கொலாஜன் உற்பத்தி அதிகரிக்க வல்லாரை இப்படி யூஸ் பண்ணுங்க: அழகுக்கலை நிபுணர்

பல ஆண்டுகளாக வல்லாரை, கொரிய அழகு பராமரிப்பில் இன்றியமையாததாக உள்ளது. இது சென்சிட்டிவ் சருமத்திற்கான சிறந்த தோல் பராமரிப்பு பொருட்களில் ஒன்றாக தன்னை நிலைநிறுத்திக் கொண்டுள்ளது.

Centella Asiatica எனும் அறிவியல் பெயர் கொண்ட வல்லாரை, ஆசியாவில் காணப்படும் ஒரு தாவரவியல் மூலிகை ஆகும், இது காயம் குணப்படுத்தும் பண்புகளுக்கு இயற்கையான சீன மருந்தாகப் பயன்படுத்தப்படுகிறது.

சீரம், மாய்ஸ்சரைசர் மற்றும் ஓவர்நைட் ஃபேஸ் மாஸ்க் போன்ற வல்லாரை கொண்ட தயாரிப்புகள் அதன் அதிகபட்ச நன்மைகளைப் பெற மிகவும் பயனுள்ள அணுகுமுறையாகும், என்று அழகுக்கலை நிபுணர் நமிதா பண்டரிபாண்டே கூறினார்.

அமினோ அமிலங்கள், ஆக்ஸிஜனேற்றிகள் மற்றும் வைட்டமின்கள் ஏ, பி மற்றும் சி ஆகியவற்றில் ஏராளமாக உள்ள வல்லாரை, எரிச்சலூட்டும் சருமத்தை அமைதிப்படுத்தவும் குணப்படுத்தவும் செய்கிறது.

நிபுணரின் கூற்றுப்படி, வல்லாரையின் மற்ற தோல் நன்மைகள் இங்கே:

ஆன்டி ஏஜிங்                                                                                

ஆன்டிஆக்ஸிடன்ட்கள் நிறைந்த வல்லாரை, சுற்றுச்சூழலில் காணப்படும் ஃப்ரீ ரேடிக்கல்ஸை நடுநிலையாக்க உதவுகிறது. இந்த ஃப்ரீ ரேடிக்கல்ஸ், சருமத்தின் தடையை சேதப்படுத்துவதன் மூலம் சருமத்தை மந்தமாக்கி, மெல்லிய கோடுகள் மற்றும் சுருக்கங்கள் போன்ற வயதான அறிகுறிகளுக்கு வழிவகுக்கும். ரத்த ஓட்டத்தை மேம்படுத்தும் மற்றும் கொலாஜன் உற்பத்தியை அதிகரிக்கும் திறனுடன், இளமை மற்றும் உறுதியான சருமத்தை இது உருவாக்குகிறது.

இதில் asiaticosides உள்ளன, இது தோல் சிவத்தல், வீக்கம் மற்றும் அரிப்பு ஆகியவற்றைத் தணிக்க உதவுகிறது, இது உணர்திறன் மற்றும் மிகவும் வறண்ட சரும வகைகளுக்கு ஏற்றது.

அமினோ அமிலங்கள், கொழுப்பு அமிலங்கள் மற்றும் பீட்டா கரோட்டின் ஆகியவற்றால் இது நிரம்பியுள்ளது, இவை அனைத்தும் சருமத்தை மாய்ஸ்சரைஸ் செய்கின்றன. வல்லாரை, எண்ணெய் மற்றும் நீர் அளவை மீட்டெடுப்பதன் மூலம் சருமத்தை ஹைட்ரேட் செய்ய உதவுகிறது.

குணப்படுத்தும் பண்புகள்

தடிப்புத் தோல் அழற்சி, அரிக்கும் தோலழற்சி, வெரிகோஸ் வெயின்ஸ் மற்றும் ஸ்ட்ரெட்ச் மார்க்ஸ் போன்ற பல்வேறு தோல் நிலைகளில் வல்லாரை உதவும்.

தோலின் ஆக்ஸிஜனேற்ற செயல்பாட்டை அதிகரிக்கும் மேட்காசோசைடு (madecassoside) என்ற கலவை உள்ளதால், காயங்கள் மற்றும் தழும்புகள் குணமடைய அனுமதிக்கிறது.

நிறமிழந்த சருமத்தால் பாதிக்கப்பட்டவர்கள், முகப்பரு மற்றும் கரும்புள்ளிகளுக்கு சிகிச்சையளிக்கவும், நீங்கவும் இதைப் பயன்படுத்தலாம்.

எனினும், நீங்கள் வல்லாரை அல்லது அதன் உட்கூறுகளில் ஏதேனும் ஒன்றை தோல் பராமரிப்புக்காக பயன்படுத்த திட்டமிட்டால், சில விஷயங்களை மனதில் கொள்ள வேண்டும் என்று பண்டரிபாண்டே கூறினார்.

வல்லாரை சிலருக்கு தோல் எரிச்சலை ஏற்படுத்தும் என்பதை நினைவில் கொள்ளவும், எனவே அதை உங்கள் முகத்தில் தடவுவதற்கு முன் தோலின் ஒரு சிறிய பகுதியில் அதை பேட்ச் டெஸ்ட் செய்யவும். வல்லாரை சீரம், கிரீம் ஃபேச் மாஸ்க் போன்ற தோல் பராமரிப்பு பொருட்களில் பொதுவாகக் காணப்படுகிறது.

சப்ளிமெண்ட்ஸ் போன்ற உட்கொள்ளக்கூடிய பொருட்களில் இதைப் பயன்படுத்தக்கூடாது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“