நெல்லை – சென்னை இடையே சிறப்பு ரயில் இன்று முதல் இயக்கம்

நெல்லை – சென்னை இடையே இன்று முதல் சிறப்பு ரயில் ( 06052) இயக்கப்படுவதாக தெற்கு ரயில்வே அறிவித்துள்ளது.

செப்டம்பர் 28ம் தேதி மாலை 3 மணிக்கு நெல்லையில் இருந்து புறப்படும் சிறப்பு ரயில், மறுநாள் காலை 3.45 மணிக்கு சென்னை வந்தடையும் என அறிவிக்கப்பட்டுள்ளது.

கடந்த 24ம் தேதி பிரதமர் மோடி 9 ரயில் சேவைகளைத் தொடங்கி வைத்தார். அதில் சென்னை- நெல்லை இடையிலான வந்தே பாரத் ரயில் சேவையும் அமைந்தது.

நெல்லை – சென்னை எழும்பூர் இடையிலான வந்தே பாரத் ரயில்  சேவை நேற்று தொடங்கியது. இந்த ரயில் காலை 6 மணிக்கு புறப்பட்டு மதியம் 1.50 மணிக்கு சென்னையை வந்தடைந்தது. இரு மார்க்கங்களிலும் செவ்வாய்க்கிழமை தவிர, வாரத்தில் 6 நாட்கள் வந்தே பாரத் ரயில் இயக்கப்படும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“