முதல் ஃபாரீன் ட்ரீப்... சங்கீதா- அரவிந்த் ஜோடியின் மலேசிய அட்வென்ச்சர்!

சின்னத்திரை நட்சத்திரங்களான சங்கீதா- அரவிந்த் ஜோடி, ரசிகர்கள் மத்தியில் எப்போதும் பிரபலம். இவர்களின் சுவாரசியமான யூடியூப் வீடியோக்கள், பலரைக் கவர்ந்து வருகின்றன. அப்படியொரு பயண அனுபவத்தைத்தான் சமீபத்தில் தனது யூடியூப் சேனலில் சங்கீதா பகிர்ந்துள்ளார்.

முதல் வெளிநாட்டுப் பயணம்:

இது அரவிந்துக்கு முதல் வெளிநாட்டுப் பயணம். அதனால இந்தப் பயணத்தை அவருக்கு இன்னும் சிறப்பானதா மாத்தணும்னு நானும் அவரோட சேர்ந்து கிளம்பிட்டேன். மலேசியாவுல நடக்கிற ஒரு ஈவண்ட்ல அரவிந்த் கலந்துக்க போறாரு. இது ஒன் டே ட்ரீப் தான். 

கோலாலம்பூரில் இருந்து ஜோகூர் பாரு நோக்கி...

இந்தப் பயணத்திற்காக இருவரும் முதலில் சென்னை விமான நிலையத்தில் இருந்து கோலாலம்பூர் வந்தனர். அங்கிருந்து, உள்நாட்டு விமானம் மூலம் ஜோகூர் பாரு நகருக்கு சென்றனர். 

ஜோகூர் பாருவை அடைந்ததும், ஹோட்டலுக்குச் சென்றவுடன் பசியால் தவித்த சங்கீதாவுக்கு, அரவிந்த் உணவு வாங்கிக் கொடுத்து அன்பைப் பொழிந்தார். அதன் பிறகு, அரவிந்த் தனது நிகழ்வில் கலந்துகொள்ளச் செல்ல, சங்கீதா ஹோட்டல் அறையில் தனிமையில் இருந்தார். அப்போது, அவர் தனது பயண அனுபவங்களைப் பகிர்ந்து கொண்டபோது, வெளிநாட்டிற்குச் சென்றவுடன் ஏற்படும் வீட்டு நினைவுகளையும், விரைவாகத் தாயகம் திரும்ப வேண்டும் என்ற ஏக்கத்தையும் வெளிப்படுத்தினார். வெளிநாட்டுப் பயணம் எவ்வளவு மகிழ்ச்சியாக இருந்தாலும், சொந்த மண்ணின் மீதான அன்பு எப்போதும் மனதில் இருக்கும் என்பதை இது உணர்த்துகிறது.

View this post on Instagram

A post shared by Aravinth Seiju (Official) (@aravinth_seiju)

சவால்களுடன் தாயகம் திரும்பிய பயணம்

நிகழ்வு வெற்றிகரமாக முடிந்த பிறகு, சென்னைக்குத் திரும்ப இருவரும் தயாராகினர். அப்போதுதான் ஒரு சுவாரசியமான தகவல் அவர்களுக்குத் தெரியவந்தது. சென்னை விமான நிலையம் போல, மலேசியாவில் உள்ள செனாய் சர்வதேச விமான நிலையம் (Senai International Airport) 24 மணி நேரமும் செயல்படுவதில்லை. இதனால், விமான நிலையம் திறக்கும் வரை காத்திருக்க வேண்டிய நிலை ஏற்பட்டது. 

நீண்ட காத்திருப்புக்குப் பிறகு, அவர்கள் விமானம் ஏறி சென்னை திரும்பினர். பயணத்தின் களைப்புடன் அவர்கள் வீடு திரும்பினர். இப்படி அழகிய தருணங்கள், தம்பதியரின் பரஸ்பர அன்பு, மற்றும் பயணத்தின்போது எதிர்பாராமல் ஏற்படும் அனுபவங்கள் என அரவிந்தின் முதல் சர்வதேசப் பயணம் சங்கீதாவின் துணையால் மேலும் சிறப்பானதாக அமைந்தது.