மாணவர்களின் அரியர்ஸ்...தமிழகம் போல புதுச்சேரியிலும் வேண்டும் - எம்.எல்.ஏ வைத்தியநாதன்

புதுச்சேரி சட்டப்பேரவையில் பூஜ்ய நேர விவாதத்தில் சட்டமன்ற உறுப்பினர் திரு.மு. வைத்தியநாதன் அவர்கள் பேசியது பற்றி பார்ப்போம்.

தொழில்நுட்ப கல்வி, பலவகை தொழில்நுட்பக்கல்வி, பட்டயப்படிப்பு ஆகியவற்றில் தேர்வு எழுதுவதற்கு வழங்கப்பட்ட வாய்ப்புகளை முடித்து அந்த வாய்ப்புகளில் தேர்ச்சி பெறாமல் நிலுவை பாடங்கள் (ARREARS) வைத்துள்ளவர்களுக்கு தமிழகத்தில் ஒரு அரசாணை வெளியிட்டு வரும் ஏப்ரல் 2025 மற்றும் அக்டோபர் 2025 பருவ தேர்வுகளின் பொழுது தேர்வு எழுத சிறப்பு அனுமதி (GRACE CHANCE) வழங்கப்பட்டுள்ளது.

இதே போல நமது புதுச்சேரியிலும் வழங்க வேண்டுமென முதல்வர் அவர்களையும் உயர்கல்வித்துறை அமைச்சர் அவர்களையும் கேட்டுக் கொள்கிறேன் என்று சட்டமன்ற உறுப்பினர் மு.வைத்தியநாதன் கூறியுள்ளார்.

தமிழகத்தில் வெளியிட்டுள்ள அரசாணையை அடிப்படையாக கொண்டு புதுச்சேரி மாநிலத்திலும் இது போன்ற ஒரு முறை வாய்ப்பு (GRACE CHANCE) வழங்க வேண்டுமென மாணவர்களின் நலன் கருதி  கேட்டுக் கொள்கிறேன் என்றார்.