scorecardresearch

சட்டென ரெடியாகும் கலக்கல் கதம்ப சாம்பார்!

Simple Sambar Recipe ஆரோக்கியமான அதே நேரத்தில் சுவையான சாம்பார் இனி இதுபோன்று செய்து பாருங்கள்.

Simple Sambar Recipe Easy Lunch Recipes Tamil
Simple Sambar Recipe Easy Lunch Recipes Tamil

Simple Sambar Recipe Tamil : இருக்கும் காய்கறிகளை வைத்துக்கொண்டு மிகவும் குறைந்த நேரத்தில் ஆரோக்கியமான அதே நேரத்தில் சுவையான சாம்பார் இனி இதுபோன்று செய்து பாருங்கள். நிச்சயம் மீண்டும் மீண்டும் செய்யத் தூண்டும்.

பருப்பு வேகவைக்க :

துவரம் பருப்பு – 2 கப்
மஞ்சள் தூள் – 1 டீஸ்பூன்
உப்பு – தேவைக்கேற்ப

காய்கறிகளும் பிற பொருள்களும் :

நறுக்கிய சுரைக்காய் – 1/2 கப்
கத்தரிக்காய் – 2
நறுக்கிய கேரட் – 1/2 கப்
நறுக்கிய தக்காளி – 1
வெல்லம் – 2 டேபிள்ஸ்பூன்
புளி சாறு – 3 டேபிள்ஸ்பூன்
பெரிய வெங்காயம் – 1
காய்கறிகளை சமைக்க எண்ணெய் – 2-3 டேபிள்ஸ்பூன்
சாம்பார் தூள் – 2 டேபிள்ஸ்பூன்
தண்ணீர் – 2 கப்

தாளிக்க :

கடுகு – 1 டீஸ்பூன்
வெந்தயம் – 3/4 டீஸ்பூன்
உளுத்தம் பருப்பு – 2 டீஸ்பூன்
சீரகம் – 1 டீஸ்பூன்
பெருங்காயத்தூள் – ஒரு சிட்டிகை
கறிவேப்பிலை – ஒரு கைப்பிடி
முழு சிவப்பு மிளகாய் – 4
எண்ணெய் – 2 டேபிள்ஸ்பூன்

செய்முறை :

பருப்பை நன்கு சுத்தம் செய்து, அதனை பிரஷர் குக்கருக்கு மாற்றி, உப்பு மற்றும் மஞ்சள் தூள் சேர்க்கவும்.

2-3 விசில் வரை பருப்பை சமைக்கவும்.

பிரஷர் அடங்கியதும், பருப்பை நன்கு மசித்துக் கொள்ளுங்கள்.

வெதுவெதுப்பான நீரில் புளியை சேர்த்து 15-20 நிமிடங்கள் ஊற வைக்கவும். பிறகு அதனை மசித்து, கரைசலை  எடுத்துக்கொள்ளுங்கள்.

காய்கறிகளைக் கழுவி வெட்டிக்கொள்ளுங்கள்.

ஒரு பாத்திரத்தில் எண்ணெய் சூடாக்கி, கேரட் சேர்த்து 1 நிமிடம் வதக்கவும்.

இப்போது வெங்காயம், கத்தரிக்காய், தக்காளி, சுரைக்காய் ஆகியவற்றையும் சேர்த்து வதக்கவும்.

பிறகு இந்தக் காய்கறிகளை மூடி 2-3 நிமிடங்கள் அல்லது காய்கறிகள் மென்மையாகும் வரை சமைக்கவும்.

இதனோடு, வெல்லம், சாம்பார் தூள் சேர்த்து நன்கு கலக்கவும்.

சிறிது நேரத்தில் சமைத்த பருப்பு மற்றும் புளி கரைசலைக் காய்கறிகளோடு சேர்க்கவும்.

இதனை நடுத்தர-குறைந்த தீயில் 4-5 நிமிடங்கள் மூடி சமைக்கவும்.

தாளிக்க :

ஒரு கடாயில் எண்ணெய் சூடாக்கி, தாளிப்புக்கான பொருள்களை ஒவ்வொன்றாகச் சேர்க்கவும்.

வெடிப்பு அடங்கியதும் இதனைக் கொதிக்கும் பருப்பில் சேர்க்கவும்.

இதனைக் கலந்து, மற்றொரு 5-10 நிமிடங்கள் சமைக்கவும்.

சூடான சாதம், இட்லி ஆகியவற்றுடன் பரிமாறலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Lifestyle news download Indian Express Tamil App.

Web Title: Simple sambar recipe easy lunch recipes tamil