துருக்கி அன்டலியாவில் இரவு முழுவதும் ஏசி ஆன் செய்துவிட்டு தூங்கியதால், லியோனா ஃபோஸ்டர் என்ற 24 வயது பெண்ணுக்கு உடல் நலக்குறைவு ஏற்பட்டது. மேலும் அவரது டான்சில்ஸில் வெள்ளை புள்ளிகள் இருப்பதை கவனித்ததாக நியூயார்க் போஸ்ட் தெரிவித்துள்ளது.
இரவு முழுவதும் ஏசி ஆன் செய்துவிட்டு தூங்குவது உங்கள் உடலில் பல விளைவுகளை ஏற்படுத்தும் என்கிறார் டாக்டர் மனிஷா அரோரா. (Internal Medicine at the CK Birla Hospital, Delhi)
இது ஈரப்பதம் குறைவதால் வறண்ட கண்கள் மற்றும் நீரிழப்புக்கு வழிவகுக்கிறது. ஏசியால் உருவாகும் குளிர்ந்த காற்று சருமத்தில் உள்ள ஈரப்பதத்தை நீக்கி, வறட்சியை ஏற்படுத்தும். குறைந்த ஈரப்பதம் மற்றும் சுற்றும் காற்று காரணமாக சுவாச பிரச்சனைகள் அதிகரிக்கும் அபாயமும் உள்ளது, என்று அவர் ஒரு உரையாடலில் கூறினார்.
கூடுதலாக, ஏசி சுற்றுச்சூழலுக்கு தீங்கு விளைவிக்கும் ஹைட்ரோஃப்ளூரோகார்பன்கள் மாசுபாடுகளை வெளியிடுகின்றன. அவை அதிக ஆற்றலைப் பயன்படுத்துகின்றன, இதனால் காலநிலைக்கு கூடுதல் சுமை ஏற்படுகிறது.
நோயாளிகளுக்கு இது மோசமானதா?
ஆஸ்துமா, சிஓபிடி மற்றும் மூச்சுக்குழாய் அழற்சி போன்ற சுவாச பிரச்சனைகளையும் இது அதிகரிக்கச் செய்யும். ஃபைப்ரோமியால்ஜியா மற்றும் கீல்வாதம் உள்ள நோயாளிகளில், இது தசை விறைப்பு மற்றும் மூட்டு வலிகளை ஏற்படுத்தும்.
/indian-express-tamil/media/media_files/JbdgkwvmWKV6nfToiymu.jpg)
கூடுதலாக, தொடர்ந்து சுத்தம் செய்யாவிட்டால், சென்சிட்டிவ் உள்ள நபர்களுக்கு ஏசி ஒவ்வாமையை அதிகப்படுத்தலாம். ஒரு சராசரி நபருக்கு, தொற்றுநோய்கள் மற்றும் ஒவ்வாமைகளின் ஆபத்து அதிகமாக இருக்கலாம். எழுந்தவுடன், ஒருவர் விறைப்பு, தலைவலி, குமட்டல் மற்றும் சோர்வை அனுபவிக்கலாம். இவை ஏர் கண்டிஷனிங்கிற்கு நீண்ட நேரம் வெளிப்படுவதால் ஏற்படும் பொதுவான பிரச்சனைகள்.
இது சில நேரங்களில் இருதய பிரச்சனைகளை, குறிப்பாக வயதானவர்கள் அல்லது சிறு குழந்தைகளில் துரிதப்படுத்தலாம், என்று டாக்டர் அரோரா விளக்கினார்.
ஏசி அறையில் நீங்கள் எவ்வளவு நேரம் இருக்கலாம்?
ஏசி அறையில் குறைந்த நேரம் செலவழிக்க பரிந்துரைக்கப்படுகிறது. டெம்பரேட்சர் மிக அதிகமாக இருக்கக்கூடாது , என்று டாக்டர் அரோரா கூறினார்.
சுற்றுச்சூழலின் தாக்கத்தையும் நாம் கருத்தில் கொள்ள வேண்டும், ஏனெனில் அதிகரித்த ஏசி பயன்பாடு அதிக மின்சார நுகர்வுக்கு வழிவகுக்கிறது, இது அதிக பசுமை இல்ல வாயுக்களை வெளியிடுகிறது, கிரகத்தை வெப்பமாக்குகிறது மற்றும் காலநிலை மாற்றத்தை அதிகரிக்கிறது.
இந்த விளைவுகளை குறைக்க, வழக்கமான இடைவெளிகளை எடுத்து இயற்கை காற்று மற்றும் வெப்பநிலைக்கு உங்களை வெளிப்படுத்துவது நல்லது.
ஏசி அறையில் 2 முதல் 3 மணி நேரம் செலவழித்தால் போதுமானது. இரவில், 2 முதல் 3 மணி நேரம் கழித்து தானாகவே ஏசி அணைக்கப்படும்.
22 முதல் 26 டிகிரி செல்சியஸ் போன்ற வசதியான வரம்பில் டெம்பரேட்சர் பராமரித்தல் மற்றும் ஹுயுமிடிட்டி அளவை 40 முதல் 60% வரை வைத்திருப்பது சிறந்தது. ஏசிகளில் HEPA ஃபில்டர்களைப் பயன்படுத்துவது தூசி மற்றும் ஒவ்வாமைகளைக் குறைக்க உதவும்.
Read in English: Woman falls sick after sleeping with AC on overnight: Know what happens to the body when you do that every day
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/xDunsLP5WDABegvxIMCN.jpg)