ஸ்மார்ட் டிவி அடிக்கடி ரிப்பேர் ஆகுதா? இந்த வழக்கமான தவறுகளை மட்டும் செய்யாதீங்க!

இன்றைய டிஜிட்டல் காலத்தில், ஸ்மார்ட் தொலைக்காட்சி என்பது வெறும் பொழுதுபோக்கு சாதனம் அல்ல; அது நம் வீட்டின் அங்கமாகவும், சமூக அந்தஸ்தின் அடையாளமாகவும் மாறிவிட்டது. ஆயிரக்கணக்கில், சில நேரங்களில் லட்சக்கணக்கில் செலவு செய்து வாங்கும் இந்த மதிப்புமிக்க சாதனத்தை நாம் அறிவில்லாமல் செய்யும் சில தவறுகள் காரணமாக பாழாக்கிக் கொள்கிறோம்.

ஒரு சிறிய தவறே, பெரிய பழுதுகளுக்கு வழிவகுக்கக்கூடும். உங்கள் ஸ்மார்ட் டிவியை நீண்ட காலம் பழுதில்லாமல் பராமரிக்க வேண்டிய சில எளிய வழிமுறைகள் இங்கே.

1. வெப்ப எச்சரிக்கை

ஸ்மார்ட் டிவியின் முதல் எதிரி வெப்பமே. டிவி-வை நேரடி சூரிய ஒளி விழும் இடங்களில் அல்லது ஜன்னல் ஓரத்தில் வைக்காமல் இருக்க வேண்டும். அதிக வெப்பம் டிவியின் மென்மையான டிஸ்ப்ளே பேனலுக்கு சேதத்தை ஏற்படுத்தி, திரையில் வண்ணக் குறைபாடுகளை ஏற்படுத்தும். மேலும், உள் பாகங்களும் வெப்பத்தால் சேதமடையும்.

2. மின்சார ஏற்றத்தாழ்வு

மின்சாரத்தில் திடீர் ஏற்றம் அல்லது தாழ்வுகள் உங்கள் டிவி-யின் மதர்போர்டு போன்ற முக்கிய பாகங்களை பாதிக்கும். இதனை தவிர்க்க, வீட்டில் மின்சார ஏற்றத்தாழ்வு பிரச்சனை இருந்தால், ஒரு நம்பகமான ஸ்டெபிலைசரை உடனடியாக பொருத்திக்கொள்ள வேண்டும். இது மின்சாரத்தை நிலையான அளவில் வழங்கி, டிவி-யின் பாதுகாப்பாக செயல்பட உதவும்.

3. சுத்தம் செய்வதில் கவனம்

மிகவும் மென்மையான திரை கொண்ட ஸ்மார்ட் டிவியை சுத்தம் செய்யும்போது, ஈரமான துணிகளைப் பயன்படுத்த கூடாது. கிளீனிங் ஸ்ப்ரேக்களை நேரடியாக திரையின் மேல் விடுவது தவிர்க்கப்பட வேண்டும். திரை விளிம்புகள் வழியாக திரவம் உள்ளே சென்று சர்க்யூட் பிளேட்டுகளை சேதப்படுத்தும். முதலில் டிவி-யை அணைத்து, மைக்ரோஃபைபர் துணியால் மெதுவாக தூசி நீக்கவும். தேவையாயின், சுத்தம் செய்யப்படும் திரவத்தை துணியில் லேசாக தெளித்து மெல்லத் துடைக்கவும்.

4. சரியான காற்றோட்டம்

ஸ்மார்ட் டிவி என்பது ஒரு சிறிய கணினி போல் செயல்படுகிறது. நீண்ட நேரம் இயங்கும் போது, அதன் புராசஸர் வெப்பத்தை வெளியிடும். வெப்பம் வெளியேறவில்லை என்றால், செயல்திறன் குறையும் மற்றும் ஆயுள் குறையும். ஆகவே, டிவியை சுவரில் பொருத்தினால், சுவருக்கும் டிவி-க்கும் இடையில் குறைந்தபட்சம் நான்கு அங்குல இடைவெளி வைக்க வேண்டும். மேலும், பின்புற உள்ள காற்றோட்ட துவாரங்களை மறைக்காமல் இருக்க வேண்டும்.

5. நீண்டகால முதலீட்டின் பாதுகாப்பு

ஸ்மார்ட் டிவி என்பது ஒரு நீண்டகால முதலீடு. அதற்குரிய பராமரிப்பு மற்றும் பாதுகாப்பை வழங்குவதே நம் கடமை. சரியான இடத்தில் வைப்பதும், மின்சார பாதுகாப்பையும், சரியான சுத்தம் மற்றும் காற்றோட்டத்தை உறுதி செய்வதும் டிவி-யை பல ஆண்டுகள் செயல்பட வைக்கும்.

இந்த எளிய பராமரிப்பு வழிமுறைகளை பின்பற்றுவதன் மூலம், உங்கள் ஸ்மார்ட் டிவி எந்தவிதமான பெரிய சேதங்களையும் தவிர்த்து, உங்கள் குடும்பத்திற்கு நீண்ட கால மகிழ்ச்சியையும் தரும்.

உங்கள் ஸ்மார்ட் டிவியைப் பாதுகாத்து, அதில் உள்ள மகிழ்ச்சியை நீண்ட நாட்களுக்கு அனுபவியுங்கள்!