மத்திய அரசு வழங்கும் ரூ. 6,000: உங்க பெயரை உடனே ‘செக்’ பண்ணுங்க!

PM Kisan Tamil News: விவசாயிகளுக்கு அரசாங்கத்தின் மிக பயனுள்ள திட்டங்களில் ஒன்று பிஎம்-கிஸான் என்று அறியப்படுகிற Pradhan Mantri Kisan Samman Nidhi Yojana திட்டம். இந்த திட்டத்தின் கீழ் சிறு மற்றும் குறு விவசாயிகளுக்கு நிதி உதவியாக வருடத்துக்கு ரூபாய் 6,000/- வழங்கப்படுகிறது.

பிஎம்-கிஸான் திட்டத்தின் மூலம் சுமார் 12 கோடி விவசாயிகளுக்கு பயனளிப்பதை அரசாங்கம் நோக்கமாகக் கொண்டுள்ளது. இந்த திட்டம் மிகவும் பயனுள்ளதாக இருப்பதால் ஒவ்வொரு நாளும் அதிகமான விவசாயிகள் இந்த திட்டத்தில் இணைக்கின்றனர். பிஎம்-கிஸான் திட்டத்தில் சேர்வது மிகவும் எளிது. நீங்கள் ஆன்லைன் மூலமாகவும் ஆப் லைன் மூலமாகவும் இணையலாம்.

பிஎம்-கிஸான் திட்டத்தின் கீழ் 6 ஆவது தவணை தொகை ஆகஸ்ட் மாதத்தில் கணக்கில் வரவு வைக்கப்படும். ஆனால் அதற்கு முன்பாக அரசு பயனாளிகளின் பட்டியலை வெளியிட்டுள்ளது. பிஎம்-கிஸான் திட்டத்தின் வலைதளமான pmkisan.gov.in ல் மத்திய அரசு பயனாளிகளின் முழு பட்டியலையும் அப்லோட் செய்துள்ளது. நீங்கள் இந்த திட்டத்தின் கீழ் நன்மையை பெற்றுள்ளீர்களா இல்லையா என்பதை இந்த பட்டியலில் சரிப்பார்த்துக் கொள்ளலாம்.

பிஎம்-கிஸான் பயனாளிகள் பட்டியல் 2020 ல் எவ்வாறு சரிபார்ப்பது ?

பிஎம்-கிஸான் பட்டியலில் எப்படி உங்கள் பெயரை எவ்வாறு சரிப்பார்க்கலாம் என்பது இங்கே

Step 1 - pmkisan.gov.in என்ற அதிகாரப்பூர்வ வலைதளத்துக்கு செல்லவும்.

Step 2 – முகப்பு பக்கத்தில் Farmers Corner என்பதை தேடவும். drop-down மெனுவில் பல தேர்வுகள் இருக்கும் அதிலிருந்து Beneficiary List என்பதை தேர்வு செய்யவும்.

Step 3 - அடுத்து நீங்கள் உங்களுடைய மாநிலம், மாவட்டம், துணை மாவட்டம் (sub-district), வட்டாரம் மற்றும் கிராமம் ஆகியவற்றை தேர்வு செய்ய வேண்டும்.

Step 4- அனைத்து விவரங்களையும் பூர்த்தி செய்த பின்னர் Get Report என்பதை சொடுக்கவும்.

Step 5 – பிஎம் கிஸான் பட்டியல் 2020 திரையில் தோன்றும்.

முழுமையாக நிரப்பப்படாத விண்ணப்பம் மற்றும் தவறான ஆதார் தகவல்கள் ஆகியவற்றால் பல விவசாயிகளின் பெயர்கள் இந்த பட்டியலில் இருக்காது என்பது குறிப்பிடப்பட வேண்டியது அவசியம். இந்த விவசாயிகள் தேவையான புதுப்பிப்புகள்/ மாற்றங்களை Farmers Corner பிரிவில் செய்யலாம். திட்டத்தின் பலன்களைப் பெற அவர்கள் எவ்வளவு சீக்கிரம் முடியுமோ அவ்வளவு சீக்கிரம் திருத்தங்களைச் செய்ய வேண்டும்