1 லட்சம் லிட்டர் மழைநீர் சேமிக்கலாம்... இதுதான் சிம்பிள் ஸ்டெப்ஸ்; இம்முறை மிஸ் பண்ணாதீங்க!

இந்தியாவில் கோடைகாலத்தில் நிலத்தடி நீர் வற்றிப்போவது என்பது வருடாந்திர பிரச்சனையாக உள்ளது. மழைக்காலத்தில் கூட பல இடங்களில் தண்ணீர் பற்றாக்குறை நிலவி வருகிறது. இப்படிப்பட்ட சூழலில், மழைநீரை சேகரிப்பது ஒரு சிறந்த, நிலையான தீர்வாக பார்க்கப்படுகிறது.

மழைநீர் சேகரிப்பின் நன்மைகள் ஏராளம். நிலத்தடி நீர் மட்டத்தை அதிகரிப்பது, நீர் மற்றும் மின்சார சேமிப்பு, தண்ணீர் பில்களை கணிசமாகக் குறைப்பது எனப் பல நன்மைகளை அடுக்கிக்கொண்டே போகலாம். இருந்தாலும், மழைநீர் சேகரிப்புக்கு அதிக செலவாகும் என்று நினைத்து பலர் தயங்குகிறார்கள். ஆனால், குறைவான செலவில், எளிமையான முறையில் மழைநீரை சேமித்து பயன்படுத்த ஒரு அருமையான வழி உள்ளது.

ஆச்சரியப்படும் வகையில், வெறும் ₹10,000 முதலீட்டில் ஒரு லட்சம் லிட்டர் வரை மழைநீரை சேமிக்க முடியும். இதற்கு ஒரு பிளாஸ்டிக் பாட்டில், ஒரு பைப், ஒரு ட்ரம் மற்றும் ஒரு மோட்டார் பம்ப் இருந்தால் போதும்.

View this post on Instagram

A post shared by The Better India (@thebetterindia)

உங்கள் வீட்டின் கூரையிலிருந்து வரும் மழைநீரை ஒரு ட்ரம்மிற்குள் திருப்பிவிட வேண்டும். இதற்கு ஒரு துணி வடிகட்டியைப் பயன்படுத்தினால், பெரிய அசுத்தங்கள் ட்ரம்முக்குள் செல்வதைத் தடுக்கலாம். இந்த ட்ரம்மில் சேகரிக்கப்பட்ட நீரை, ஒரு சிறிய மோட்டார் பம்ப் உதவியுடன் உங்கள் மேல்நிலைத் தொட்டிக்கு மாற்றலாம்.

மழைக்காலம் தொடங்கும் போது பெய்யும் முதல் மழையை சேகரிக்கக் கூடாது என்பதை கவனத்தில் கொள்ள வேண்டும். ஏனெனில், முதல் மழையில் தூசு மற்றும் பிற அசுத்தங்கள் கலந்து இருக்கும்.

மழைநீர் சேகரிப்பால் என்ன பயன்?

சேகரிக்கப்பட்ட மழைநீரை வீட்டின் அன்றாட வேலைகளுக்குப் பயன்படுத்தும்போது, தண்ணீர் பயன்பாட்டை 30 சதவீதம் வரை குறைக்க முடியும். தொடர்ந்து 3-4 மாதங்கள் மழை பெய்யும் நம் நாட்டில், இந்த முறை மிகவும் பயனுள்ளதாக இருக்கும்.

குறைந்துவரும் நிலத்தடி நீர் மட்டத்திற்கு இது ஒரு சிறந்த தீர்வாக இருக்கும். ஒவ்வொரு குடிமகனும் இதுபோன்ற எளிய மழைநீர் சேகரிப்பு முறைகளை கடைப்பிடித்தால், மிகப்பெரிய தாக்கத்தை ஏற்படுத்த முடியும்.

வாருங்கள், இந்த மழைக்காலத்தில் மழைநீரை சேமிப்போம், நிலத்தடி நீர் வளத்தைப் பெருக்குவோம்!