தோல் என்பது உடலின் மிகப்பெரிய உறுப்பு, இது தீங்கு விளைவிக்கும் கூறுகள், நுண்ணுயிரிகளிமிருந்து நம்மை பாதுகாக்க உதவுகிறது மற்றும் உடல் வெப்பநிலையை ஒழுங்குபடுத்துகிறது. அதனால்தான் சருமத்தை ஆரோக்கியமாக வைத்திருப்பது மற்றும் அதன் நோய் எதிர்ப்பு சக்தியை பராமரிப்பது மிகவும் முக்கியமானது.
அந்தவகையில் புரதச்சத்து நிறைந்த முட்டை உறுதியான சருமத்திற்கு உதவும் ஒரு சிறந்த வழியாகும். மேலும் ஸ்கின் டைட்னிங் நன்மைகளை அளிக்கும்.
வீட்டில் நீங்களே செய்யக்கூடிய எக் ஃபேஸ் மாஸ்க் ரெசிபி இங்கே உள்ளது.
தேவையான பொருட்கள்
1 முட்டையின் வெள்ளைக்கரு
1 டீஸ்பூன் எலுமிச்சை சாறு (விரும்பினால், எண்ணெய் பசை சருமத்திற்கு)
1 டீஸ்பூன் தேன் (விரும்பினால், கூடுதல் ஈரப்பதத்திற்கு)
எப்படி செய்வது?
![Face mask](https://img-cdn.thepublive.com/filters:format(webp)/indian-express-tamil/media/media_files/8Ob7fLLGcb6IAJv9gb2X.jpg)
முட்டையை உடைத்து, மஞ்சள் கருவிலிருந்து முட்டையின் வெள்ளைக்கருவை கவனமாகப் பிரிக்கவும். ஒரு சிறிய கிண்ணத்தில் முட்டையின் வெள்ளைக்கருவை வைக்கவும்.
உங்களுக்கு எண்ணெய் பசை சருமம் இருந்தால், முட்டையின் வெள்ளைக்கருவுடன் 1 டீஸ்பூன் எலுமிச்சை சாறு சேர்க்கவும். எலுமிச்சை சாறு அதிகப்படியான எண்ணெயைக் கட்டுப்படுத்த உதவுகிறது மற்றும் அஸ்ட்ரிஜென்ட் பண்புகளைக் கொண்டுள்ளது.
உங்களுக்கு வறண்ட சருமம் இருந்தால் அல்லது அதிக மாய்ஸ்சரைஸ் தேவை என்றால், முட்டையின் வெள்ளைக்கருவுடன் 1 டீஸ்பூன் தேன் சேர்க்கவும். தேன் சருமத்தை ஈரப்பதமாக்க உதவுகிறது.
விஸ்க் அல்லது ஃபோர்க் பயன்படுத்தி இதை நன்கு கலக்கவும்.
மாஸ்க் பயன்படுத்துவதற்கு முன் உங்கள் முகம் சுத்தமாகவும், மேக்கப் இல்லாமல் இருப்பதையும் உறுதிப்படுத்திக் கொள்ளுங்கள். உங்கள் முகத்தை ஒரு மென்மையான க்ளென்சர் மூலம் கழுவி ஒரு துண்டு கொண்டு உலர வைக்கவும்.
இப்போது உங்கள் முகத்தில் இந்த மாஸ்க் தடவுங்கள். இது உலர்ந்த பிறகு இறுக்கமடையலாம் மற்றும் உணர்திறன் வாய்ந்த பகுதிகளுக்கு, அசௌகரியத்தை ஏற்படுத்தலாம் என்பதால் கண் மற்றும் வாய் பகுதிகளைத் தவிர்க்கவும்.
15-20 நிமிடங்கள் அப்படியே வைக்கவும், மாஸ்க் காய்ந்தவுடன் இறுகுவதை உணர்வீர்கள்.
முற்றிலும் உலர்ந்ததும், அதை வெதுவெதுப்பான நீரில் மெதுவாக கழுவவும். உங்கள் தோலை மிகவும் கடுமையாக தேய்ப்பதை தவிர்க்கவும்.
கழுவிய பிறகு, உங்கள் முகத்தை உலர்த்தி, உங்களுக்குப் பிடித்த மாய்ஸ்சரைசரைப் பயன்படுத்துங்கள், இதனால் உங்கள் சருமம் நீரேற்றமாக இருக்கும்.
குறிப்பு
சிறந்த முடிவுகளுக்கு வாரத்திற்கு ஒரு முறை அல்லது இரண்டு முறை இதை செய்யவும். மாஸ்க் உங்கள் முழு முகத்திலும் பயன்படுத்துவதற்கு முன்பு பேட்ச் டெஸ்ட் செய்து, உங்களுக்கு ஒவ்வாமை இல்லை என்பதை உறுதிப்படுத்தவும்.
இந்த DIY முட்டை மாஸ்க் உங்கள் சருமத்தை உறுதியாகவும் இறுக்கவும் உதவுகிறது, இளமை தோற்றத்தை பராமரிக்க இயற்கையான மற்றும் செலவு குறைந்த வழியை வழங்குகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“