அதிகம் பேசப்பட்ட பதாய் தோ பாலிவுட் படத்தின் கதையை பிரதிபலிக்கும் வகையில், 23 வயதான ஆர்யா பார்வதி, தனது 40+ வயது பெற்றோரின் இரண்டாவது கர்ப்பத்தைப் பற்றி பகிர்ந்த ஒரு இன்ஸ்டா போஸ்ட் இப்போது வைரல் ஆகியுள்ளது.
”ஒரு தொலைபேசி அழைப்பு என் வாழ்க்கையை மாற்றியது. போன வருஷம், நான் விடுமுறைக்கு ஊருக்குச் செல்வதற்குச் சில நாட்களுக்கு முன், அப்பாவிடமிருந்து எனக்கு அழைப்பு வந்தது. அவர் அமைதியற்று இருந்தார். சில நிமிடங்கள் கழித்து, ‘அம்மா கர்ப்பமாக இருக்கிறார்’ என்றார். இதற்கு எப்படி எப்படி நடந்துகொள்வது என்று எனக்குத் தெரியவில்லை…
இது 23 வயதில் நாம் பெற்றோரிடம் இருந்து கேட்க வேண்டிய ஒரு விஷயமில்லை. நான் அதிர்ச்சியடைந்தேன் என்று கூறுவது ஒரு குறையாக இருக்கும். அம்மாவுக்கு வயது 47. அது வித்தியாசமாக இருக்கும் என்று எனக்குத் தெரியும், ஆனால் அப்பா என்னிடம் சொன்னபோது, அம்மா ஏற்கனவே 8வது மாதத்தில் இருந்தாள். உண்மையில், அம்மா கண்டுபிடித்தபோது, அவருக்கு 7 மாதங்கள் ஆகியிருந்தது,
என் குழந்தைப் பருவம் முழுவதும், அம்மாவிடம், ‘எனக்கு ஒரு உடன்பிறப்பு வேண்டும்!’ என்று சொல்வேன். ஆனால், நான் பிறந்த பிறகு, அவளது கருப்பையில் சில பிரச்சனைகள் இருந்ததால், அவளால் மீண்டும் கருத்தரிக்க முடியாது என்று அம்மா கூறினாள். எனவே, வாழ்க்கை அப்படியே தொடர்ந்தது., அம்மாவும் அப்பாவும் கேரளாவில் தங்கியிருக்கும் போது, நான் கல்லூரி படிப்புக்காக பெங்களூருக்கு சென்றேன். எனக்கு அந்த அழைப்பு வரும் வரை விஷயங்கள் அப்படியே இருந்தன…
நான் எப்படி நடந்துகொள்வேன் என்று தெரியாததால் அதை ரகசியமாக வைத்திருந்ததாக அப்பா சொன்னார். சில நாட்களுக்குப் பிறகு, நான் வீட்டிற்கு வந்ததும், அம்மாவின் மடியில் விழுந்து அழ ஆரம்பித்தேன். நான், ‘நான் ஏன் வெட்கப்பட வேண்டும்?’ என்றேன், நான் இவ்வளவு காலமாக இதை விரும்பினேன், என்று அவள் தொடர்ந்தாள்.
அதன் பிறகு, அம்மாவும் நானும் ஒன்றாக நேரத்தை செலவிட ஆரம்பித்தோம். அப்போதுதான் அவள் எப்படிக் கண்டுபிடித்தாள் எனக்கு என்று சொன்னாள் – அம்மாவும் அப்பாவும் ஒரு கோவிலுக்குப் போனார்கள், திடீரென்று அவளுக்கு மயக்கம் ஏற்பட்டது. மருத்துவமனையில் அவர் கர்ப்பமாக இருப்பதாக டாக்டர்கள் தெரிவித்தனர். சில காரணங்களால், அவளது பம்ப் தெரியவில்லை. அம்மாவின் மாதவிடாய் நின்றுவிட்டது, அதனால் வயிறு உப்பி இருப்பதாக உணர்ந்தாள், அதனால் அவள் அதை மெனோபாஸ் என்று கருதினாள்.
பல வருடங்களுக்கு முன்பு, மருத்துவர் சொன்னதால், கர்ப்பம் அவள் மனதில் வரவில்லை! இதை ஒரு அதிசயமாக நான் உணர்ந்தேன்! ”
மெதுவாக, நாங்கள் எங்கள் குடும்பத்தினரிடமும் நண்பர்களிடமும் சொல்ல ஆரம்பித்தோம். சில ஆறுதல்கள் உண்மையானவை ஆனால் சில வெறும் அவதூறுகள். ஆனால் நாங்கள் அதில் கவனம் செலுத்தவில்லை. அதனால்தான் அம்மாவின் கர்ப்பம் சீராக சென்றது; எந்த மன அழுத்தமும் இல்லை.
கடந்த வாரம் அம்மாவுக்கு பெண் குழந்தை பிறந்தது. அவள் என்னை ‘அக்கா!’ என்று அழைக்கும் நாள்வரை என்னால் காத்திருக்க முடியாது, எங்களுக்கு இவ்வளவு பெரிய வயது வித்தியாசம் இருப்பதை மக்கள் வித்தியாசமாக கருதுகிறார்கள், ஆனால் அதெல்லாம் முக்கியமா?
நீண்ட காலமாக, அவள் எங்கள் வாழ்வில் வரப் போகிறாள் என்று எங்களுக்குத் தெரியாமல் இருந்தது வேடிக்கையானது, இப்போது அவள் இருப்பதால், அவளிடமிருந்து விலகி இருக்க முடியாது! ” என்று ஆர்யா அந்த பதிவில் உணர்ச்சிப்பூர்வமாக எழுதினார்.
எனவே, மெனோபாஸ், கருப்பைச் சிக்கல்களுக்குப் பிறகும் கருத்தரிக்க முடியுமா?
கருப்பை, முட்டைகளை உற்பத்தி செய்வதை நிறுத்தும் போது, பொதுவாக 45 முதல் 55 வயதுகளில் மெனோபாஸ் வருகிறது. மேலும் உங்கள் உடலில் ஈஸ்ட்ரோஜன் (பெண் ஹார்மோன்) குறைவாக உற்பத்தி செய்யப்படுகிறது. இது பெண்களுக்கு மெனோபாஸ் அறிகுறிகளைத் தூண்டுகிறது.
மகளிர் மற்றும் மகப்பேறு மருத்துவ நிபுணர் ஷாலினி விஜய் கூறுகையில், உண்மையில், உங்களுக்கு மாதவிடாய் வரவில்லை என்றால், உங்கள் மகளிர் மருத்துவ நிபுணரைப் பார்க்க வேண்டும். நர்சிங், மருந்துகள், எடை குறைவாக இருப்பது, பிறப்பு கட்டுப்பாடு மற்றும் பிற காரணங்களால் இது நிகழலாம், என்று அவர் குறிப்பிட்டார்.
கருவுறுதல் நிபுணரான டாக்டர் ஷோபா குப்தா, இதை உறுதிப்படுத்தி, மாதவிடாய் இல்லாத பிறகும் கர்ப்பம் தரிக்க முடியும், ஏனெனில் சில சமயங்களில் ஹார்மோன் சமநிலையின்மை மற்றும் சில சமயங்களில் முன்கூட்டிய கருப்பைச் செயலிழப்பு ஏற்படுகிறது.
உங்களுக்கு ஒரு வருடம் முழுவதும் செல்லும் மாதவிடாய் இல்லாமல் இருந்தாலும், நீங்கள் அதிகாரப்பூர்வமாக மெனோபாஸ் அடையவில்லை, என்று டாக்டர் குப்தா பகிர்ந்து கொண்டார்.
நிபுணரின் கூற்றுப்படி, கருவுறுதல் இயற்கையாகவே வயதுக்கு ஏற்ப குறைகிறது, இது ஒருவர் வயதாகும்போது கர்ப்பம் தரிப்பதற்கான வாய்ப்புகள் குறைவு என்று கூறுகிறது, மாதவிடாய் நிற்கும் வரை, ஒருவர் பாலுறவில் சுறுசுறுப்பாக இருந்தால், கர்ப்பமாக இருக்க விரும்பவில்லை என்றால், கருத்தடையைத் தொடர்ந்து பயன்படுத்துவது மிகவும் முக்கியம்.
மேலும், கர்ப்பப்பையில் பிரச்சினை உள்ள பெண்களும் கருத்தரிக்க முடியும் என்று மூத்த மகப்பேறு மற்றும் மகளிர் மருத்துவ நிபுணர் டாக்டர் பிரசன்னலதா கூறினார்.
கருப்பைச் சிக்கல்கள் (septate uterus அல்லது arcuate uterus) கருவுற்ற முட்டையை பொருத்துவதற்கும் வளருவதற்கும் மிகவும் சவாலானதாக இருக்கும், ஆனால் அது சாத்தியமற்றது அல்ல, என்று டாக்டர் பிரசன்னலதா குறிப்பிட்டார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
