின் மிக முக்கியமான பகுதியைக் கையாள்வதில் நமது சமூகம் எதிர்கொள்ளும் முரண்பாட்டை பிரதிபலிக்கிறது. உறவில் உள்ள துன்பங்களைச் சமாளிப்பதில் சிரமம் (அது பிரிந்து விடுவது, விவாகரத்து, விபச்சாரம் / மோசடி, நம்பிக்கை பிரச்சினைகள், நிறைவேறாத அல்லது திருப்தியற்ற உறவு, ஒருவருக்கொருவர் மோதல்கள் போன்றவை) மக்களை தற்கொலை பற்றி கடைசி சிந்தனையாக சிந்திக்க வைக்கிறது; நம்பிக்கையின்மை, உதவி மற்றும் நம்பிக்கையற்ற உணர்ச்சி நிலையில் இருப்பதால்தான்” என்று புனே கொலம்பியா ஆசியா மருத்துவமனையின் ஆலோசகர் இயற்பியலாளர் டாக்டர் ராகுல் பாக்லே, indianexpress.com இடம் கூறினார்.

அதே போல, மனநல மருத்துவர் டாக்டர் அனுனீத் சபர்வால் கூறுகையில் “நம்முடைய உறவுகள் நம் உடல், மனம் மற்றும் ஆன்மீக நல்வாழ்வை நேரடியாக பாதிக்கின்றன என்பது தரவுகளிலிருந்து தெளிவாகிறது” என்று கூறினார்.

வல்லுநர்கள் பல காரணஙக்ளை சுட்டிக்காட்டினர். அதில், தகவல்தொடர்பு இல்லாமை, பொருத்தமில்லாத தொடர்பு, இரக்கம் இல்லாமை, மனக்கிளர்ச்சி மற்றும் தொழில்நுட்பம் கூட குற்றம் சாட்டப்பட வேண்டும் என்று தெரிவித்துள்ளனர்.

“குறைந்த ஆளுமை சகிப்புத்தன்மை, மனக்கிளர்ச்சி, இணக்கம் / ஒப்பீடு, உரிமையுள்ளவர், உணர்ச்சி ரீதியாக உடையக்கூடிய அல்லது நிலையற்ற அல்லது சார்புடையவர்களாக வளரக்கூடிய நபர்களை வளர்க்கும் பாணிகளுடன் சில ஆளுமைப் பண்புகளும் – உறவு பிரச்சினைகள் ஆகியவை இன்று மக்களுக்கு கையாள கடினமாக இருப்பதற்கான முக்கிய காரணங்கள்” என்று டாக்டர் பாக்லே தெரிவித்துள்ளார்.

தோல்வியுற்ற உறவுகளுக்குப் பின்னால் உள்ள மிகவும் பொதுவான மற்றும் தீங்கு விளைவிக்கும் சில காரணிகளை டாக்டர் சபர்வால் பட்டியலிட்டார்.

நம்பிக்கை மற்றும் பொருந்தக்கூடிய சிக்கல்கள்

நம்பிக்கையின்மை அல்லது நம்பிக்கை இழப்பு என்பது ஒரு தம்பதியின் நீண்டகால வெற்றிகரமான வாழ்க்கைக்கு மிகவும் தீங்கு விளைவிக்கும் தொற்றுநோய்களில் ஒன்றாகும். நம்பிக்கை சிக்கல்களில் பொறாமை, உடைமை, நியாயமற்ற பிடிவாதம், துரோக உணர்ச்சி, உடல்/ பாலியல் துரோகம் தொடர்புடைய விளையாட்டு விளையாடுவது, நம்பகத்தன்மை மற்றும் நம்பகத்தன்மை இல்லாமை மற்றும் உணர்ச்சிபூர்வமான ஆதரவு இல்லாமை போன்றவை காரணிகளாக இருக்கலாம்.

வெவ்வேறு எதிர்பார்ப்புகள்

உறவில் ஒரு தம்பதியரின் எதிர்பார்ப்புகள் வேறுபடலாம். அவர்களுடைய வாழ்க்கைத் திட்டங்களில் நாம் விரும்புவது என்பதற்குப் பதிலாக நான் என்ன விரும்புகிறேன் என்று பார்க்கத் தொடங்குவார்கள். உடைந்த உறவுகளுக்குப் பின்னால் எதிர்பார்ப்புகளில் உள்ள வேறுபாடுகள் ஒரு முக்கிய காரணியாகும்.

தகவல் தொடர்பு சிக்கல்கள்

பல ஆய்வுகள், பலர் உறவுகளை முறித்துக்கொள்வதற்கும் விவாகரத்து செய்வதற்கும் தகவல்தொடர்பு பிரச்னை ஒரு முக்கிய காரணியாக அடையாளம் கண்டுள்ளன.

பணம் சம்பந்தமான சிக்கல்கள்

பல்வேறு ஆராய்ச்சி ஆய்வுகளின்படி, திருமண முறிவுக்கு பண ரீதியான வேறுபாடுகள் ஒரு முக்கிய காரணம். பணப் பிரச்சினைகள் மற்றும் தகராறுகள் நம்பிக்கை, பாதுகாப்பு, பாதுகாப்பு சக்தி, கட்டுப்பாடு மற்றும் உயிர்வாழ்வு உள்ளிட்டவற்றுடன் மட்டுமல்லாமல், நம் ஆழ்ந்த உளவியல் தேவைகள் மற்றும் அச்சங்களில் சிலவற்றைத் பாதிக்கின்றன.

எங்கே இடைவெளி?

உலக சுகாதார அமைப்பின் (WHO) 2019-ம் ஆண்டு அறிக்கையின்படி, தென்கிழக்கு ஆசிய பிராந்தியத்தில் இந்தியாவில் மிக அதிகமான தற்கொலைகளின் விகிதம் உள்ளது. அதன்படி, வ்வொரு 40 வினாடிக்கும் ஒரு நபர் தற்கொலை செய்துகொள்கிறார். இதில் 1,00,000 பேருக்கு 16.5 தற்கொலைகளில் இறந்து கொண்டிருக்கிறார்கள்.

தற்கொலைகள் பெரும்பாலும் தடுக்கக்கூடிய பொது சுகாதாரப் பிரச்சினையாக இருந்தபோதிலும், தற்கொலை தொடர்ந்து உயிர்களை பலிவாங்கிக்கொண்டிருக்கிறது. அதனைத் தடுப்பதற்கு வழி என்ன?

“மக்கள் தங்கள் மன ஆரோக்கியத்தை உடல் ஆரோக்கியத்தைப் போலவே ஆரோக்கியத்தின் மிக முக்கியமான அம்சமாக கருதத் தொடங்க வேண்டும்” என்று டாக்டர் பாக்லே சுட்டிக்காட்டுகிறார். அவர் மேலும் கூறுகையில், “மனநல நிபுணரிடம் ஆலோசனை பெறுவதை அதிகரிப்பது உங்கள் சொந்த உணர்ச்சி மேம்பாட்டிற்காக நீங்கள் உருவாக்கும் வலிமையின் அறிகுறியாகும்”

டாக்டர் சபர்வாலின் கூற்றுப்படி, பிரிந்து சென்றபின் நண்பர்கள் மற்றும் குடும்பத்தினரிடமிருந்து கவனிப்பையும் ஆதரவையும் பெறும் நபர்கள் உறவுகளை முறித்துக்க்கொள்வது அல்லது விவாகரத்து செய்வது அல்லது தற்கொலை செய்து கொள்வது குறைவு.

ஆரோக்கியமான வாழ்க்கையை உறுதி செய்வதற்கும், எல்லா வயதினருக்கும் அனைவருக்கும் நல்வாழ்வை மேம்படுத்துவதற்கும் ஒரு நிலையான அபிவிருத்தி இலக்குகளில் (எஸ்.டி.ஜி) தற்கொலை தடுப்பு அம்சங்கள் இருந்தாலும், தொழில்முறை உதவியை நாடுவதில் மக்கள் இன்னும் நம்பிக்கையுடன் இல்லை. டாக்டர் பாக்லேவின் கூற்றுப்படி, அனைத்து கல்லூரிகளிலும், பணியிடங்களிலும், பிற பொது இடங்களிலும் மனநல முதலுதவியை அணுகுவது நிச்சயமாக தற்கொலை தொடர்பான களங்கம் மற்றும் நோயுற்ற தன்மை / இறப்பைக் குறைக்க உதவும். மனநலத்தைப் பற்றி சிறு வயதிலிருந்தே வளர்ந்து வரும் மக்களை உணரக்கூடிய பள்ளி பாடத்திட்டம் மற்றும் கல்லூரி நடவடிக்கைகளில் சான்றுகள் அடிப்படையிலான மனநலம் தொடர்பான படிப்புகளை அறிமுகப்படுத்த வேண்டிய அவசியம் உள்ளது என்றும் அவர் கூறினார்.

டாக்டர் சபர்வாலின் கூறுகிறபடி, ஒரு நபரின் இந்த தற்கொலை அறிகுறிகளை கவனிக்க வேண்டியது அவசியம்:

*அதிகப்படியான சோகம் அல்லது மனநிலை: நீண்ட காலம் நீடிக்கும் சோகம், மனநிலை மாற்றங்கள் மற்றும் எதிர்பாராத ஆத்திரம்.

* சூழ்நிலைகள் மேம்படும் என்ற சிறிய எதிர்பார்ப்புடன், எதிர்காலத்தைப் பற்றிய நம்பிக்கையற்ற உணர்வை உணர்தல்.

* தூக்க பிரச்சினைகள்

* தனியாக இருப்பதைத் தேர்ந்தெடுப்பது, நண்பர்கள் அல்லது சமூக நடவடிக்கைகளைத் தவிர்ப்பது, தற்கொலைக்கான முக்கிய காரணமான மனச்சோர்வின் அறிகுறிகளாகும்.

* பொறுப்பில்லாமல் வாகனம் ஓட்டுதல், பாதுகாப்பற்ற உடலுறவில் ஈடுபடுதல், போதைப்பொருள் நுகர்தல்/ அல்லது ஆல்கஹால் அதிக அளவில் பயன்படுத்துதல் போன்ற ஆபத்தான நடத்தையுள்ள நபர் தனது வாழ்க்கையை இனி மதிக்கவில்லை என்பதைக் குறிக்கலாம்.

* சமீபத்தில் நடந்த அதிர்ச்சி அல்லது வாழ்க்கை நெருக்கடி: ஒரு பெரிய வாழ்க்கை நெருக்கடிகள் தற்கொலை முயற்சியைத் தூண்டக்கூடும். நேசத்திற்குரிய ஒருவரின் நெருக்கடி அல்லது செல்லப்பிராணியின் மரணம், விவாகரத்து அல்லது உறவை முறித்துக் கொள்ளுதல், வேலை இழப்பு அல்லது கடுமையான நிதி சிக்கல்கள் ஆகியவை இதில் அடங்கும்.

தற்கொலை எண்ணத்தில் இருந்து உதவி தேவைப்படும் ஒருவரைக் கண்டால், எவ்வாறு உதவி பெறுவது:

* அவனோ அல்லது அவளோ மனச்சோர்வடைந்துவிட்டார்களா அல்லது தற்கொலை பற்றி யோசிக்கிறார்களா என்று கேட்க பயப்பட வேண்டாம்.

* அவனோ அல்லது அவளோ ஒரு மருத்துவரைப் பார்க்கிறார்களா அல்லது மருந்துகளை எடுத்துக்கொள்கிறார்களா என்று கேளுங்கள்.

* தற்கொலை செய்துகொள்ள முயற்சிக்கும் நபருடன் பேச முயற்சிப்பதை விட, அவர்களின் வாழ்க்கையின் இந்த கடினமான கட்டத்தை சமாளிக்கும் திறன் அவர்களுக்கு இருக்கிறது என்பதை அவனுக்கு அல்லது அவளுக்கு தெரியப்படுத்துங்கள்.

* சில சந்தர்ப்பங்களில், யாரோ ஒருவர் அக்கறை காட்டுகிறார் மற்றும் அவரது உணர்வுகளைப் பற்றி பேசுவதற்கான வாய்ப்பை எதிர்பார்க்கிறார் என்பதை நபர் தெரிந்து கொள்ள வேண்டும். நீங்கள் தொழில்முறை மருத்துவர் உதவியை நாட அந்த நபரை ஊக்குவிக்க முடியும்.

Get all the Latest Tamil News and Tamil Nadu News at Indian Express Tamil. You can also catch all the latest Tamil Lifestyle News by following us on Twitter and Facebook

The moderation of comments is automated and not cleared manually by tamil.indianexpress.com.
Just Now
X
×Close
×Close