தினமும் சாரீ கட்டுற பெண்ணா நீங்க? இடுப்ப சுத்தி இருக்கிற அந்த பிரச்னைய புறக்கணிக்காதீங்க- தோல் மருத்துவர் எச்சரிக்கை

தினமும் சேலை அணியும் பெண்களா நீங்கள்? இந்தியப் பெண்களின் பாரம்பரிய உடையான சேலை, அழகும் கம்பீரமும் நிறைந்தது. ஆனால், சேலையுடன் அணியப்படும் இறுக்கமான இன்ஸ்கர்ட் சில சமயங்களில் எதிர்பாராத சருமப் பிரச்சனைகளை ஏற்படுத்தலாம்.

பெரும்பாலான வீடுகளில், இடுப்பில் இன்ஸ்கர்ட்டை இறுக்கமாகக் கட்ட வேண்டும் என்று சொல்லித்தான் பெண்களை வளர்ப்பார்கள். ஆனால், இந்த இறுக்கமான இன்ஸ்கர்ட் அணியும் பழக்கம் ஃப்ரிக்சனல் டெர்மடோசிஸ் (Frictional Dermatosis) என்ற சருமப் பிரச்சனைக்கு வழிவகுக்கும் என்பது உங்களுக்குத் தெரியுமா?

ஃப்ரிக்சனல் டெர்மடோசிஸ் என்றால் என்ன?

ஃப்ரிக்சனல் டெர்மடோசிஸ் என்பது, இடுப்பில் இன்ஸ்கர்ட் தொடர்ந்து உரசப்படுவதாலும், ஒரே இடத்தில் இறுக்கமாகக் கட்டப்படுவதாலும் ஏற்படும் ஒரு சரும அலற்சி  ஆகும். இந்த அலற்சி ஆரம்பத்தில் ஒரு சிறிய புண்ணாகத் தொடங்கி, காலப்போக்கில் இடுப்பு மடிப்பு முழுவதும் பரவி பெரிய புண்ணாக மாறக்கூடும். நெருப்பில் எண்ணெய் ஊற்றுவது போல, புண் ஏற்பட்ட இடத்திலேயே மீண்டும் மீண்டும் இறுக்கமாக இன்ஸ்கர்ட்டை கட்டுவதால், பிரச்சனை மேலும் மோசமடைகிறது.

இதை எப்படி சரிசெய்வது?

இந்தச் சிக்கலைத் தவிர்க்க அல்லது சரிசெய்ய சில வழிகள் உள்ளன:

இன்ஸ்கர்ட் கட்டும் இடத்தை மாற்றுங்கள்: தினமும் ஒரே இடத்தில் இன்ஸ்கர்ட் கட்டாமல், ஒரு நாள் இடுப்புக்கு மேலே, ஒரு நாள் கீழே, ஒரு நாள் நடுவில் என்று மாற்றி மாற்றி கட்டலாம். இது ஒரே இடத்தில் உராய்வு ஏற்படுவதைத் தவிர்க்க உதவும்.

சரியான சிகிச்சை: மிக முக்கியமாக, ஒரு சரும மருத்துவரை  அணுகி ஆலோசனை பெறுங்கள். உங்கள் சரும மருத்துவர் பரிந்துரைக்கும் சரியான கிரீம்களைப் பயன்படுத்தி, இந்த சரும அலற்சியை விரைவில் குணப்படுத்தலாம்.

இந்த ஃப்ரிக்சனல் டெர்மடோசிஸ் பிரச்சனையை அலட்சியப்படுத்தினால், அரிதான சில சந்தர்ப்பங்களில் இது சருமப் புற்றுநோயாக கூட மாறக்கூடும் என்பதை நினைவில் கொள்ளுங்கள்.

ஆகவே, உங்கள் இடுப்பு மடிப்புகளில் புண், எரிச்சல் அல்லது அலற்சி போன்ற அறிகுறிகள் இருந்தால், அதை சாதாரணமாக எடுத்துக் கொள்ளாதீர்கள். உடனடியாக ஒரு சரும மருத்துவரை அணுகி சிகிச்சை பெறுவது மிக அவசியம். உங்கள் உடல்நலனில் அக்கறை கொள்ளுங்கள்!