சாப்பிடுவது உங்களுக்கு பிடித்த பொழுது போக்குகளில் ஒன்றாக இருந்தாலும், சமைத்தல், சுத்தம் செய்தல் மற்றும் நிறைய திட்டமிடல் ஆகியவற்றை உள்ளடக்கிய சூடான சமையலறைகளில் நீண்ட நேரம் செலவழிக்க முடியாது.
அதுமட்டுமின்றி, சமையலறை நிர்வாகம் – காய்கறிகளை அழுகாமல் வைத்திருப்பது முதல் உங்கள் ஸ்டாக் அப்டேட் வரை – ஒரு சோதனையாக இருக்கலாம். ஆனால் வருத்தப்பட வேண்டாம், அனைத்து கடின உழைப்பையும் தவிர்க்க சில தந்திரங்கள் உள்ளன. அடுத்த முறை உங்கள் சமையல் திறமையில் நீங்கள் மகிழ்ச்சியடையவில்லை அல்லது உங்கள் சமையலறை பேரழிவுகளை எப்படி மாற்றுவது என்று தெரியவில்லை என்றால், இந்த உதவிக்குறிப்புகளைப் பாருங்கள்.
மூலிகைகளை புதிதாக வைத்திருப்பது எப்படி
ஒரு ஐஸ்-கியூப் ட்ரே அல்லது மஃபின் டின்னைப் பயன்படுத்தி தண்ணீர், ஆலிவ் எண்ணெய் ஊற்றி, புதிதாக நறுக்கிய மூலிகைகளை உறைய வைக்கவும். இதை பிற்கால பயன்பாட்டிற்கு பயன்படுத்தலாம். இந்த வழியில், நீங்கள் விரும்பினால், உங்கள் மூலிகைகளை நீண்ட காலம் சேமிக்க முடியும்.
மஞ்சள் கருவை வெள்ளையிலிருந்து பிரிக்கவும்
உடைந்த முட்டையின் மேல் ஒரு பிளாஸ்டிக் தண்ணீர் பாட்டிலை மெதுவாக அழுத்தி முட்டைகளை பிரிக்கவும். பாட்டில் காற்றை உள்வாங்கும்போது, அது மஞ்சள் கருவை மேலே இழுக்கும்.
பூண்டு கூட சண்டை வேண்டாம்
பூண்டிலிருந்து அனைத்து பற்களையும் அகற்றவும், பின்னர் ஒவ்வொரு பல்லையும் செஃப் பயன்படுத்தும் கத்தியின் பக்கவாட்டால் அடிக்கவும். உடனே தோல் உதிர்ந்து விடும். உங்கள் கைகளை நாள் முழுவதும் பூண்டு வாசனையிலிருந்து காப்பாற்றலாம்.
தக்காளி அழுகுவதை மெதுவாக்குங்கள்
தக்காளி பழுதடைந்து விடாமல் இருக்க, தண்டு முனை கீழே இருக்கும் வகையில் சேமிக்கவும். மற்றொரு தந்திரம் என்னவென்றால், அவை நீண்ட காலம் நீடிக்க, ஃப்ரிட்ஜை விட அறை வெப்பநிலையில் சேமிப்பது.
முட்டை ஓடு அகற்றுவதை இன்னும் எளிதாக்குங்கள்
முட்டைகளை கொதிக்க வைக்கும் போது பேக்கிங் சோடா அல்லது வினிகரை தண்ணீரில் சேர்க்கவும். இது முட்டை ஓடுகளை எளிதாக அகற்ற உதவும். இரண்டு பொருட்களும் முட்டை ஓடுகளில் ஊடுருவி, முட்டையின் வெள்ளைக்கருவை ஓட்டில் இருந்து பிரிக்க உதவும்.
பிறந்தநாள் கேக்கை பல நாட்கள் புதியதாக வைத்திருங்கள்
எஞ்சியிருக்கும் கேக்குகள் வறண்டு போகலாம். கேக்கின் வெளிபகுதிகளில் டூத் பிக் மூலம் ஒரு துண்டு பிரெட் வைப்பதன் மூலம் உங்கள் எஞ்சியிருக்கும் கேக்கை வறண்டு போகாமல் காப்பாற்றுங்கள். பிரெட் ஆனது, கேக்கின் ஈரப்பதத்தை தக்கவைத்துக் கொள்கிறது.
பீலர் இல்லாமல் உருளைக்கிழங்கு தோலுரித்தல்
உருளைக்கிழங்கை உரிப்பது ஒரு பெரிய சவாலாக இருக்கும்! ஆனால் இப்போது நீங்கள் உருளைக்கிழங்கை வேகவைத்து, ஐஸ் பாத் செய்வதன் மூலம் உடனடியாக உரிக்கலாம். சிறிது நேரத்தில் தோல் பிரிந்துவிடும் என்பதால் நீங்கள் அதை எளிதாக எடுக்கலாம்.
பீட்சா மற்றும் பிற பேக்கிங் பொருட்களை டிரை ஆகாமல் சூடுபடுத்த
பீட்சா அல்லது பேக்கிங் பொருட்களை மீண்டும் சூடுபடுத்தும் போது, காற்றில் ஈரப்பதத்தை சேர்க்க ஒரு கப் தண்ணீரை மைக்ரோவேவில் வைக்கவும். இதனால் உணவு டிரை ஆகாமல் இருக்கும்.
கசிவைத் தடுக்க மரக் கரண்டியைப் பயன்படுத்தவும்
பால், தேநீர் அல்லது காபி கொதித்து சிந்தினால் பாத்திரம் அழுக்காகி விடும். ஆனால் இது நடக்காமல் தடுக்க ஒரு வழி இருக்கிறது. உங்கள் பாத்திரத்தின் மேல் ஒரு மர கரண்டியை வைக்கவும். இப்படி செய்வதால், பாத்திரத்தில் இருந்து சிந்தும் உணவுகளை நீங்கள் சமாளிக்க வேண்டிய தேவை இருக்காது.
உங்களுக்கு பிடித்த ஹேக் எது?
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”
