அழுக்குப் படிந்த ப்ளூடூத் இயர்பட்ஸ்... சும்மா புதுசு மாதிரி மாத்த ஈஸி டிப்ஸ்!

நாம் தினசரி பயன்படுத்தும் ப்ளூடூத் இயர்பட்ஸ் என்பது இசை கேட்பதற்கும், அழைப்புகளில் பேசுவதற்கும், ஆடியோபுக்குகள் கேட்பதற்குமான ஒரு அவசியமான சாதனமாக மாறியிருக்கிறது. இவை இல்லாமல் ஒரு நாளும் நகர முடியாத நிலைக்கு பலர் வந்துள்ளார்கள். ஆனால், இந்த சிறிய சாதனம் வெளியில் சுத்தமாகத் தெரிந்தாலும், அதன் உள் பகுதி வியர்வை, தூசி, காது மெழுகை மற்றும் கிருமிகளால் மிகவும் அழுக்கடையும். இது வெறும் ஆடியோ தரத்தையே குறைக்கும் என்பதிலேயே முடிவல்ல, உங்கள் காது ஆரோக்கியத்திற்கே நேரடி பாதிப்பை ஏற்படுத்தும். அதனால், உங்கள் விலை உயர்ந்த இயர்பட்ஸை எப்போதும் சுத்தமாகவும், பாதுகாப்பாகவும் பராமரிக்க வேண்டும் என்பது மிகவும் முக்கியம்.

இயர்பட்ஸை தினசரி பயன்படுத்துவோரான நீங்கள், வாரத்திற்கு ஒரு முறை சுத்தம் செய்வது அவசியமாகும். குறிப்பாக, ஜிம்மிற்குப் பிறகு அல்லது வியர்வை அடைந்த பிறகு உடனடியாக துடைத்துவைத்தல், அதன் ஆயுளையும் செயல்திறனையும் பாதுகாக்கும்.

வெதுவெதுப்பான நீர்

சுத்தம் செய்யும் முறையில் முதலில், சிலிக்கான் டிப்ஸ்களை மெதுவாக அகற்றி, லேசான சோப்புத்திரவம் மற்றும் வெதுவெதுப்பான நீரில் 30 நிமிடங்கள் ஊறவைத்து, பின்னர் சுத்தமான நீரில் கழுவி, காற்றில் நன்றாக உலர வைக்க வேண்டும். இவை முழுமையாக காய்ந்த பின்னரே மீண்டும் பயன்படுத்த வேண்டும். இயர்பட்ஸின் வெளிப்புறத்தை மென்மையான பஞ்சு இல்லாத துணியால் அல்லது ஆல்கஹால் வைப்ஸ் கொண்டு லேசாகத் துடைத்தால், கிருமிகள் நீங்கும். அதிக நீர் அல்லது ஈரப்பதத்தை தவிர்ப்பது அவசியம்.

சார்ஜிங் கேஸ்

இயர்பட்ஸுக்கு இணையாகவே அதன் சார்ஜிங் கேஸும் முக்கியமானது. அது போதும் அழுக்கடையக்கூடிய பகுதி. கேஸின் வெளிப்புறத்தை ஆல்கஹால் கலந்த துணியால் துடைத்து, அதன் உள் சார்ஜிங் ஸ்லாட்களில் தூசி இருப்பதை உலர்ந்த காட்டன் ஸ்வாப் அல்லது மென்மையான பிரஷ் மூலம் எடுத்து சுத்தம் செய்ய வேண்டும். எந்தவொரு திரவமும் போர்ட்டுகளுக்குள் செல்லாமல் பார்த்துக்கொள்ள வேண்டும். மேலும், இயர்பட்ஸை சுத்தம் செய்த பிறகு அதன் அனைத்துப் பகுதிகளும் நன்கு உலர்ந்துவிட்டதா என்பதை உறுதிப்படுத்திக் கொள்ள வேண்டும், ஏனெனில் ஈரமாகவே கேஸில் வைக்கப்படின் அது ஷார்ட் சர்க்யூட்டுக்கு வழிவகுத்து இயந்திரத்தை பழுதாக்கும்.

தினமும் பயன்படுத்திய பிறகு, உங்கள் கைகளை அல்லது டி-ஷர்ட்டை வைத்து இயர்பட்ஸை லேசாகத் துடைத்துவைக்கும் பழக்கத்தை ஏற்படுத்திக்கொள்வது நல்லது. அவற்றை பயன்பாட்டில் இல்லாத நேரங்களில் அவற்றின் கேஸில் பாதுகாப்பாக வைப்பது, தூசி மற்றும் அழுக்குகளின் சேமிப்பை தடுக்க உதவும். இந்த வகையில் சீராக பராமரிப்பு செய்யப்பட்டால், உங்கள் இயர்பட்ஸ் நீண்டகாலம் சிறப்பாக செயல்படும், அதன் ஆடியோ தரமும் குறையாது.

மேலும் முக்கியமாக, காது வழியாக கிருமிகள் நுழைவதைத் தடுக்கும். எனவே, உங்கள் விருப்பமான பாடல்களை சுத்தமாகவும் பளிச்சென்ற இயர்பட்ஸுடன் கேட்டுவிட்டு மகிழ, இத்தகைய பராமரிப்புத் திட்டங்களை பின்பற்றுங்கள். இந்த முக்கியமான தகவல்களை உங்கள் நண்பர்களுடனும் பகிர்ந்து, அவர்களது காது ஆரோக்கியத்தையும், சாதனங்களின் ஆயுளையும் பாதுகாக்க உதவுங்கள்.