மணம் வீசும் மரிக்கொழுந்து… பொடுகு தொல்லை நீங்க இப்படி யூஸ் பண்ணுங்க; டாக்டர் நித்யா

பொடுகு வருவதை தவிர்க்க என்ன செய்ய வேண்டும்?

ஒருவர் பயன்படுத்திய சீப்பு தலையாணை, துண்டு போன்றவற்றை அடுத்தவர் பயன்படுத்தக்கூடாது. தலையை எப்பொழுதும் சுத்தமாக வைத்திருக்க வேண்டும். வாரம் 3 முறை தலைக்கு குளிப்பது, உணவு முறையிலும் கவனம் வேண்டும். கெமிக்கல்ஸ் இருக்கக்கூடிய ஷாம்புல்ஸ் பயன்படுத்தும்போது கொஞ்ச நாள் சரியாகும். ஆனால், மறுபடியும் பொடுகு பிரச்னை வரும். அதனுடன், தலைமுடி உதிர்தல் பிரச்னையும் ஏற்படும் என்கிறார் மருத்துவர் நித்யா. 

கெமிக்கல்ஸ் நமது தலையின் ஸ்கேல்ப்பில் படிய ஆரம்பித்து, தலைமுடியின் வேர்ப்பகுதியில் படிகிறது. இதனால், அதிகப்படியான முடி உதிர்தல் ஏற்படும். சித்த மருத்துவத்தில் பொடுகு தொல்லை நீங்க எளிய வழிமுறைகள் உள்ளன. அதில், ஒன்று மரிக்கொழுந்து ஹேர் பேக்.

செய்முறை:

நறுமணம் வீசக்கூடிய மரிக்கொழுந்து இலைகள், வல்லாரை இலைகள் ஆகிய இரண்டையும் சேர்த்து நன்கு அரைத்து ஹேர்பேக் போல தலையில் அப்ளை செய்து ஒரு மணி நேரம் கழித்து தலைக்கு குளிக்க வேண்டும். இதனை வாரத்திற்கு 2 அல்லது 3 நாட்கள் பயன்படுத்தலாம்.  பூஞ்சைத் தொற்று இருந்தாலும் மரிக்கொழுந்து சாறு பயன்படுத்திக்கலாம். இந்த ஹேர்பேக் பயன்படுத்தும்போது கொஞ்சம் கொஞ்சமாக தலையில் இருக்கக்கூடிய பொடுகு பிரச்னை, அதிகமான தலைமுடி உதிர்தல் குணமாகிறது என்கிறார் மருத்துவர் நித்யா.