பழைய பேப்பர் போதும்… 10 வருட மிக்ஸியை புதுசு போல் மாற்றலாம்; இந்த டிரிக் டிரை பண்ணுங்க!

உங்கள் வீட்டில் நீண்ட காலமாகப் பயன்படுத்தப்படும் மிக்ஸி சற்று மங்கலாகவும், அழுக்காகவும் இருக்கிறதா? புதிதாக ஒன்று வாங்க வேண்டியதில்லை! 25 வருடங்களுக்கும் மேலான பழமையான மிக்ஸி இருந்தாலும், அதை புத்தம் புதுசா பளபளக்க வைக்கலாம். இந்த ஆச்சரியமான டிப்ஸ் உங்கள் நேரத்தையும் பணத்தையும் மிச்சப்படுத்தும்.

தேவையான பொருட்கள்:

ஒரு பவுல்
பழைய நியூஸ் பேப்பர்
ஒரு கிளாஸ் தண்ணீர்
டூத்பேஸ்ட் (எந்த பிராண்டாக இருந்தாலும் சரி)
ஒரு ஃபோர்க் அல்லது சிறிய குச்சி
சுத்தமான துணி

செய்முறை

முதலில், ஒரு பவுலை எடுத்துக் கொள்ளுங்கள். பழைய செய்தித்தாள்களை சிறு துண்டுகளாகக் கிழித்து அந்த பவுலில் சேர்க்கவும். கிழித்த செய்தித்தாளுக்கு மேல் ஒரு கிளாஸ் தண்ணீர் ஊற்றவும்.

பிறகு, சிறிது டூத்பேஸ்ட்டைச் சேர்த்து, அதை உங்கள் கையால் நன்றாகக் கரைத்து விடுங்கள்.

இப்போது, ஊறவைத்த இந்த நியூஸ் பேப்பரைக் கொண்டு மிக்ஸியின் வெளிப்புறப் பகுதிகளை நன்றாகத் துடைத்து சுத்தம் செய்யவும். 25 வருட பழைய மிக்ஸியாக இருந்தாலும், புது பொலிவு பெறுவதைப் பார்த்து நீங்களே ஆச்சரியப்படுவீர்கள்!

மிக்ஸி ஜார் வைக்கும் இடத்தில் நிறைய அழுக்கு சேர்வது சகஜம். அங்கே, ஊறவைத்த செய்தித்தாள் துண்டுகளை வைத்து, ஒரு ஃபோர்க் அல்லது சிறிய குச்சியால் மெதுவாக சுழற்றுங்கள். உள்ளே இருக்கும் அழுக்குகள் அனைத்தும் எளிதாக வெளியே வந்துவிடும். இதற்கு நீங்கள் அதிகம் சிரமப்பட வேண்டியதில்லை!

கடைசியாக, ஒரு சுத்தமான துணியால் மிக்ஸியை நன்றாகத் துடைத்து விடுங்கள்.

இப்படிச் செய்வதன் மூலம், எவ்வளவு பழமையான மிக்ஸியாக இருந்தாலும், அது புதிது போல மின்னும். இந்த எளிய முறையைப் பயன்படுத்தி உங்கள் மிக்ஸியைப் புதிது போல மாற்றிப் பாருங்கள்!