ரத்தத்தை க்ளீன் பண்ணும் இந்த இலை... இப்படி யூஸ் செஞ்சு பாருங்க!

கசப்பான சுவையைக் கொண்டிருந்தாலும், வேப்பிலை நம்முடைய பாரம்பரிய மருத்துவத்தில் அழியாத இடத்தைப் பெற்றுள்ளது. தலைமுறை தலைமுறையாகப் பயன்படுத்தப்பட்டு வரும் இந்த அற்புத மூலிகை, எண்ணற்ற மருத்துவ குணங்களையும் ஆரோக்கிய நன்மைகளையும் தன்னகத்தே கொண்டுள்ளது.

வேப்பிலையின் கிருமி நாசினி மற்றும் அழற்சி எதிர்ப்புப் பண்புகள் பல்வேறு தோல் பிரச்சினைகளுக்கு அருமருந்தாக விளங்குகின்றன. படை, அரிப்பு, சொரியாசிஸ் மற்றும் எக்ஸிமா போன்ற தொல்லை தரும் சரும வியாதிகளுக்கு வேப்பிலை சாற்றை பாதிக்கப்பட்ட பகுதிகளில் தடவுவது அல்லது வேப்பிலை கலந்த நீரில் குளிப்பது சிறந்த நிவாரணம் அளிக்கிறது.

வேப்பிலையில் உள்ள ஆன்டிஆக்சிடன்ட்கள் உடலின் நோய் எதிர்ப்பு சக்தியை வலுப்படுத்த உதவுகின்றன. தீங்கு விளைவிக்கும் கட்டற்ற அணுக்களை எதிர்த்துப் போராடும் ஆற்றல் வேம்புக்கு இருப்பதால், உடலை பல்வேறு நோய்களிலிருந்து பாதுகாக்கிறது.

வேப்பிலையை எந்த நோய்க்கு எப்படி பயன்படுத்த வேண்டும் மற்றும் இலையின் எண்ணற்ற நன்மைகள் குறித்து ஆயுர்வேத மருத்துவர் மைதிலி அவர்கள் கீழேயுள்ள வீடியோவில் விளக்குகிறார்.

வேப்பிலை பல ஆரோக்கிய நன்மைகளைக் கொண்டிருந்தாலும், கர்ப்பிணிப் பெண்கள் மற்றும் பாலூட்டும் தாய்மார்கள் மருத்துவரின் ஆலோசனை இல்லாமல் இதனை உட்கொள்வதைத் தவிர்க்க வேண்டும். மேலும், அதிக அளவில் வேப்பிலையை உட்கொள்வது சில பக்க விளைவுகளை ஏற்படுத்த வாய்ப்புள்ளது என்பதை நினைவில் கொள்ளவும்.