ஸ்பைஸ்ஜெட்டின் புது விமானங்கள்: சென்னைக்கான விமான சேவைகள் அதிகரிப்பு

மிகவும் குறைந்த விலையில் விமான சேவை வழங்கும் நிறுவனம் எனப் பெயரெடுத்த ஸ்பைஸ்ஜெட் தனது உள்நாட்டு மற்றும் சர்வதேச வழித்தடங்களை விரிவுபடுத்த ஆறு புதிய விமானங்களை அறிமுகப்படுத்த உள்ளது.

கொல்கத்தா-பாங்காக்-கொல்கத்தா வழித் தடங்களில் எங்கும் தரை இறங்காமல் செல்லும் தனது இரண்டாவது விமானத்தை அறிமுகப்படுத்தியுள்ளது. கொல்கத்தா-பாங்காக் விமான சேவையில் மிகப்பெரிய லாபம் இருப்பதாலும், இது மற்ற இந்திய நகரங்களில் இருந்து கொல்கத்தா வழியாக பாங்காக் செல்லும் பயணிகளையும் இணைப்பதாலும் இந்த முயற்சியில் ஸ்பைஸ்ஜெட்  இறங்கியுள்ளது.

கொல்கத்தா-சென்னை மற்றும் சென்னை-ஷிர்டி ஆகிய உள்நாட்டு விமான சேவைகளின் எண்ணிக்கையும் அதிகரித்துள்ளது ஸ்பைஸ்ஜெட். இதனால், கொல்கத்தா-சென்னை- ஷிர்டி போன்ற வழிகளில் நல்ல முறையில் சேவை  அளிக்கப்படும் என்று ஸ்பைஸ்ஜெட் நம்புகிறது.

ஸ்பைஸ்ஜெட் தனது போயிங் 737-800 தான் இந்த வழித் தடங்களில் பயன்படுத்தப் போகிறது .