உடல் சூடு, செரிமானம், நோய் எதிர்ப்பு சக்தி – எல்லாவற்றுக்கும் மருந்து முள்ளங்கிதான்!

குளிர்காலத்தில் இந்தியா முழுவதும் முள்ளங்கி (Radish) முக்கிய காய்கறி ஆகும். நீர்ச்சத்து நிறைந்த வேர் காய்கறியாகவும், பல மருத்துவப் பண்புகளையும் கொண்டுள்ள முள்ளங்கி, சமையலிலும், மருத்துவ நோக்கங்களிலும் பெரும் பயனுள்ளதாகும். முள்ளங்கியின் இலைகள், பூக்கள், காய்கள் மற்றும் விதைகள் என தாவரத்தின் அனைத்து பகுதிகளும் உணவாக பயன்படும்.

ஊட்டச்சத்துகளின் நம்பிக்கை

முள்ளங்கியில் வைட்டமின் சி, பொட்டாசியம், கால்சியம், நார்ச்சத்து, குளுக்கோசினோலேட்டுகள், வைட்டமின் பி7 போன்ற பல ஊட்டச்சத்துக்கள் நிறைந்துள்ளன. இது நோய் எதிர்ப்பு சக்தியை மேம்படுத்துவதோடு, செரிமானத்தை வலுப்படுத்துகிறது. உடலில் நச்சு நீக்கம் செய்யும் திறனும் முள்ளங்கிக்கு உள்ளது.

ரத்த சர்க்கரை மற்றும் நீரிழிவு கட்டுப்பாடு

முள்ளங்கியில் சில ரசாயன கலவைகள் உள்ளன, அவை ரத்த சர்க்கரை அளவை கட்டுப்படுத்த உதவுகின்றன. இதனால் உடல் இயற்கையாக அடிபோனெக்டிக் ஹார்மோன் (Protein hormone) உற்பத்தி செய்யும் திறன் மேம்படும். நீரிழிவு நோய் ஏற்படுவதை தடுக்கும் சக்தியும் முள்ளங்கியில் உள்ளது.

கல்லீரல் பாதுகாப்பு

உடலில் நோய் தாக்கம் ஏற்பட்டால், கல்லீரல் தானாகவே நச்சுகளை அகற்றி உடலை பாதுகாக்கிறது. முள்ளங்கியில் உள்ள கலவைகள் கல்லீரலுக்கு பாதுகாப்பானவை. இது சீறுநீரகங்களில் இருக்கும் நச்சுக்களையும் வெளியேற்ற உதவுகிறது.

இரத்த அழுத்தம் மற்றும் இதய ஆரோக்கியம்

முள்ளங்கியில் கால்சியம் மற்றும் பொட்டாசியம் நிறைந்துள்ளதால், உயர் இரத்த அழுத்தத்தை குறைக்கவும், இதய நோய்கள் ஏற்படுவதை தடுக்கும் திறனும் உள்ளது. மேலும், முள்ளங்கி இரத்த ஓட்டத்தை மேம்படுத்தும் நைட்ரேட்டுகள் கொண்டுள்ளது.

புற்றுநோய் தடுப்பு சக்தி

முள்ளங்கியில் அதிக அளவு குளுக்கோசினோலேட்டுகள் உள்ளன. இவை கந்தக கலவைகளாக செயல்பட்டு, புற்றுநோய் உருவாக்கும் மரபணு மாற்றங்களிலிருந்து செல்களை பாதுகாக்கின்றன. மேலும், புற்றுநோய் கட்டிகளை உருவாக்கும் உயிரணுக்களின் வளர்ச்சியை தடுக்கின்றன.

பூஞ்சை தொற்றுநோய் எதிர்ப்பு

முள்ளங்கி இயற்கையாகவே பூஞ்சை காளான் மற்றும் பூஞ்சை தொற்றுநோய்களை எதிர்க்கும் திறன் கொண்டுள்ளது. இது வீக்கத்தை குறைக்கவும், சிறுநீர்ப்பாதையில் ஏற்படும் கோளாறுகளை சரிசெய்யவும் உதவுகிறது. சிறுநீரக அமைப்பில் உள்ள நச்சுகளை வெளியேற்றுவதிலும் இது சிறப்பாக செயல்படுகிறது.

தினசரி உணவில் சேர்க்கும் நன்மை

இந்த வகை பல நன்மைகளை கொண்ட முள்ளங்கியை தினசரி உணவில் சேர்த்தால், உடலுக்கு முழுமையான ஆரோக்கியம் கிடைக்கும். பச்சையாக, சமைத்தோ, ஊறுகாயாகவோ, அல்லது சாறு வடிவில் எடுத்தாலும், உடல்நலத்திற்கு இது மிகச் சிறந்தது.

குறிப்பு: குளிர்காலத்தில் முள்ளங்கியை தவிர்க்காமல் உணவில் சேர்ப்பது, நோய் எதிர்ப்பு சக்தியை வலுப்படுத்தும் மற்றும் உடலை நச்சுக்களிலிருந்து பாதுகாக்கும் முக்கிய வழியாகும்.