துணியில் சாயம் போக சுடு தண்ணீர்; மஞ்சள் கறை நீங்க ஹார்பிக்: சிம்பிள் டிப்ஸ்

வாஷிங் மிஷினில் துணி துவைக்கும் போது சில நேரங்களில் வெள்ளைத் துணியுடன் மற்ற துணியின் சாயம் ஒட்டிக் கொள்ளும் அவற்றை எப்படி போக்குவது என இப்பதிவில் பார்க்கலாம்.

ஒரு பெரிய பாத்திரத்தை எடுத்து, அது முழுவதும் தண்ணீர் நிரப்பிக் கொள்ள வேண்டும். இப்போது, சாயம் பட்ட துணியை அந்த பாத்திரத்திற்குள் போட வேண்டும். இந்த பாத்திரத்தை அடுப்பில் வைத்து நன்றாக கொதிக்க விட வேண்டும். சுமார் 2 முதல் 5 நிமிடங்கள் வரை இப்படி கொதிக்க வைக்க வேண்டும்.

இப்போது, அந்த துணியை மட்டும் எடுத்து சாதாரண குளிர்ந்த நீரில் போட வேண்டும். இதை நன்றாக பிழிந்து எடுத்து வெயிலில் காய வைக்க வேண்டும். இப்படி 3 அல்லது 4 முறை செய்தால், துணியில் இருக்கும் சாயம் நீங்கி விடும்.

இதேபோல், வெள்ளைத் துணிகளில் சில சமயங்களில் மஞ்சள் கறை ஏற்பட்டு விடும். இதனை எளிமையாக போக்கி விடலாம். மஞ்சள் கறையின் மீது சிறிதளவு ஹார்பிக் ஊற்றிக் கொள்ள வேண்டும். இப்போது ஒரு பிரஷ் எடுத்து, கறையின் மீது ஊற்றி இருக்கும் ஹார்பிக்கை நன்றாக தேய்க்க வேண்டும். இப்படி தேய்த்த பின்னர், தண்ணீரில் கழுவி எடுத்தால் மஞ்சள் கறை இருந்த தடம் தெரியாமல் போய்விடும்.