அரிசியில் புழு, பூச்சி தொல்லையா? இந்த ஒரு பொருள் போதும்! சூப்பர் கிச்சன் டிப்ஸ் இங்கே

உங்கள் வீட்டு அரிசிப் பானை அல்லது சேமித்து வைத்திருக்கும் அரிசி மூட்டையில் திடீரென சிறு சிறு புழுக்கள் அல்லது வண்டுகள் தென்பட்டால் உங்களுக்கு எரிச்சலாகவும் கவலையாகவும் இருக்கும். இவை அரிசியை மட்டுமல்லாமல், உங்கள் சமையலறையின் சுகாதாரத்தையும் பாதிக்கும். கவலைப்பட வேண்டாம், அரிசியில் புழு மற்றும் வண்டுகள் வராமல் தடுக்க பயனுள்ள வீட்டுக்குறிப்பு இங்கே.

ஒரு டிஷ்யூ பேப்பரை எடுத்து இரண்டாக மடியுங்கள். கட்டியான பெருங்காயத்தை பொடி செய்து ஒரு தேக்கரண்டி அளவு டிஷ்யூவின் நடுவில் வையுங்கள். தூள் பெருங்காயமாக இருந்தால் அதையும் பயன்படுத்தலாம்.

டிஷ்யூவை மூடி, ரப்பர் பேண்ட் போட்டுவிடுங்கள் - திறக்காமல் இருக்க வேண்டும் அல்லவா!

இந்த பெருங்காய பொட்டலத்தை அரிசிப் பானைக்குள் போட்டு வைத்தால் போதும். பெருங்காயத்தின் வாடை வண்டுகளையும் புழுக்களையும் விரட்டிவிடும். இது ஒரு சிறந்த இயற்கை பூச்சி விரட்டி.

உங்களிடம் காலியான பெருங்காய டப்பா இருந்தால், அதையும் அரிசிக்குள் போட்டு வைக்கலாம். குறிப்பாக ரேஷன் அரிசியில் வண்டுகள் சீக்கிரம் வந்துவிடும் என்பதால், இந்த முறை மிகவும் பயனுள்ளதாக இருக்கும். இந்த எளிய முறை மூலம் அரிசி வண்டுகளை கட்டுப்படுத்தலாம்.

ஒருவேளை அரிசியில் வண்டுகள் இருந்தால் நீங்கள் பெருங்காய பொட்டலத்தைப் போட்டு பானையைத் திறந்து வைத்தாலே போதும், அவை அனைத்தும் மேலே வந்துவிடும்.

ஆக, உங்கள் அரிசியில் வண்டுகள் இருந்தாலும் சரி, அல்லது இனிமேல் வரவே கூடாது என்று நினைத்தாலும் சரி, இந்த எளிய முறையைப் பின்பற்றுங்கள். ஒரு சிறிய துணியிலோ அல்லது டிஷ்யூ பேப்பரிலோ பெருங்காயத்தைப் பொட்டலமாகக் கட்டி அரிசிக்குள் போட்டு வையுங்கள். வண்டுகளே வராது! இந்த வீட்டு வைத்தியம் உங்கள் அரிசியை பூச்சிகளிடமிருந்து பாதுகாக்கும்.