ஹைட்ரேஷன் பளபளப்புக்கு கொஞ்சம் கற்றாழை, குங்குமப்பூ போதும்: வீட்டுலயே ஃபேஸ் கிரீம் இப்படி ரெடி பண்ணுங்க

சருமத்தை ஹைட்ரேட் செய்வதற்கும், ஈரப்பதமூட்டுவதற்கும் ஒரு நல்ல ஃபேஸ் கிரீம் இன்றியமையாதது. உங்கள் சருமப் பராமரிப்பு வழக்கம் இந்த மாயிஸ்சரைசிங் கிரீம் இல்லாமல் முழுமையடையாது. இயற்கையான பொலிவைப் பெற உதவும் கற்றாழை மற்றும் குங்குமப்பூ ஃபேஸ் கிரீம் எப்படி செய்வது என்று இங்கே பார்க்கலாம்!

இருப்பினும், சருமப் பராமரிப்பு என்பது வெறும் கிரீம்களைப் பயன்படுத்துவது மட்டுமல்ல என்பதை நினைவில் கொள்ளுங்கள். போதுமான தூக்கம், சத்தான உணவு மற்றும் உடற்பயிற்சி போன்ற ஆரோக்கியமான வாழ்க்கை முறை பழக்கங்களும் இதில் அடங்கும்.

கற்றாழை - குங்குமப்பூ கிரீம் செய்முறை:

புதிய, சுத்தமான குங்குமப்பூ இழைகளை சிறிது வெதுவெதுப்பான நீரில் சேர்க்கவும். அந்த நீர் குங்குமப்பூவின் நிறத்தை முழுமையாக உறிஞ்சும் வரை ஆற விடவும்.

ஒரு சுத்தமான கிண்ணத்தில், 2 டேபிள்ஸ்பூன் கற்றாழை ஜெல்லை எடுக்கவும்.

அதனுடன் 1 டேபிள்ஸ்பூன் பாதாம் எண்ணெய் சேர்க்கவும்.

2 வைட்டமின் ஈ காப்ஸ்யூல்களை உடைத்து, அதன் எண்ணெயை கிண்ணத்தில் சேர்த்து மென்மையான மற்றும் கிரீமி கன்சிஸ்டன்ஸி அடையும் வரை கலக்கவும்.

இதை ஓரு ஏர் டைட் கன்டெய்னரில்  சேமித்து பயன்படுத்தலாம். 

எப்படி பயன்படுத்துவது மற்றும் நன்மைகள்:

இயற்கையான, பளபளப்பான சருமத்தைப் பெற இந்த கிரீமை இரவில் தூங்கும் முன் முகத்தில் தடவவும்.

இரவு முழுவதும் சருமத்தில் ஊடுருவி, சுருக்கங்கள் மற்றும் கரும்புள்ளிகளின் தோற்றத்தைக் குறைக்கிறது.

View this post on Instagram

A post shared by Maan's Kitchen (@kitchen_maan)

சருமத்தின் வயதான அறிகுறிகளை எதிர்த்துப் போராட உதவுகிறது. இந்த கிரீமை உங்கள் ஃபிரிட்ஜில் வைத்து 2 வாரங்கள் வரை பயன்படுத்தலாம்.

முக்கிய குறிப்பு:

சருமப் பராமரிப்பு என்பது பொறுமை தேவைப்படும் ஒரு செயல்முறை என்பதை நினைவில் கொள்ளுங்கள். உடனடி முடிவுகள் கிடைக்காவிட்டாலும் தொடர்ந்து முயற்சி செய்யுங்கள். உங்களுக்கு குறிப்பிட்ட தோல் பிரச்சனைகள் இருந்தால், ஒரு தோல் மருத்துவரை அணுகி ஆலோசனை பெறுவது நல்லது.