'கட்டாயப்படுத்திதான் அதை செய்ய வைத்தேன்': ஜாக்கியின் திருமண புரோபஷல் பற்றி ரகுல் பிரீத் ஓபன் டாக்

பாலிவுட்டின் நட்சத்திர ஜோடிகளான ரகுல்ப்ரீத் சிங்-ஜாக்கி பாக்னானியின் காதல் மற்றும் திருமண வாழ்க்கை எப்போதும் ரசிகர்கள் மத்தியில் ஆர்வம் ஏற்படுத்திய ஒன்று. அவர்களின் திருமணம் பற்றி ரகுல் ப்ரீத்சிங் கூறிய சில சுவாரசியமான தகவல்கள் சமூக வலைதளங்களில் வைரலாகி வருகின்றன.

சமீபத்தில் ராஜ்ஷமானியின் போட்காஸ்டான The Figuring Out Co நிகழ்ச்சியில் பேசிய ரகுல்ப்ரீத்சிங், தனது திருமண புரோபஷல் (proposal) குறித்து பல சுவாரசியமான விஷயங்களைப் பகிர்ந்து கொண்டார். "அவரை நான் கட்டாயப்படுத்திதான் அதைச் செய்ய வைத்தேன். 'நீங்கள் என்னை திருமணம் செய்துகொள்' என்று சொன்னால்தான் நான் திருமணப் பாதையில் நடப்பேன் என ஜாக்கியிடம் சவால் விட்டேன்" என்று ரகுல் சிரித்து கொண்டே கூறினார்.

இந்த செய்தியை ஆங்கிலத்தில் படிக்க

ஜாக்கியின் நெருங்கிய தோழி பூமியும் இந்த பிளானை செயல்படுத்த உதவினார். "பூமி என்னை காலையில் உணவருந்த வரும்படி அழைத்தார். ஆண்கள் குழு, பெண்கள் குழுவிற்கு விருந்தளிக்க விரும்புவதாக கூறினார். காலை 10 மணிக்கு சமுய்யில் காலை உணவுக்கு யார் செல்வார்கள் என நாங்கள் அனைவரும் சலிப்புடன் கூறினோம். ஆனால் பூமி வற்புறுத்தினார், நானும் அவரை சந்தேகிக்கவில்லை. கடற்கரையில் புகைப்படம் எடுக்க வேண்டும் என்று கூறி நல்ல உடையை அணியும்படி கூறினார். அங்கு, 'Marry Me' என்று எழுதப்பட்ட அலங்காரமும் இருந்தது. அவர் எனக்காக ஒரு பாடலையும் எழுதியிருந்தார்" என்று ரகுல் தெரிவித்தார்.

ரகுல்ப்ரீத் சிங்-ஜாக்கி எப்படி காதலில் விழுந்தார்கள்?

'The Curly Tales' உடனான உரையாடலில், ஜாக்கி தங்களது காதல் கதையைப் பற்றிப் பகிர்ந்து கொண்டார். சுமார் 5 ஆண்டுகளாக ஒருவரை ஒருவர் சுற்றி வந்ததாகவும், முதலில் அவர்கள் சிறந்த நண்பர்களாக மாறியதற்கு காரணம், இருவருக்கும் ஒரே மாதிரியான அடிப்படை மதிப்புகள் இருந்ததுதான் என்றும் ஜாக்கி கூறினார். குடும்பம், உடற்தகுதி, ஆரோக்கியம் மற்றும் ஒருவருக்கொருவர் தனிப்பட்ட இடத்தை கொடுப்பது போன்றவை இருவருக்கும் மிகவும் முக்கியமானதாக இருந்தது.

நட்பாக தொடங்கிய உறவு மெல்ல மெல்ல நெருக்கமான பிணைப்பாக வளர்ந்தது. இருவரும் ஒன்றாக நேரம் செலவிட காரணங்களை தேடினர். அவர்கள் ஷூட்டிங் முடித்துவிட்டு ஒருவருக்கொருவர் காத்திருந்தனர். அவர்கள் 5 மாதங்கள் தொடர்ந்து ஒன்றாகப் பழகி, தங்கள் நண்பர்களை தங்கள் வாழ்க்கையின் ஒருபகுதியாக ஆக்கினர். ஜாக்கி நகைச்சுவையான விஷயத்தை வெளிப்படுத்தினார். அதாவது, தான் எந்த நடவடிக்கை எடுக்காததால், தான் ஒரு நேர்மையான ஆண் இல்லை என்று ரகுல் நினைத்தாராம். "நான் அவளை மிகவும் மதித்த ஒரு பண்பான பையன்" என்று அவர் கூறினார்.

ஜாக்கி, ரகுலை தற்காலிக உறவுக்காக இழந்துவிடக்கூடாது என்றும், அவளைத் திருமணம் செய்துகொள்ளும் அளவுக்கு தான் உறுதியாக இருக்க வேண்டும் என்றும் தனக்குள்ளேயே முடிவெடுத்தார். அவளைத் திருமணம் செய்ய வேண்டும் என்பதில் அவர் உறுதியாக இருந்தாலும், அதை ரகுலிடம் தெரிவிக்கவில்லை. கோவிட்-19 சமயத்தில், இருவரும் தங்கள் நண்பர்கள் மற்றும் குடும்பத்தினருடன் கோவாவில் உள்ள பங்களாவிற்கு சென்றனர். திரும்பி வந்த பிறகு, ஜாக்கி அமைதியாகவும் அதே சமயம் ரொமான்டிக்காகவும் நடந்து கொண்டதை ரகுல் கவனித்தார்.

இதற்கிடையில், ரகுல் இந்த உறவு குறித்து தெளிவு பெறவும், ஜாக்கி தனது உணர்வுகளை வெளிப்படுத்தவும் காத்திருந்தார். ஒருநாள், ரகுலின் கையைப் பிடித்துக் கொண்டு, "எனக்கு மிகவும் பயமாக இருக்கிறது" என்று வேடிக்கையாகக் கூறினார். அந்த சம்பவத்திற்குப் பிறகு, இருவரும் காதலிக்கத் தொடங்கினர். 

ரகுல்-ஜாக்கியின் உறவு முதலில் நட்பாகத் தொடங்கி பிறகு காதலாக மலர்ந்தது. இருவரும் குடும்பம், உடற்தகுதி, ஆரோக்கியம் என ஒரே மாதிரியான குணாதிசயங்களைக் கொண்டிருந்ததால், நெருங்கிய நண்பர்களாகினர். சுமார் 5 மாதங்கள் ஒன்றாகப் பழகிய பிறகுதான் இவர்களின் நட்பு காதலாக மாறியது. ஒருமுறை ஜாக்கி, ரகுலிடம் தனது பய உணர்வை வெளிப்படுத்த, அதன் பிறகு இருவரும் தீவிரமாக காதலிக்கத் தொடங்கினர். 6 மாதங்களுக்குப் பிறகு, ஜாக்கி ரகுலின் பெற்றோரிடம் தனது விருப்பத்தைத் தெரிவித்து திருமணத்திற்குச் சம்மதம் வாங்கினார்.