புகைப்பழக்கத்திற்கு சொல்லுங்க 'நோ': பிராணயாமம் மூச்சுப்பயிற்சியின் நன்மைகள்!

கரெட் என்பது மற்ற போதைப்பொருட்களுக்கான நுழைவாயில். புகையிலை பழக்கம்தான் கஞ்சா, கொகையின் போன்ற கடுமையான போதைப் பொருட்களுக்கு வழிவகுக்கிறது என்று விஞ்ஞானிகள் கண்டுபிடித்துள்ளனர். அதனால், புகையிலை பழக்கத்தை நாம் சாதாரணமாக நினைக்கக் கூடாது. நிகோடின் ஆசையையும், அந்தப் பழக்கத்தை நிறுத்துவதால் ஏற்படும் கஷ்டங்களையும் பிராணாயாமப் பயிற்சிகள் குறைக்கும். சர்வதேச யோகா பத்திரிகை இதன் நன்மைகளை ஆய்வு செய்து, பிராணாயாமம் இவை இரண்டையும் குறைக்க உதவுவதாகக் கூறியுள்ளது. போதைப் பழக்கத்திலிருந்து விடுபடும் உங்கள் முயற்சிக்கு உதவ, சில நல்ல பயிற்சிகள் உள்ளன.

இந்த செய்தியை ஆங்கிலத்தில் படிக்க

பிராணயாமம் மூச்சு பயிற்சி, உங்கள் உடலுக்கு பல்வேறு நன்மைகளைத் தருகிறது. இது உங்கள் உடல் மற்றும் மனஆரோக்கியத்தை அதிகரிக்கிறது. உடல் மற்றும் மனம் சமநிலைப்படுத்தப்படுகிறது. நீங்கள் அன்றாடம் பிராணயாமம் செய்வதால் உங்கள் உடலுக்கு கிடைக்கும் நன்மைகள் என்னவென்று தெரிந்துகொள்ளுங்கள்.

நாடி சோதன் பிராணாயாமம்

• வசதியான நிலையில், உங்கள் முதுகை நேராக வைத்து அமரவும். சம்மனங்கால் நிலை அல்லது எளிய நிலை அமர்வது சிறந்தது.
• உங்கள் தோள்கள் மற்றும் உடலைத் தளர்த்திக் கொள்ளுங்கள்.
• உங்கள் இடது கையை இடது முழங்காலில் ‘சின் முத்திரை’யில் வைக்கவும். இதில், கட்டைவிரல் மற்றும் ஆள்காட்டி விரல் நுனிகளை மெதுவாகத் தொடவும். மற்ற 3 விரல்களையும் முன்னோக்கி நீட்டி வைக்கவும்.
• உங்கள் ஆள்காட்டி விரல் மற்றும் நடுவிரல் புருவங்களின் மையத்தில் வைக்கவும்.
• உங்கள் மோதிர விரல் மற்றும் சுண்டு விரலை உங்கள் இடது நாசித் துவாரத்தில் (மூக்கின் இடது துவாரம்) வைக்கவும்.
• உங்கள் கட்டை விரலை வலது நாசித் துவாரத்தில் (மூக்கின் வலது துவாரம்) வைக்கவும்.
• மோதிர விரலும் சுண்டு விரலும் இடது நாசித் துவாரத்தைத் திறக்கவும் மூடவும் பயன்படும்.
• கட்டை விரல் வலது நாசித் துவாரத்தைத் திறக்கவும் மூடவும் பயன்படும்.
• முதலில், இரண்டு நாசித் துவாரங்கள் வழியாகவும் சாதாரணமாக மூச்சை உள்ளிழுத்து, பின்னர் உங்கள் விரல்களை இவ்வாறு நிலைநிறுத்தவும் – கட்டை விரலை வலது நாசியிலும், ஆள்காட்டி மற்றும் நடு விரல்களை புருவங்களுக்கு மத்தியிலும், மோதிர விரல் மற்றும் சுண்டு விரலை இடது நாசியிலும் வைக்கவும்.
• உங்கள் கட்டை விரலால் வலது நாசித் துவாரத்தை மூடி, இடது நாசித் துவாரம் வழியாக மூச்சை வெளியிடவும்.
• இப்போது, இடது நாசித் துவாரம் வழியாக மூச்சை உள்ளிழுத்து, முழுமையாக உள்ளிழுத்த பிறகு மோதிர விரல் மற்றும் சுண்டு விரலால் அதை மூடவும்.
• உங்கள் கட்டை விரலை அகற்றி வலது நாசித் துவாரம் வழியாக மூச்சை வெளியிடவும். அப்போது, உங்கள் இடது நாசித் துவாரம் மோதிர விரல் மற்றும் சுண்டு விரலால் மூடப்பட்டிருக்க வேண்டும்.
• வலது நாசித் துவாரம் வழியாக மூச்சை உள்ளிழுத்து, முழுமையாக உள்ளிழுத்த பிறகு கட்டை விரலால் அதை மூடவும்.
• உங்கள் கட்டை விரலால் வலது நாசித் துவாரத்தை மூடி, இடது நாசித் துவாரம் வழியாக மூச்சை வெளியிடவும். இது ‘நாடி சோதன் பிராணாயாமத்தின்’ ஒரு சுற்றை நிறைவு செய்கிறது.
• ஒரு நாசித் துவாரம் வழியாக மூச்சை உள்ளிழுத்து, மற்றொன்றின் வழியாக வெளியிடுவதை மாற்றி மாற்றித் தொடரவும்.
• ஒவ்வொரு முறை மூச்சை வெளியிட்ட பிறகும், அதே நாசித் துவாரம் வழியாக மீண்டும் மூச்சை உள்ளிழுக்க வேண்டும் என்பதை நினைவில் கொள்ளுங்கள்.
• இரு நாசித் துவாரங்கள் வழியாகவும் மாறி மாறி சுவாசித்து, இதுபோன்ற ஒன்பது சுற்றுகளை நிறைவு செய்யவும்.
• தொடர்ந்து, சிரமமின்றி, நீண்ட, ஆழமான, சாதாரண சுவாசங்களை எடுக்கவும்.