முகத்தில் எண்ணெய் பிசுபிசுப்பா? இல்ல வறண்டு இருக்கா? இந்த ஹோம் ரெமிடிஸ் டிரை பண்ணுங்க

சருமப் பராமரிப்பு என்பது அன்றாட வாழ்வில் ஒரு முக்கிய பகுதியாகும். இதில், முகப்பொலிவை பராமரிப்பதும், சரும பிரச்சனைகளை சரிசெய்வதும் அத்தியாவசியமாகும். எண்ணெய் பசை சருமம் மற்றும் வறண்ட சருமம் என இரண்டுக்கும் வெவ்வேறு விதமான பராமரிப்பு முறைகள் தேவைப்படுகின்றன. உங்கள் சரும வகைக்கு ஏற்ற எளிமையான மற்றும் இயற்கையான வீட்டு வைத்திய முறைகளை இங்குக் காணலாம்.

எண்ணெய் பசை சருமத்திற்கு

எலுமிச்சை: எலுமிச்சையில் வைட்டமின் சி மற்றும் சிட்ரிக் அமிலம் நிறைந்துள்ளது. இது எண்ணெய் பசையை குறைத்து சருமத்தை புத்துணர்ச்சியுடன் வைத்திருக்க உதவுகிறது. எலுமிச்சை சாற்றை நேரடியாக முகத்தில் தடவுவதைத் தவிர்த்து, காய்ச்சி வடிகட்டிய தண்ணீருடன் கலந்து பயன்படுத்துவது நல்லது.

வெள்ளரிக்காய்: வெள்ளரிக்காயை மெல்லிய துண்டுகளாக வெட்டி, முகத்தில் மெதுவாகத் தேய்க்கவும். இப்படிச் செய்வதால் சருமத்தில் உள்ள அதிகப்படியான எண்ணெய் பசை நீங்கும். இரவு முழுவதும் முகத்தில் அப்படியே விட்டுவிட்டு, காலையில் கழுவி வந்தால் நல்ல பலன் கிடைக்கும்.

வறண்ட சருமத்திற்கு

தேன்: 

இயற்கையான, சுத்தமான தேனைப் பயன்படுத்துவது வறண்ட சருமத்திற்கு மிகவும் நல்லது. தேனை முகத்தில் ஒரு மெல்லிய படலமாகத் தடவி, 5 முதல் 10 நிமிடங்கள் கழித்து குளிர்ந்த நீரில் கழுவவும். இது சருமத்திற்கு ஈரப்பதத்தை அளித்து மென்மையாக்கும்.

கற்றாழை 

எப்படி பயன்படுத்துவது: கற்றாழை, எண்ணெய் பசை மற்றும் வறண்ட சருமம் என இரண்டுக்கும் நன்மை பயக்கும். கற்றாழை ஜெல்லை நேரடியாக முகத்தில் தடவலாம். இது சருமத்தை நீரேற்றத்துடன் வைத்திருக்கவும், எரிச்சலைக் குறைக்கவும் உதவும்.

ஓட்ஸ்

எப்படி பயன்படுத்துவது: ஓட்ஸை தண்ணீரில் ஊறவைத்து, நன்கு அரைத்து பேஸ்ட்டாக்கி முகத்தில் தடவவும். இதை இரண்டு வாரங்களுக்குத் தொடர்ந்து பயன்படுத்தினால், உங்கள் சருமத்தில் குறிப்பிடத்தக்க முன்னேற்றத்தைக் காணலாம். ஓட்ஸ் சருமத்தை மென்மையாக்கி, வறட்சியைப் போக்க உதவும்.

இந்த எளிய வீட்டு வைத்திய முறைகளை உங்கள் சருமப் பராமரிப்பு வழக்கத்தில் சேர்த்துக்கொள்வதன் மூலம், ஆரோக்கியமான மற்றும் பளபளப்பான சருமத்தைப் பெறலாம்.