தங்கத்தை விட விலை அதிகம்... பாம்பு விஷத்துக்கு இம்புட்டு மவுசு ஏன் தெரியுமா?

பாம்புகள் என்றால் உலகம் முழுவதும் பயமும் வியப்பும் கலந்த உயிரினங்கள். ஆனால் அவை வெறும் ஆபத்தானவைகள் மட்டுமல்ல — இயற்கையின் சமநிலையைப் பேணும் முக்கியமான உயிரினங்களும் ஆகும்.

உலக சுகாதார நிறுவனம் (WHO) வெளியிட்ட தகவல்படி, உலகில் 3,000-க்கும் மேற்பட்ட பாம்பு இனங்கள் உள்ளன. அதில் சுமார் 200 முதல் 300 இனங்கள் மட்டுமே உண்மையில் விஷமுடையவை. அவற்றில் மிகவும் ஆபத்தானது இன்லேண்ட் டைப்பான் (Inland Taipan) எனப்படும் பாம்பு — ஒரே கடியிலே 100 பேரை கொல்லக்கூடிய அளவுக்கு விஷம் கொண்டுள்ளது!

ஒவ்வொரு ஆண்டும் ஆயிரக்கணக்கான மரணங்கள்

பி பி சி -யின் தகவல்படி, உலகளவில் ஒவ்வொரு ஆண்டும் சுமார் 1,40,000 பேர் பாம்பு கடியால் உயிரிழக்கின்றனர். இந்த எண்ணிக்கை அதிகரித்து வருவதால், ஆண்டிவினம் (Antivenom) என்ற மருந்தின் தேவை நாளுக்கு நாள் உயரும் நிலையில் உள்ளது — குறிப்பாக பாம்பு கடிகள் அதிகமாகும் நாடுகளில்.

விஷத்தின் பணி – இயற்கையிலும் மருத்துவத்திலும் முக்கியம்

பாம்புகள் தங்களின் இரையை அடக்கவும், தற்காப்பிற்காகவும் விஷத்தைப் பயன்படுத்துகின்றன. ஆனால் அதே விஷமே மருத்துவ உலகில் முக்கிய கண்டுபிடிப்புகளுக்கும் மருந்து தயாரிப்புகளுக்கும் பயன்படுத்தப்படுகிறது.

லெட்ஸ் டாக் சயின்ஸ்  வெளியிட்ட விளக்கப்படி, பாம்பின் தலையின் பின்புறத்தில் உள்ள சுரப்பிகளில் விஷம் உருவாகி, கடிக்கும் போது பற்களின் வழியாக ஊற்றப்படுகிறது.

விஷம் எவ்வாறு சேகரிக்கப்படுகிறது?

விஷம் எடுக்கும் செயல் மிகவும் நுட்பமானது. பொதுவாக, பயிற்சி பெற்ற நிபுணர்கள் பாம்பை ஒரு கண்ணாடி அல்லது பிளாஸ்டிக் குவியலில் கடிக்கவைத்து, வெளியேறும் விஷத்தை சேகரிக்கிறார்கள். புளோரிடா பல்கலைக்கழகம் கூறுவது போல, பாம்பு இனத்தைப் பொறுத்து விஷத்தின் அளவு 1 மில்லிகிராமிலிருந்து 850 மில்லிகிராம் வரை மாறுபடும்.

விஷத்திலிருந்து ஆண்டிவினம் (Antivenom) எவ்வாறு தயாரிக்கப்படுகிறது?

• சேகரிக்கப்பட்ட விஷம் குதிரைகள் போன்ற விலங்குகளுக்கு சிறிய அளவில் ஊசி மூலம் செலுத்தப்படுகிறது. இதனால் அவற்றின் உடல் பாதுகாப்பு எதிர்ப்புகளை (Antibodies) உருவாக்கும். பின்னர், அந்த எதிர்ப்புகள் விலங்கின் இரத்தத்திலிருந்து எடுக்கப்பட்டு, மனிதர்களுக்கான ஆண்டிவினம் தயாரிக்கப்படுகிறது.
• சுமித்சனின் மகசின்-ன் தகவல்படி, ஒரு டோஸ் ஆண்டிவினத்தின் விலை அமெரிக்க டாலர் $14,000 (சுமார் ₹12 லட்சம்) வரை இருக்கும்!

மருந்து உலகில் பாம்பின் விஷத்தின் அரிய பயன்கள்

பாம்பின் விஷம் வெறும் ஆண்டிவினம் தயாரிக்க மட்டுமல்ல, மருந்து தயாரிப்பிலும் அற்புத பயன்கள் தருகிறது.
உதாரணமாக,

• கிங் கோப்ரா (King Cobra) விஷம் தசை வலி மற்றும் நரம்பு வலிக்கான மருந்துகளில் பயன்படுத்தப்படுகிறது. இதில் புரதச்சத்து (Proteins) அதிகம் உள்ளது. இதன் விலை ஒரு கேலனுக்கு $1,53,000 (சுமார் ₹1.25 கோடி)!
• கோரல் (Coral Snake) மற்றும் பிரவுன் ஸ்நேக் (Brown Snake) விஷங்களும் ஒரு கிராமுக்கு $4,000 (₹3.3 லட்சம்) மதிப்புள்ளவை.
• இவை வைரஸ், பாக்டீரியா எதிர்ப்பு மருந்துகள் மற்றும் ஆண்டிவினம் தயாரிக்கப் பயன்படுகின்றன.

ஏன் பாம்பின் விஷம் தங்கத்தைவிட விலை உயர்ந்தது?

பாம்புகள் பெரும்பாலும் மனிதர்களால் தீய சின்னமாகக் கருதப்பட்டாலும், அவை சூழலியல் சமநிலையை பேணுவதில் அத்தியாவசிய பங்கை வகிக்கின்றன. அவை எலி, பூச்சி போன்ற உயிரினங்களின் எண்ணிக்கையை கட்டுப்படுத்தி, இயற்கை சமநிலையை காக்கின்றன. பாம்பின் விஷம் அரியதும், ஆபத்தானதுமாக இருப்பதால் அதை சேகரிப்பதும், சுத்திகரிப்பதும் கடினமான பணியாகும். மேலும், மருத்துவ உலகில் அதற்கான தேவை தொடர்ந்து அதிகரித்து வருவதால், அதன் சந்தை மதிப்பு தங்கத்தையும் மீறியுள்ளது.

விஷம் கொண்ட பாம்புகள் ஆபத்தானவையாக இருந்தாலும், அவற்றின் விஷம் மனித வாழ்வை காப்பாற்றும் அமுல்யமான இயற்கை பொருள். அதனால், பாம்புகளை அழிப்பதற்குப் பதிலாக அவற்றை பாதுகாப்பதும், விஞ்ஞான அடிப்படையில் பயன்படுத்துவதும் மனிதகுல நலனுக்கே உதவிகரமானது.