கணவன் மனைவிக்குள் சண்டையா? உங்கள் குடும்பத்தினரின் இந்த ஆலோசனைகளை தவிர்ப்பது நல்லது!

Relationship issue Husband and wife problems and solutions Tamil News : அதிக அன்பும் ஆதரவும் நம் குடும்பத்தினரிடம் இருந்துதான் கிடைக்கும். அவர்கள் நம்முடைய குழந்தைப் பருவத்தின் தூண்களாக இருந்து, தொழில், வாழ்க்கை, உறவுகள், முடிவுகள் போன்றவற்றைப் பற்றிய வாழ்க்கையின் எல்லா பாதைகளிலும் நம்மைத் தொடர்ந்து வழிநடத்துகிறார்கள். ஆனால், ஒருவருடைய வாழ்க்கையில் என்றைக்குமே குடும்பம் இடம் பெற முடியாது. இருப்பினும், தங்கள் குடும்பத்தினரிடமிருந்து கோபத்தையும் கடுமையான விமர்சனத்தையும் அனுபவிக்கும் பல நபர்களுக்கு இது ஒரே மாதிரியாக இருக்காது. அத்தகைய நபர்கள் தங்கள் குடும்பங்களுடனான உறவைப் பற்றித் தொடர்ந்து கவலைப்படுகிறார்கள், ஏனெனில் பிந்தையவர்கள் தங்கள் குழந்தைகளின் முன்னேற்றத்தை வளர அனுமதிக்க மாட்டார்கள்.

இந்த தேர்வுகளில் சில உறவுகளும் அடங்கும். சில நேரங்களில், குடும்பங்கள் தங்கள் குழந்தைகளுக்கு உறவுகளை எவ்வாறு பராமரிப்பது அல்லது தங்கள் வாழ்க்கைத் துணையை எவ்வாறு மகிழ்ச்சியாக வைத்திருப்பது என்பது குறித்து மிகவும் மோசமான ஆலோசனைகளை வழங்க முனைகின்றன. பெரும்பாலும், இந்த அறிவுரைகள் பல ஆண்டுகளாகப் பழமைவாத நம்பிக்கைகள் மற்றும் மதிப்புகளின் விளைவு மட்டுமே. இந்தியக் குடும்பங்கள் குறிப்பாக தங்கள் குழந்தைகளின் துணையின் மீது மிகவும் வலுவான கருத்தைக் கொண்டுள்ளனர். குறிப்பாக அது திருமணத்தின் போது அதிகம் வலுப்பெறுகிறது.

குடும்பங்கள் தங்கள் குழந்தைகளுக்கு உறவுகள் மற்றும் திருமணத்தின் அடிப்படையில் கொடுக்க விரும்பும் சில மோசமான ஆலோசனைகளை இங்கே பாருங்கள்..

உங்கள் நிச்சயதார்த்தத்திற்குப் பிறகுதான் எல்லோரிடமும் சொல்லவேண்டும்

நீங்கள் விரைவில் திருமணம் செய்துகொள்ளப் போகிறீர்கள் என்றால், அந்த செய்தியைப் பகிர்ந்து கொள்வதில் நீங்கள் மிகவும் ஆர்வமாக இருக்கலாம். ஆனால், நீங்கள் மோதிரம் மாற்றிக்கொண்ட பிறகுதான் உங்கள் திருமணம் பற்றிய செய்திகளைப் பகிருமாறு உங்கள் குடும்பத்தினர் அறிவுறுத்தினால், அதைக் கேட்காதீர்கள். இது கிண்டல் செய்வது பற்றியது அல்ல, ஆனால் மகிழ்ச்சியான செய்தியைப் பகிர்வது!

நீங்கள் உறவில் சண்டையிடவில்லை என்றால், அது ஆரோக்கியமானதல்ல

உங்கள் உறவு ஆரோக்கியமானதா இல்லையா என்பதை உங்கள் குடும்பத்தினர் தீர்மானிக்க என்றைக்கும் அனுமதிக்காதீர்கள். குறிப்பாக சண்டைகள் வரும்போது. நீங்களும் உங்கள் பார்ட்னரும் உண்மையில் சண்டைபோட்டுக்கொள்ளவில்லை என்றால், நீங்கள் இருவரும் ஒருவருக்கொருவர் நல்ல நிலையில் இருக்கிறீர்கள் என்றுதான் அர்த்தம். உங்கள் உறவு ஆரோக்கியமாக இருக்க நீங்கள் சண்டையிட தேவையில்லை.

உங்கள் உறவில் பிரச்சனைகளை சந்திக்கும் போது மற்றவர்களிடம் சொல்லாதீர்கள்

சில சமயங்களில் நீங்களும் உங்கள் பார்ட்னரும் பிரச்சனைகளைச் சந்திக்க நேரிடலாம். அவை உங்களுக்குள் தீர்க்கப்படாமல் போகலாம். அப்போது நீங்கள் உதவிக்காக மற்றவர்களை அணுக நேரிடலாம். உங்கள் குடும்பத்தினர் வேறுவிதமாக நினைக்க வேண்டாம். உதவி கேட்பது உங்கள் உறவை பலவீனமாக்காது என்பதை நினைவில் கொள்ளுங்கள். என்னதான் இருந்தாலும் இது உங்கள் உறவு. எப்பொழுதும் நன்கு பகுப்பாய்வு செய்து, பின்னர் ஒரு ஆலோசனையின்படி செயல்படவும். இல்லையென்றால் அது உங்கள் உறவை நிரந்தரமாக அழித்துவிடும்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil