ஆட்டம் காட்டும் எலிகள்... கொஞ்சுண்டு மிளகாய் விதை போதும்; உங்க வீட்டுப் பக்கமே வராது!

உணவுப்பொருட்கள் அடங்கி, கழிப்பறை மற்றும் சமையலறை சுத்தமாக இல்லாத வீட்டில் எலிகள் நுழைந்து தொல்லை செய்யும் அபாயம் அதிகம். எலிகள் உணவையும் கழிவுகளையும் நச்சுக்கூறுகளாக மாற்றுவதால், நோய் பரவும் அபாயம் ஏற்படும். இதையடுத்து, வீட்டில் எலித் தொல்லையை குறைக்கும் எளிய மற்றும் இயற்கை வழிமுறைகள் பற்றி தோட்டக்கலை மற்றும் சுற்றுச்சூழல் நிபுணர்கள் கூறுகின்றனர்.

1) புதினா எண்ணெய்:
புதினா எண்ணெயில் நனைத்த துணியை எலிகள் நடமாடும் இடங்களில் வைப்பது, வாசனையால் எலிகளை விரட்டும். ஒவ்வொரு இரண்டு நாட்களுக்கு மாற்றி வைப்பது நல்லது.

2) கிராம்பு, பட்டை மற்றும் மிளகு:
இந்த வாசனைகள் எலிகளுக்கு பிடிக்காது. தூள் செய்து நடமாடும் இடங்களில் தூவி விடலாம் அல்லது தண்ணீரில் கலக்கி ஸ்ப்ரே செய்யலாம். பூண்டு அரைத்து ஸ்ப்ரே செய்வதும் பலன் தரும்.

3) பிற வாசனை பொருட்கள்:
பெப்பர்மின்ட் எண்ணெய், யூகலிப்டஸ் போன்ற வலுவான வாசனைகள் எலிகளை விரட்டும். புதினாக்களை சின்ன தொட்டிகளில் வைத்து வளர்ப்பதும் சிறந்த வழி.

4) வெங்காயம்:
வெங்காயத்தை தோலுரித்து எலிகள் நடமாடும் இடங்களில் வைப்பது, வாசனையால் எலிகளை ஓடச் செய்யும். ஆனால் 2–3 நாட்களுக்கு ஒரு முறை மாற்ற வேண்டும்.

5) மிளகாய் விதைகள்:
மூலைகளில் மிளகாய் விதைகளை தூவி வைப்பது, வீட்டிற்குள் எலிகள் நுழைவதை தடுக்கும். தோட்டத்திலும் சிறிது விதைகளை தூவி வைக்கலாம்.

6) எலிப் பொறிகள்:
வீட்டில் எலிகள் இருந்தால், வடை, வேர்க்கடலை, சாக்லேட் அல்லது வெண்ணெய் போன்ற உணவுகளை வைத்துக் கொண்டு பொறிகள் பயன்படுத்தி பிடிக்கலாம்.

7) நுழைவு வழிகளை அடைத்தல்:
சுவர்கள், கதவுகள், ஜன்னல்கள் மற்றும் கழிவுநீர் குழாய்கள் வழியாக எலிகள் நுழைவதை தடுக்கும். ஓட்டைகள் மற்றும் இடைவெளிகளை அடைத்து பாதுகாக்க வேண்டும்.

8) சுத்தமாக பராமரித்தல்:
சமையலறையில் உணவுகள் சிந்தாமலும், உடனே அகற்றப்படுவதாகவும், குப்பைகளை மூடி வைப்பதாகவும் பராமரித்தல், எலிகளை வராமல் தடுக்கும்.

9) அபாயகரமான முறைகள் தவிர்க்கவும்:
எலி விஷம் சிறுவர்கள் மற்றும் பிற விலங்குகளுக்கு ஆபத்தானது. இயற்கை முறைகளை பயன்படுத்துவதே பாதுகாப்பானது.

எலிகள் நோய்களை பரப்பும் அபாயம் காரணமாக, வீட்டில் எலித் தொல்லை அதிகமிருந்தால், தொழில்முறை பூச்சிக்கட்டுப்பாட்டு சேவைகளை அணுகுவது சிறந்த தீர்வு என நிபுணர்கள் அறிவுறுத்துகின்றனர்.